هدايا العسكري للثوار في ذكري الثورة: عروسة علي شكل مبارك تدوس عليها يطلعلك لسانه

هدايا العسكري للثوار في ذكري الثورة: عروسة علي شكل مبارك تدوس عليها يطلعلك لسانه
في الذكري الاولي لثورة 25 يناير وبعد ان شهد العام المنصرم احداثا كثيرة ادت الي اثارة الجدل والتعليقات بين نشطاء الفيسبوك وتويتر , تداول النشطاء تعليقات ساخرة حول هدايا المجلس العسكري للشعب المصري وخاصة الثوار والمتظاهرين بمناسبة مرور عام علي الثورة

من الهدايا التي اختارها زوار الفيسبوك وتويتر والمواقع الاجتماعية:

توقعات الثوار لهدايا المجلس العسكرى فى 25 يناير المقبل:
- عروسة لعبة علي شكل خالد عبد الله تدوس عليها تقول "يا واد يا مؤمن " .
- عروسة لعبة علي شكل منصور العيسوي تدوس عليها تقول : إحنا مفيش عندنا قناصة أصلا ..
- عجلة الإنتاج الحربي .. وسنادات هدية ..
- بنك الحظ العسكري : كارت المحكمة تلاقي عليه: قمت بثورة والقاضي حبس الثوار إدفع 20 ألف جنيه كفالة وإذهب للسجن حالا
- كروت تخربشها وأنت وحظك .. ممكن تكسب: راديو ., جرامافون ., تليفون بقرص ., تلفزيون ابيض واسود ., عجلة نصر (بمناسبة تعيين الجنزوري) .... أو حظ سعيد الثورة القادمة ..
- ربطة جرجير ..
- عرايس على شكل مبارك تدوس علىها تطلعلك لسانها ..
- السي دي الكامل لتمثيلية محاكمة المخلوع علي جزئين ..
- كتاب السلاسل الفضه في أصول الثورة المضاده ..
- كتاب الشهيق و الزفير في جمال بدله المشير ..
- جزمة بتزمر كل ما تمشي بيها تقول عسكر .. عسكر .. !!
- مسدس خرز بيضرب طلقات فوتوشوب بيموت الناس بردو فوتوشوب ..
- طرف تالت لكل مواطن ..
- سلسلة فضه عليها لعبة مكتوب عليها آي لوف ماي سكاف ..
- علبة كبيرة تفتحها وانت ونصيبك .. يا تلاقى أيادى خفية يا تلاقى أيادى مندسة .. والاتنين بيدوك على قفاك ..
- بالونة تنفخها تكبر تكبر وأخيراً تفرقع فى وشك فتتتقسم تلاتة (إخوان وسلفيين وأقباط)