رواية غرام و انتقام كاملة

رواية غرام و انتقام كاملة
رواية غرام و انتقام كاملة
رواية غرام و انتقام كاملة




البارت الاول







البـــــــــــــــــــداية





بداية عمر كانت عطر

عم الفرح وضحك القدر

افتكرت اني فهمت الحياة

وحسافة مخبى فيها الغدر

ليالي كانت كلها فرح

وربيعها كلو زهر

كنت حاسب حبي ملاك

وما يتغير بظروف الدهر

وبلحظة غدر خاينة

تخلى عن عشرة عمر

تركني بهالعالم وحيد

اصارع اعمال القدر

خلت قلب صاير شريد

يحمل اضغان البشر

وجمد بالدم الوريد

وخلت قلب يعصر عصر

منقول





في بيت راشد



بطلتنا هند عمرها 7 سنوات واقفه في زاوية الصالة تبكي وترتجف من الخوف بسبب صراخ ابوها العالي على امها الحنونه ابوها انسان قاسي استغلالي استغل امها بنت العز والاموال بنت انسان معروف بالمنطقة من كثر الثراء توفي ماعنده الا ساره وعبدالرحمن وورثت الشي الكثيرررررررر من الاموال والعقارات والشركات ولكن بعض الاموال اخفتها عن زوجها لانها كانت تخاف من استيلائة عليها لانه اخذ الكثير منها فعندما ظن انها لم تعد تملك ريال واحد وان الدجاجه الي تبيض ذهب لم تعد تبيض اصبح يفتعل المشاكل ونكشف على حقيقته







ساره حامل بشهر السابع وفرحانه بحملها كثير بعكسه كاره الحمل اقتنع بحملها الول لانه يخاف من زعلها لانه بيفقده العز الي عايش فيه

ساره غلبت عليها عاطفة الامومه وكررت بعد سنوات الحمل وطلب منها تسيقيطه لكنها رفضت





ساره قمه بالجمال والانوثه والدلع واضح عليها اثر العز بكل تصرفاتها كانت طيبه حنونه محبوبه من الجميع



وكان الصراخ هذه المره لتوضيح الحقائق التي طالما كانت خايفه وتتهرب منها



راشد / بصوت عالي وبصراخ / اموالك نقلتها كله بسمي بالتوكيل الي اخذته منك وانت الحين شحاااااااااذه ههههههههههههههه



ساره من الصدمه/ ..........



راشد / ليه ساكته ليه ماتتكلمين



ساره/ ماصدق انك سويتها ياراشد وانا الي حبيتك وتحديت العالم وتزوجتك وانت فقير تقدم لي الكثير وتجاار وخترتك انت وهذا جزاتي



راشد / انا ماتزوجتك حبن فيك ولا لسواد عيونك تزوجتك لفلوسك ولا هذا الوجه احد يتحمل يطالعه روحي شوفي وجهك بالمرايه اصحي انا عمري محبيتك انتي جسر علشان اوصل للمال ووصلت له والجسر خلاص مايلزمني لاني تزوجت عليك



ساره/ شتقول تزوجت علي



راشد / ايه تزوجت بنت عمي الي اعشقها من يوم كانت صغيره وهي محيره لي



ساره / حرام عليك يا راشد ليه خدعتني انا حبيتك تعرف اش معنى حبيتك



راشد بسخريه / هههههههههههه انا حبيت فلوسك يقولون خذ القرد لمااله راح المال بقى القرد على حاله



ساره بحزن / مافكرت ببنتك ولي ببطني



راشد / اعتبريها مكافاة نهاية الخدمه متنازل عنهم ومتبري منهم مراح يرثون مني ريال واحد



ساره / انت ظالم ما تخاف ربك وش ذنبهم ياحسافة على ضياع احلى ايام عمري عند انسان مثلك استامنتك على مالي وحلالي انت انسان حقييييييير ونذل ياخسارة حبي لك ياخساره الله ينتقم منك يارشد واشوف فيك يوم



دفها راشد بقوه طاحت على الارض وداس برجله على وجهها وضحك باستحقار ههههههههه هذا قدرك عندي والحين جهزي اغراضك ان جيت بعد العشاء ولقيتك ماطلعتي من بيتي حذفتك انتي وبنتك بالشارع



ساره / هههههههههه بيتك من متى



راشد / يامدام نسيت لاقولك سجلته باسمي وانتي مكانك الشارع ولا روحي لخوك الحنون واذا ماضفك روحي للمساجد اشحذي وخذي بنتك معك



ساره / مراح تسلم مني ياحرامي وبنتقابل في المحاكم



راشد بقوه / هههههههههه اعلى مافي خيلك اركبيه القانون لا يحمي المغفلين وانتي مغفلة



ساره تتوجع وهي بالياله تتنفس بسبب اوجاع بظهرها بسبب الطيحه لكنها تكابر ماتبي راشد يضيع الباقي من كرامتها ويتشفى بوجعها



هند جت تركض بسرعه لابوها وصارت تضربه على فخذه وتقول انا اكرهك انت حرامي ليه تضرب ماما ان بكره ان كبرت بضربك ودوس وجهك برجلي زي ماسويت لماما



صعق راشد من كلام بنته ولكن من قسوته ضربها وصرخ عليها صوته ارعب هند انخشت وراء ظهر امها الملقاه



راشد / انا طالع بجيب عروستي معي بعد العشاء الاقي بيتي نظيف منكم يالحثاله



وقبل لا يطلع التفت على زوجته الطايحه على الارض قال لها انتي طالق طالق طالق



ساره سمعت الكلمات حست بظلام وفقد الوعي وغمي عليها



وطالع وسكر الباب باقوى ماعنده مما سبب الفزع لهند





ناظرت هند امها المغمي عليها خافت وعلى طول راحت المطبخ نادت الشغاله لما شفتها الشغاله خافت وجابت ماء وغسلت وجه ساره لكن لا مجيب وطلبت من هند تروح تجيب عباية امها ركضت هند لغرفت امها وخذت العباية ولبست الشغاله ساره وحاولت بكل ماتقدر تسندها الى ان وصلت لسياره السواق وطلبت منه بسرعه يروح للمستشفى





وبعد قائق وصلو المستشفى ودخلوها الطوارئ الممرضة منعت هند من الدخول وهي تبكي بهسترياء تبي تدخل ولصغر حجمها شالتها الممرضه تطمنها تسالها



الممرضه / وين بابا



هند بحزن / بابا مات طلعت عفويه من هند بسبب كرها لابوها الي حرمها من حنانه بسبب اطماعه



في هالحظه طلع الدكتور وقال وين ولي امر المريضه اجابت هند انا طالعها الدكتور باستغرب من الطفلة الواضح عليها الذكاء



الدكتور / بابا لازم واحد كبير ماما لازم تولد الحين ولاز م احد يوقع على اوراق ضروري علشان نولدها بسرعه



هند / انا اوقعها انا اعرف اوقع انا بدرس انا كبيره



الدكتور / انتي شاطر بس لازم تعطيني رقم احد كبير اتفاهم معه



على طول هند عطتهم رقم خالها عبدالرحمن





في بيت عبد الرحمن





متزوج من بنت عمه نوره



عبدالرحمن 35 سنه وسيم وحنون وطيب وله هيبه ورزه وشخصيته قويه



نوره 30 نوره انسانه حنونه وعطوفه وذكيه تحب هند كثرررررر وهند تحبها لانها امها الثاني ونوره وام هند مثل الخوات اسرارهم عند بعض هي الي اشارات على ساره انها تخبي عن راشد ممتلكاتها وشركاتها الي كانت تديرها ساره بالخفاء وكانت





تجي عند اخوها لمشاركتها ببعض ارائه لانه له باع طويل بالتجاره والشركات ساره كتبت كل شركاتها واملاكها باسم بنتها الغالية هند



خالد 7 سنوات اخو هند بالرضاعه رضعت مع خالد يوم امها سوت عملية المراره فضطرت نوره ترضعها مع خالد



محمد / 5 سنوات



وفهد / شهرين



نوره من الصباح وقلبها مقبوض عندها احساس وقلق ان صاير شي او بصير شي وقلبها مقبوض من هند لها يومين ماكلمتها ماهي من عوايدها



اول ماسمعت صوت جرس التلفون على طول ركضت من ثاني رنه ردت



/ الو



نوره / هلا



/ هذا بيت عبدالحمن فهد .......



نوره / ايه نعم من معي



/ اختي ممكن اكلم عبد الرحمن ضروري



نوره / لحظه



وركضت لغرفتها كان عبد الرحمن بالغرفه بياخذ قيلوله بعد الغداء فتحت عليه الغرفة قالت له حبيبي فيه واحد على التلفون يبيك ضروري



عبدالرحمن / كان قلتي نايم



نوره بخوف / يارجال قوم انا من اصبحت وقلبي مقبوض



عبدالرحمن / اللهم اجعله خير انا اخاف من احساسك



بسرعه نزل عبد الرحمن ورد على التلفون



عبدالرحمن/ الو هلا من معي



/ انا دكتور من مستشفى ....... ياليت تتفضل ضروري



عبدالرحمن بقلق / ممكن اعرف من عندكم مريض



الدكتور / بخصوص اختك ساره



عبدالرحمن مصدوم ورد وهو خايف / حالتها كيف



الدكتور / تعال المستشفى وانت تعرف



بسرعه ركض عبد الرحمن من غير مايغير لبسه هذي اخته الوحيده الغاليه الي يفداها بعمره طلع وهو يدعي يارب اجعله خيررررررر



ركب سيارته يسوق بسرعه جنونيه لين وصل للمستشفى













يتبع

رواية غرام و انتقام كاملة
رواية غرام و انتقام كاملة
رواية غرام و انتقام كاملة


في المستشفى



ركض عبدالرحمن في الاسياب يبحث عن غرفة اخته وشاف من بعيد هند واقفه تروع من حالت صغيرته هند دلوعته بالمستشفى ببجامة البيت وشكلها مبهذل من غير احذيه استغرب انه يشوفها وحيده يسال نفسه وينه راشد



شافته هند وحست بالامان ركضت وضمته بابا ضرب ماما وماما ماتت



سالها عبدالرحمن / هنوده من جابكم هنا



هند / السواق مع ريتا الشغاله



انفجع عبدالرحمن من كلامها وفي نفسه يهدد ويتوعد راشد شلون يتركهم في الظروف هذي بس الحين لازم يتطمن على ساره



راح لرسبشن يسال عن الدكتور المشرف على حالتها فدلته الممرضه على غرفته دق الباب سمع الدكتور يطلب منه الدخول دخل وهو مرتبك ومرعوب خاف ينصدم من الكلام الي بيقوله وهو حاط يده على قلبة



عبدالرحمن / انا اخو المريضه ساره فهد ....



الدكتور / اختك تعرضت لصدمه عصبية وللاسف اصيبت بجلطه ولازم نولدها بعمليه قيصره ضروري لانه ممكن يتوفى الجنين ويتسمم جسمها وفيه خطر على حياتها



عبدالرحمن فتح فمه منفجع وغصب عنه دمعت عينه / ان لله وانا اليه راجعون طيب ونتيجة الجلطه كيف بتقوم منها سليمه



الدكتور بحزن لما شاف حالة عبدالرحمن / يؤسفني ابلغك ان الجلطة اثرت على اختك واصابها شلل بتجلس طول عمرها على كرسي متحرك وبصعوبة بالكلام



عبد الرحمن / مافيه امل تتشافى انا مستعد اسفرها للعلاج برا باكبر مستشفيات العالم


الدكتور / خل املك بالله كبير برا مثل هنا لكن احتمال معدوم انها تمشي مره ثانيه



عبدالرحمن بحزن / والمطلوب الحين مني



الدكتور / توقع على اوراق العملية قيصريه



عبدالرحمن اخذ الاوراق ووقعها



وعلى طول طلعو ساره من غرفة العنايه قدام عيونه بسريرها مغطاه بشرشف ابيض اخذوها لغرفة العمليات وتقدم لها وباس جبهتها ودعاء لها تقوم بسلامه دخلوها وسكرو عليها الباب حاول الدخول لكن امنعوه جلس قدام الغرفة وهموم الدنيا على راسه ورجلينه ماتشيله من الخوف انه يفقدها



ويسال نفسه ساره وش الي صار لها وسبب انهيارها وبسبه انجلطت انا اعرف ساره نادر ماتعصب او تزعل وهي عمرها ماخبت شي عني


التفت شاف هند شكلها يكسر الخاطر ماتتحمل تجلس بالمستشفى



نادى الشغاله قال لها تاخد هند مع السواق ويرجعونها للبيت لان هند واضح عليها التعب والارهاق



رفضت هند تسمع الكلام تبي تشوف امها لانها متعلقه كثيررررر فيها جت الشغاله عنده وقالت ان هند معنده ماتبي تروح للبيت



راح لها باس راسها وضمها ويمسح على شعرها


عبدالرحمن / بابا ماما نايمه وانتي تعبانه من اليوم وانتي بالمستشفى وعد مني اذا قامت انا اجي اخذك تشوفينها ماما اذا درت انك هنا بتزعل عليك ترضين ماما تزعل عليك


هزت هند راسها بلا وستجابة لكلام خالها



مسكتها الشغالها بيدها لان الشغاله ثقة هي وزوجها السواق كانو عند ام ساره لما توفوا اهلها اخذتها عندها لان مالهم احد بديرتهم ويحبون امها وابوها لانهم عطوفين وحنونين عليهم ساكنين بملحق في بيت ساره وبيت ابوها قبلها





عند راشد


بعد ما نزل هند عندبيت خالها خايف من ردة فعل عبد الرحمن لانه يعرف انه رجال واصل ولا راح يرضى باليسواه باخته الغاليه متاكد لو شافه بيموته


طلب من صديقه يهتم بتاجيرالبيت لانه مستحيل يسكنه ويكون صيده سهله لعبدالرحمن


اخذ زوجته وسافرولديرتهم الي يجهل عبدالرحمن مكانها
سافر بسيارته مايبي عبدالرحمن يعرف طريقهلانه لو سافر بالطياره بيعرف مكانه عن طريق معارفه الي يشتغلون بالمطار ويعرف وينمتجه ويجيبه وهو مو قده لانه اجبن عن مواجهته

الديرته منطقه بعيد عن الرياض ومنطقه بدائية ناوي يهرب فيها فتره لين ينسى عبدالرحمن موضوعه وبعدين لكلحادث حديث


وهو يسولف مع موضي فرحان بالغنايم الي كسبها من وراء ساره فجئة انفجر كفر سيارته حاول يتحكم بالسياره لكن بدون فايده استسلم لمصيره ارتطمت سيارته بحاجز جداري

البارت الثاني


عند راشد


فجئة انفجرت كفره سيارته حاول يتحكم بالسياره لكن بدون فايده استسلم لمصيره ارتطمت سيارته بحاجز جداري

بعد دقائق من الحادث تجمع الناس حول السياره كان راشد غرقان بدمه وموضي كانت بوعيها تتوجع من ظهرها وبطنها




موضي وهي تتوجع شافها واحد من الناس وتاكد انها صاحيه

الرجال / اختي الحين بتجي سيارة الاسعاف ياليت تعطيني رقم احد من اهلكم

مدت جوالها بوجع / فيه رقم ابو جاسم اخو زوجي

وصلت الاسعاف ونقلتهم للمستشفى القريب من الديره
كلم الرجال ابو جاسم وقاله عن الي صار وقاله عن المستشفى




وصلوهم للمستشفى على طول انقلو راشد لغرفة العمليات وموضي دخلوها بغرفة الطواري لان فيها كدمات خفيفه

بعد اكثر من ساعتين وصل ابو جاسم ومعه ابوه ابو راشد للمستشفى

اسرعو لرسبشن اسئلو عن غرفة موضي وراشد

وابو راشد من كبر سنه ارجوله مو قادره تشيله من الخوف والكبر

وصلو لغرفة موضي طلعت لهم الدكتوره ووجها كله حزن ركض لها ابو جاسم وهو خايف

ابو جاسم بخوف / طمنينا على المريضه موضي


الدكتوره بحزن/ المريضه كانت حامل واجهضت والحين بينقلونها غرفة العمليات بيسون لها تنظيف


هز ابو راشد راسه بحزن نقلوها لغرفة العمليات بعد مابنجوها


توجهو لغرفة العمليات عند راشد جلسو وقت طويل وهم خايفين ينتظرون الدكتور يطمنهم عليه


ابو جاسم / يبه الله يهديك ماكنت ابيك تجي معي لاني مابيك تتعب لكن انت مصر اتعب نفسك


ابو راشد بعصبيه / وش قاعد تخربط اجلس وولدي مسوي حادث وهذا انت مجرب غلا الولد


ابو جاسم / الله يقومه بالسلامه


طلع الدكتور ركض له ابو جاسم وهو حاط يده على قلبه خايف من الي بيقوله الدكتور لان وجهه مايطمن


الدكتور / انتم تقربون للمريض راشد


ابو جاسم / ايه اشر لابوه هذا ابوه وانا اخوه طمنا يادكتور


الدكتور بحزن / الحمدلله على سلامته لكن احب ابلغكم ان الضربه كانت بالظهر وبسببها ابنكم بيصير غير قادر على الانجاب



الخبر كاصاعقه نزلت عليهم مصيبتين في نفس الوقت ابو راشد ماقدر يتحمل ارتفع عليه السكر واغمي عليه نادى الممرضات شالو ابوه لغرفة الطوارئ وهو يعتصر قلبه على حال اخوه كيف بيتحمل المصيبه هذي


ابو جاسم هز راسه بحزن / الله يكون بعونه


دخل على ابوه شاف توه صاحي ودموع نازله على خدوده الي حفر الزمن تجعيده عليها


ابو جاسم بحزن / يبه ارحم نفسك الله مع الصابرين وهذا قدره من يوم ربي خلقه مانقدر نعترض على حكمة ربي وانت انسان مؤمن وتعرف الصبر عند المصيبه الاولى


ابو راشد بحزن / ونعم بالله ان لله وان اليه راجعون






مر اسبوع على ابطالنا لا جديد في حياتهم نفس الاحداث



راشد عرف انه عقيم و تاثر كثير وانتشر الخبر بين اهله والكل تعاطف معه ومع موضي


موضي تاثرت من اجهاضها وخبر عقم راشد
وقررت تبقى معه لانها مستحي بتلقى احد تسيطر عليه مثل راشد وبعد الي صار له بتصير هي الاقوى بينفذ كل الي تبيه تعرف مكانتها عند راشد مستحيل انه يفكر يخسرها



في بيت عبدالرحمن



اليوم خروج ساره من المستشفى والكل مبسوط ينتظرها واولهم هند الي جالسه بغرفة امها بعد مجهزها خالها وجاب لمها ممرضه تهتم بصحتها وبتنام معها بالغرفه هند سمعت صراخ خالد يناديها


خالد / هنووووده عمه جت


ركضت هند بتستقبل امها طلعت لصاله اول مطلعت وشافت امها
انصدمــــــــــــــــــــــــــت


امها جالسه على كرسي متحرك كان فيه ازره يساعد ساره على الحركه بدون مساعدة احد كان وجهه ساره اصفر شاحب اول ما شافت بنتها مصدموه على طول راحت لها اشرت لها تسلم عليها على طول رمت هند نفسها بحضن امها وحضنتها بشوق كانت حزينه وهي تشوف امها ما تمشي وصدمها اكثر ان امها ما تتكلم


نوره / هنوده ماما بترتاح بغرفتها انتي روحي مع خالد فوق بغرفته
كانت متمسكه قوة بمها كانها خايفه تروح عنها


حست فيها نوره / بعد شوي تنزلين تلقين ماما قامت انا وصيت خالك يجيب كيكه لان امك طلعت من المستشفى


ابتسمت هند وبان على وجهها الرضاء وطلعو فوق


نوره / ساره لازم تنامي وترتاحين ولنا جلسه بعدماتنامين ياني مشتاق لك يا سارونه وجتها وضمتها ووصلتها غرفتها الي اعجبها ذوقهاالجدار
كان عنابي والاثاث بني عودي وفي كنبه طويلة على جنب خشبهاعنابي وقماشها مخمل عنابي مع ورود عنابيه من نفس اللون


وصلتها نوره لسريرها وساعدتها تنزل تدخل سريرها وبعدها غطتها وطفت الانوار وسكرت الباب وطلبت من الممرضه تنتبه لها وتعطيها علاجها

وطلعابتجهز اكل مغذي لساره لانها بمرحله نفاس تحتاج لتغذيه جهزت لها الاكل وطلبت من الممرضة اول ما تقوم ساره تخليها تاكل واذا ما قدرت فيها تناديها لان نوره كانت تعبانه ومن الفجر صاحيه تتجهز لاستقبالها بتاخذ قيلوله وبالعصر بتقوم



في غرفة ساره


جتها الممرضه عطتها دواها رفعت لها السرير ( نفس سرير المستشفيات ) عطتها عصير وطلبت منها تنام لان بعد ساعه لازم تتغدا عندها حبة لازم تاكلها بعد الاكل وبالمغرب بتغير على الجرح


اشرت ساره للمرضه انها تتركها لحاله طلعت الممرضه تبي تختلي بنفسها ورجع قدام عيونها شريط احداثها مع راشد ( وحطت اللوم على غبائها )


دخلت عليها هند لانها مشتاقه لامها كان سرير ساره عريض نادتها تبيها تنام مشتاقه لها فرحت هند ونامت جنب امها وهند متعوده ما تنام الا وامها تلعب بشعرها صارت تمسح على شعر هند لين نامت وجلست تتاملها وشايله همها متيتمه من ابوها وهو عايش ويمكن ما تعيش لهم لانها حاسه انها بتموت غصب عنها نزلت دمعه ساخنه على خدها وضمة هند وهي نايمه ومن التعب نامت



فوق في غرفة نوره



نوره / حبيبي انا قلت للعيال اليوم بنسوي حفله صغيره على قدنا وبعزم ام بسام تعرف ساره تحبها وابيك تجيب كيكه وشغلات للحفلة


عبدالرحمن / حبيبتي بدري على الحفلات ساره توها طالعه وباين ان نفسيتها تعبانها لكن تكابر هذي ساره اعرفها ماتبي تشيلنا همها


نوره / حبيبي انا متعمده اسوي الحفله الحين علشان نغير لها جو مابيها تختلي بنفسها وترجع همومها انا اعرف ساره مستحيل تنسى الي صار وبتحاتي بناتها ومع الجمعه بنحاول نفرفشها ونطلعها من حزنها


عبدالرحمن / شورك وهداية الله بعد الصلاه بروح وعلى المغرب كل شي جاهز


نوره / الله يعطيك العافيه ويطول لي بعمرك ياغلى زوج


عبدالرحمن / بس اغلى زوج مافي شي من منا منا
قامت وطبعت بوسه على خده


عبدالرحمن / الحين اقول امري تدللي يازوجتي الغاليه الله لايحرمني منك من غيرك مدري شلون تصير حياتي


نوره / ولا يخليني منك يانور حياتي يله بنام مابقى الا ساعه وياذن العصر




في غرفة ساره


دخلت الشغاله ريتا على ساره لانها ما شافتها يوم طلعت من المستشفى كانت طالعه برى تشتري اغراض لقتها نايمه


انصدمت لما شافت هند نايمه جنب امها

خافت ان هند توجع امها بالعمليه وتسبب لها ضرر على طول شالتها وحطتها على الكنبه الطويله بالغرفة وغطتها وطلعت




فوق بغرفة نوره


سمعت نوره صوت الاذان قامت التفتت على زوجها لقته غاط بنومه مسحت على شعره


نوره / قوم حبيبي بيقيم ياله قوم بلا كسل التفت عليه ومسك يدها وباسها خليني انام شوي بحضنك


وقفت وسحبته ودخلته الحمام ماتبيه يتاخر على الصلاه


طلع من الحمام وهو حاط فوطه على خصره ولقى ملابسه على السرير مجهزتها نوره لبس ونزل


نزلت نوره دخلت غرفة ساره طلت عليها لقتها نايمه سئلت الممرضه اكلت شي


الممرضة / لا صحيتها بس مو راضية تقوم عندها حبه لازم تاكلها الحين


طلبت من الشغاله تجهز اكل سارة واخذت الدواء معها دخلت الغرفه شغلت النور وقربت عند سريرها ومسحت على شعرها


نوره / سارونه ياله قومي وش هالنوم تغدي وكلي حبوبك اذا خلصتي بنطلع للحديقه الجو خيال مجهزه قهوه هناك فتحت عيونها ساره على صوت نوره


نوره / نوم العواف عندي مفاجئة لك هزت ساره راسها وهي مبتسمه كانها تقول شنهي المفاجئة


نوره / مراح اقولك لانها مفاجئة ان قلت ماصارت مفاجئة خلصي انا بروح اطل على العيال جت بتطلع مرت على الكنب شافت هند نايمه


نوره بابتسامه / ما شاء الله هنوده متى جت ونامت هنا ما عندها وقت ياحبي لها قربت عند الكنبه ورفعت عنها الحاف ومسحت على شعرها وباستها


نوره / هنوووووووده قوي حبيبيتي بتروحون مع خالك تشترون اغراض الحفله

على طول فزت واقفه


نوره / بسم الله عليك خوفتيني شوي شوي
روحي خذي لك شور وبدلي وخالك بيجي من الصلاه بسرعه وانتي طالعه مري على خالد وقولي له انه بيروح معكم


وطلعت هند لحقتها نوره على الدرج


نوره/ هنوده صديقتك غاده بتجي


فرحانه مو مصدقه هند بفرح / صدق خالتو


نوره بحب / ايه ياعيون خالتو بيجون بعد المغرب لا تتاخرون ويمكن بعد تنام الليله عندنا اشتري حلويات وشغلات تضيفين فيها غاده


هند / ان شاء الله


طلعت هند مرت على غرفة خالد كان يلعب بلاستيشن لحاله فتحت الباب وتمشي بشويش يوم قربت من عند خالد


هند بصوت عالي / بوووووووووووووو فز خالد متروع لان هند فاجئته وهو متحمس بالعبه ولحقها بيضربها


خالد / اوريك ياهند دخلت غرفتها وقفلت عليها وهو يطق عليها الباب


هند / مابي افتح روح تجهز خالو بيودينا مشوار عندنا حفله علشان ماما وبنشتري مع بعض الاغراض ترى غاده وبسام بيجون


بسام صديق خالد اكبر منه بسنتين عمره 9 وخالد عمره 7 قال

خالد / ياااااهو وناسه


وبسرعه دخل غرفته خذا شور ولبس بنطلون جنز وبلوزه من كوست لونها ابيض ومشط شعره


هند اخذت شور ولبست تنوره جنز لتحت الركبه مع بدي وردي وفوقه بلوزه بيضاء ولبست حذيان ورديه وخلت شعره مفتوح ومقسمه قذلتها قسمين وكل قسم رافعته بمشبك شعر وردي على شكل قلب ومنزله خصل قليله على جبهتها وطالعة قمه بالطفوله والاناقه


طلعت من غرفتها مرت على غرفة خالد طقت

هند / بسرعه خلود
فتح الباب طلع وهو نازل وماسك يد هند وانزلو تحت



يتبع

تحت


دخل عبدالرحمن البيت دخل المطبخ كانت نوره تشتغل وتجهز اغراض الحفله


عبدالرحمن / ساره وينها


نوره / تتغداء وبعد شوي بنطلع للحديقه بتجيناام بسام وجالسه اجهز القهوه والفطائر والحلويات وانا مجهزه الجلسه بالحديقه


عبدالرحمن / وين العيال


نوره / الحين نازلين انت انتظر بالصاله بجيب لك شوي حلى وشوي فطائر وتقهوى على بال ماينزلون



دخل الصاله وجلس على الكنب ولحقته بالقهوة شرب فنجال قهوه واكل قطعه حلى الا بنزلة هند وخالد


خالد / بابا تاخرنا بسرعه بسام بيجي نبي نلحق عليه قبل لايرجع بيتهم وبنشتري اغراض الحفله قاطعته نوره


نوره / بسام بينام هنا الليله اشتري اغراض تضيف فيها بسام انا قايله
لهند بتشتري لغاده


خالد / زين بابا بشتري شريط بلاستيشن جديد كل الي عندي قديمه


عبدالرحمن / بطريقنا نمر محلات العاب وتختار الي تبي


خالد / عاااااااااااااش بابا عااااااااش ضحك عبد الرحمن من ولده ومسكه بذنه


هند ضحكت عليه لما شافت خالها ماسكه باذنه


عبدالرحمن / يقليل الخاتمه عاش بابا علشان شريط


خالد / اسف بابا ماقصد كذا وباس ابوه على راسه

عبدالرحمن / سماح هالمره


تظاهر عبد الرحمن با لعصبيه


عبدالرحمن / يله اطلعو ان تاخرتو رحت وخليتكم ما كمل كلامه الا كلهم سبقوه عند السياره


بعد ماطلع عبد الرحمن دخل غرفة ساره تستعجلها على الطلعه للحديقة طقت الباب

ردت الممرضه / مدام انا اغير لجرح المدام

نوره / اذا خلصتي هاتيها برا في الحديقه او ناديني


خذت نوره القهوه وحطتها مع الفطائر والحلويات على الطاوله كان فوقها مظله والمكان كان كله ورود جوري وياسمين وفل وورد احمر من الي تحبهم ساره والمكان ريحته منعشه مهدي لنفس


سمعت صوت جرس الباب طلبت من الشغاله تفتحه وعلى طول داخلت ام بسام وجابتها الشغاله لمكان نوره قامت لها ورحبت فيها واخذن بعض بالاحضان

وجلست ام بسام على الكرسي وسالتها نوره عن عيالها


ام بسام / راحو مع ابوهم بيجون بعد المغرب غاده بتشتري هديه لغاده الصغيره وهي مصررررررره ما يشتريها الا هي تقول لانها على اسمي وبسام مرافق معهم


نوره / هههههههههه يحليلها غاده اجل فرحانه انها على اسمها والله هند الي مختاره الاسم ومسميته على غاده يحبي لهن

ام بسام / نوره كيفها ساره شلون نفسيتها

نوره / الله يكون بعونها الي هي فيها مو بسيط


ام بسام / من يتوقع يصير لساره كذا ساره كلن يحبها ما ضرت احد ماقول الا حسبي الله على الي ما يخاف الله طلق ساره وضيع بناته


نوره معصبه / وش ذا الكلام الي تقولينه والله لو ماعرفك زعلت عليك اجل حنا وين رحنا اذا ابوهم تخلى عنهم خالهن مراح يقصر عليهم والله انه يحب هند اكثر من عياله من زمان وهو يتمنى البنات وربي رزقه بهنوده والحين عندنا بعد غاده


ام بسام تعتذر / لا تاخذين بخاطرك انا ماقصدت الي فهمتيه السموحه ياختي الا كيفها غاده


نوره / اللهم لك الحمد وانا ودي ارضعها مع فهودي تصير اختهم ونصير عيله وحده


ام بسام / خير ما سويتي الا ماقالو لكم متى تطلع

نوره / على الاسبوع الجاي وان شاء الله عبدالرحمن بيسوي لها تماميم كبيره وانتي معزومه من الحين


ام بسام / ان شاء الله الا وينها ساره


نوره / عندها الممرضه تغير على جرحها والحين بتجي


التفت نوره الا تشوف الممرضه معها ساره جابتها عندهم على الطاوله


وطلبت نوره من الممرضه تجيب دفتر لساره تكتب الي بنفسها وتسولف معهم عن طريق الكتابه

قامت ام بسام واستقبلت ساروه وخذتها بالاحضان


ام بسام / الله يهديك يا سارونه شكلك بتشوفين غلاتك عندنا وربي انك غاليه يالغاليه وترى انا عازمتك بعد كم يوم عندي لا تقولين مالي خلق مابي مو بكيفك الجدار بالجدار مالك عذر يا لغاليه


ضحت ساره من كلام صديقتها وحبيبتها كانت ام ساره وام بسام صديقات والحين غاده وهند صديقات وامهاتهم صديقات وجداتهم صديقات


جلسن سوالف وضحك وساره شاركتهن بالكتابة لين اذن المغرب جت الشغاله


الشغاله / مدام باب يبغى انتي قامت نوره دخلت لزوجها داخل استقبلوها هند وخالد


كانو طالعين للحديقه ركضو عند ساره وام بسام لكن انصدمو ما شافو بسام وغاده طمنتهم ام بسام انهم جاين بطريق جلسو معهم


نورهداخل البيت دخلت لقت عبد الرحمن يكلم
الشغاله يطلب منها ترتب الاغراض الي جابهم دخلت عليه هند

نوره / لا تعبت حبيبي

عبدالرحمن / لاندمتي متى بتجهزون الطاولات الي برا


نوره / اصلن مافي احد جهزت طاولتين لنا انت بتبقى بالبيت ولا بتروح مع ابو بسام

عبدالرحمن / افهم من كلامك اني مطرود

نور / لا حبيبي ماقصد اذا بتبقون جهزنا طاولات لكم اذا بتروحن اكتفي بترتيب طاولاتننا


عبدالرحمن / ما ظن اني ببقى ودي امر الربع بالاستراحه مسوين عزيمه على سلامة ابو نواف سو حادث وتوه طالع من المستشفى وباخذ معي ابو بسام من زمان ماتجمعنا


ماشوفه الا بشركه ( ابو بسام شريك وصديق عبدالرحمن من ايام الثانويه )

وابو بسام لايقل غنى عن عبد الرحمن ومن حبهم لبعض تشاركو بشركه وصار عبد الرحمن المدير لشركه وابو بسام النائب لان عبد الرحمن اجدر منه بالاداره


نوره / ترى ام بسام وعيالها بينامون عندنا اليوم انا طالبه منها تنام بتغيير من حالة ساره وعلشان ينبسطون عيالنا من زمان ماطلعو ولا راحو


عبد الرحمن / الا كيفها ساره ان شاء الله مبسوطه بالجلسه معكم


نوره / الله يعافيها ام بسام عندها قدره بتلطيف الجو وحنا نعامل ساره مثل قبل مانبي تتغير معاملتنا لها تحسبنا متعاطفين ولا شفقانين عليها وهذ الي يدمر الواحد


عبدالرحمن / عفيه عليك حبيبتي هذا الي ما نبيه ابيها تعيش معنا رافعه راسها وتحس انها بقوتها ماتغير عليها شيئ


نوره / ان شاء الله


عبدالرحمن / حبيبتي روحي لضيوفك تاخرتي عليهم


نوره / رايحه لهم بس بطلع فوق اخذ شور وابدل ملابسي وانا موصيه ام بسام على ساره بتاخذها لغرفتها ياليت تطلع لمجلس الرجال علشان تاخذ راحتها واصلن ابو بسام على وصول مع عياله


عبدالرحمن / ليه اجل ماجو مع امهم


نوره / لا يحليلها غاده مصره الا تشتري هدي لغاده الصغيره علشان مسمينها على اسمها

عبدالرحمن هههههههههه مهب هينه النتفه هذي مشيه ابو بسام على كيفها

طلع عبدالرحمن للمجلس ونوره طلعت فوق لغرفتها


برا بالحديقه


ركضت هند وخالد عند ام بسام وانصدمو ماشافو بسام وغاده نادتهم ام بسام وضمتهم وقالت شكلكم بتسالوني عن بسام وغاده الحين جاين بطريق ارتحو لما دروا نهم بيجون


سمعو صورت الجرس على طول ركض خالد وفتح الباب وكان ابو بسام سلم علي
خالد

ودخلو غاد وبسام غاده كان معها كيس من محل مجوهرات غالي سئل ابو بسام خالد

ابو بسام / خالد وين ابوك

خالد / بالمجلس


دخل ابو بسام المجلس لقى عبد الرحمن منسدح قدام التلفزون طالع فيه ابو بسام

ابو بسام/ يالاخو جاك ضيوف تراه مجلس ليكون غلطان تحسبه غرفة نوم


عبدالرحمن يبتسم / ما تترك سوالفك على طول اكلتني قول السلام وسلم على عمك عبدالرحمن


ابو بسام / عمى بعينك قال عمي قال قوم فز من مكانك وسلم علي

ضحك عبد الرحمن / ههههههه ماينقدر فيك جعلني ماطيح بين ايدينك اكلتني

سلمو على بعض

عبدالرحمن / تخاويني للاستراحه


ابو بسام / ماعقلت ليكون تحسب عمرك بالعشرين تراك عجزت


عبدالرحمن / اصبر علي اكمل الربع مسوين عزينه لبو نواف علشان سلامته وانا بروح لهم

ابو بسام / والله متفشل من ابو نواف دخل وطلع المستشفى لا كلمته ولا زرته

عبد الرحمن / وش الي شاغلك عنه ترى خوينا


ابو بسام / انشغلت بالشركه كان فيها شوي مشاكل وانت لك كم يوم ساحب على الشركه وصار كل شي على راسي


عبدالرحمن / السموحه والله ان مرت علينا ظروف جعلها ماتمر عليك

ابو بسام / ما جاك خبر عن النذل راشد


عبد الرحمن /لا تذكرني وربي اني اغلي قهر ما خليت مكان ماسئلت عنه وموصي ناس ادور عليه ناوي عليه بس ماله اثر وسئلت عنه بالطيران الداخلي والخارجي مالقو اسمه جبان طول عمره جبان ما يواجه بس مصيره يطلع وين بيروح


ابو بسام / هو صدق طلق اختك


عبدالرحمن / الحقير طلقها بعد ماسرقها والمصيبه تزوج بنت عمه وقهر هند وطلب منها تجمع ملابسهم بكيس زباله شفت رده للجميل كيف والله يوم شفت ملابسهم بكياس الزباله حسيت بالمهانه والادهى والامر قاط بنته باليل عند بابنا ورامي الاكياس جنبها اه يالقهر اني ماقدرت اصيده ولا والله لاخذ فيه اعدام ماهمني ولا تنهان اختي


ابو بسام / الخسيس سواته ما يسويها رجال صاحي فيه مروه نسى ان هذي بنته ماخاف عليها من عيال الحرام


عبد الرحمن / على كلام الشغاله تقول انها سمعته يقول انه متبري منهم مايبيهم وعتبريهم مكافاة نهاية الخدمه تخيل صار يمن علينا بعد مانظفناه ولميناه من الشارع وربي ماكاسر ظهري الا بناته اخاف الناس ياخذونهن بسوايا ابوهن الخسيس وبعد عمري هند اول ليله يوم نامت خوفتنا بصراخها تحلم بالي سواه حسبي الله عليه الله لا يهنيه ولا يوفقه


ابو بسام / الناس لايدرون بسواياه اذا اسالوكم قول ان اختك الي ماتبيه وعايفته


عبدالرحمن / هذا الي بنقوله يله مشينا

نكمل سوالفنا بسياره تخاويني ولا اخاويك

ابو بسام / لا والله بخاويك كسلان مالي خلق لسواقه

عبد الرحمن/ هههههههه الله يقطع بليسك ماتترك عنك العجز والكسل الله يصبر ام بسام عليك

ابو بسام / ياله مشينا خلك من هسوالف
طلعو متجهين للاستراحه



في الحديقه


دخلت نوره على ساره وام بسام والعيال

نوره / هنوده خلود روحو خذو شور وتجهزو للحفله باقي ساعه وبحط كل شي ان تاخرتو راحت عليكم الحفله


ام بسام /حرام عليك نوره خوفتيهم شوفي شلون طارو حتى ما كملتي كلمك

نوره / علشان مايتاخرون لان لازم نخلص الحفله بدري لان ساره تعبانه لازم ترتاح الارهاق والجلسه الطويله ماهي زينه لها ولا نسيتي انها نفاس وبعمليه


ام بسام / لا والله مانسيت جعله تخفيف ذنوب وانا ختك الله اذا حب عبده ابتلاه


بعد صلاة العشاء كل شي جاهز الطاولات وعليها مفارش بلون الاحمر والابيض وفوق كل طاولة اكسسوارات قمه بالجمال مخلوط بين الون الاحمر والابيض وفيه على جنب بالحديقه بوفيه صغير متنوع فيه كل مالذ وطاب وفي وحده من الطاورلات كيكة دورين من الفراولة والفانيلا وعصاير طازجه من كل الانواع


جت نوره عند ساره / سارونه الحفلة على سلامتك كنا نبيها كبيره لكن علشانك توك طالعه من المستشفى قلنا نسويها مختصره بينا وبين ام بسام
والحفله الكبيره تمايم غدويه ابتسمت هند على طاري غدويه


نوره بمزح / على شرفك نبيك تقطعين الكيكة وتوزعينها

قربت من الكيكه قطعتها بمساعده هند وحطوها بصحون صغيره ووزعوها على الموجودين
بعد مخلصو اكل الكيك والعشاء تقدمت غاده بحياء لساره

مدة عليها كيس غاده / خالتو هذي هديه مني لغدوويه


ابتسمت ساره وضمتها باستها على خدها واشرت بعيونها يدل على شكرها له
ا

الساعه 10 خلصت الحفله وجت الممرضة عند نوره

الممرضه / مدام موعد علاج ساره ولازم تنام

نوره / خلاص عطيها العلاج وغيري لها ملابسها وانا جايه

الممرضه / حاضر مدام


خذت الممرضه ساره متجهه لغرفتها دخلت الغرفه عطتها الممرضه حبه مسكنه وحبة مضاده وبعدها احذت ملابس قطنيه خفيفه بتلبسها لساره بتكون بارده على الجرح وما تكتمه


طق الباب كان عبدالرحمن فتح الباب ودخل

عبدالرحمن / الحلوه نامت ولا باقي
كان من دقائق ساعدتها الممرضه نومتها على سريرها اول ماشافت عبدالرحمن اشرت للممرضه ترفع السرير بوضع الجلوس


جلس عبد الرحمن على طرف السرير جنب ساره وسالها عن اخبار الحفله واذا كانت مبسوطه كانت تاشر براسها بمعنى ايه واضح عليها التغير مكانها ساره الي اول ماطلعت من المستشفى


عبدالرحمن / سارونه وانا اخوك لا تشيلين هم بناتك انا ابوهن انتي تعرفيني احب البنات وربي رزقني بعيال بناتك بناتي والله ياساره ما ينضامن وانا راسي يشم الهواء


غصب عن ساره بكت كان هذا الكلام الي تنتظر تسمعه يطمنها على مصير بناتها

مسح لها دموعها بيده عبدالرحمن / ليه ياساره الدموع وربي كانهم خنجر يطعني بقلبي تكفين ياساره مابي اشوف دموعك مره ثانيه ترهم ضعفي وانا اخوك ماعاش من ينزل دموعك ياخت عبدالرحمن يا تاج راسي


ابتسمت من بين دموعها على حنية اخوها الي ماتغير على مر السنين


مر اليوم على خير والكل مبسوط وهند وغاده سهرنات بغرفة هند سوالف ولعب بغرفة الالعاب لين اتعبن ونامن

وفي غرفة خالد يلعب مع بسام بلاستيشن


ولعبهم وحماسهم استمر لساعه 2 دخلت نوره عليهم وغصبتهم على النوم


يتبع

في غرفة نوره


دخلت نوره على عبدالرحمن الساعه 2 كانت سهرانه مع ام بسام

دخلت غرفتها غيرت ملابسها لبست قميص نوم اسود دانتيل يوصل للفخذ كان خيال عليها


دخلت في سريرها كان عبدالرحمن نايم اول ماشم ريحة عطرها على طول

التفت وسحبها في حضنه وطبع بوسه وهي دفنت راسها على صدرع العاري وكملو نومهم



مر اسبوعين على ابطالنا لا جديد الا ا ن ام بسام عزمت ساره على عشاء مختصر


حضرت ساره مع نوره وعيالهم وعلى الساعه 9 رجعو بيتهم تاقلمت ساره مع وضعها الجديد والتأم جرحها


وهند تعلقت كثيرررررر بامها وصارت تنام معها بنفس السرير ماتنام الا بعد ماتمسح امها على شعرها


اليوم السبت الساعه 10 بتطلع غاده من المستشفى راح يجيبها عبدالرحمن ومعه نوره


والكل بالبيت ينتظرها على احر من الجمر وخاصه هند كل دقيقة تسال متى يجون


اول مانفتح باب الشارع الكل ركض متوجه
للباب وقف عبدالرجمن السياره ونزل ونزلت معه نوره وفي يدها طفله ملفوفه بقماش وري


دحلت داخل اول مادخلت توجهت لساره حطت غاده بحضن امها شالتها ساره بين ايدينها
وباحساس الامومه ضمتها وباستها


هند / ماما بشيلها اشرت ساره براسه بالنفي خايفه على بنتها تطيحها


نوره بحب / بعد اذنك ياساره انا خاطري ارضع غاده مع فهودي ابي يصيرون عيالي اخونها ونصير عايله ماتصير حواجز بين غاده وعيالي


ابتسمت ساره وهزت راسها بالموافقه ونزلت دمعه من عينها تدل على الشكر والامتنان لنوره


احذتها نوره وراحت لغرفت الضيوف رضعتهااااا وبكذا اصبحت غاده اخت لعيال عبدالرحمن



بعد يومين تمايم غاده الي اصر عبدالرحمن ونوره تصير كبيره


اليوم يوم التمايم



الكل كاشخ نوره لابسه جلابيه غاليه لونها على سماوي من الشيفون والشعل على حردة الصدر والجزام من السوار فسكي وطالعها عليها خيال والشعر لامته من قدام ومن وراء كيري ولابسه جزمه فضيه وحلق الماس حجمه كبير


ساره لابسه جلابيه ناعمه مرررره لونها زيتي والشغل بالاكمام والصدر


ام بسام لابسه فستان استرتش لونه عنابي ادرابيه على الصدر والكم كت مطلع جسمها خيال ولابسه حلق ذهبي وشعرها اسود لنص الظهر مستشورتها ام بسام مملوحه مرررره مو بجمال ساره ونوره لكن جذابة


هند لابسه فستان سكري فخم طالعه كانها عروسه وحلق فضي الماس ولابسه جزمه فضيه وشعرها مستشور ومسدول يوصل لنص ظهرها وكثير وحاطه على جنب شعرها ورده طبيعيه لونها سكري


غاده صديقة هند لابسه فستان طفولي لونه وردي وشعرها البوي لابسه طوق وردي وحلق لونه وردي من الالماس وجزمه لونها وردي


حضر ناس كثير اخوان نوره وصديقاتها وجاراتها ومعارفهم و اصدقاء عبدالرحمن كانت الحفلة قمه بالجمال الطاولات والتقديم كل شي كان مبهر غير الهديا شي فوق الوصف


وكانت غاده الصغيره مع المربيه في غرفة الاطفال بعد ماخلص العشاء وكلن راح بيته طلبت ساره من نوره عن طريق الكتابه انها تجيب سرير غاده بنتها لغرفتها لانها بتنام مع امها وتكون المربيه موجوده معها ( لان ساره حنونه وتحب الاطفال )



مر ثلاث اسابيع لاجديد في حياة ابطالنا


الا ان ساره طلعت من الاربعين ونوره تطلب من عبدالرحمن يروحون لشاليه الخاص فيهم في الشرقيه ويعزم ابو بسام واخوها بدر وحمد مع اهلهم بعد محاولات وافق على الطلعه هو خايف على ساره ان تغير الجو ياثر على صحتها


اليوم يوم السفره


قبلها بليله جهزت نوره كل الي يحتاجونه لطلعه مع ان الشاليه مجهز بكل الاغراض الضروريه



ركبو طيارتهم الخاصه وساره معها ممرضتها
اما هند وخالد وغاده فرحانين مره وشرو لهم
مايوهات جديده خاصه لطلعه والعاب رمل نفيخات وستر خاصة بالسباحه


وصلو لشاليهات بعد المغرب دخلو الشاليهات وصلو المغرب وبعدها جهزو العشاء وبعد ما تعشو حطو جلستهم عند البحر مع القهوه والشاهي والمكسرات لان الجو كان خيال والشباب والبنات والعيال تسبحو وانبسطو وكانت رحلة الشاليهات محتاجتها ساره لانها انبسطت كثير وتغيرت نفسيتها



اليوم الثاني كلهم قامو الصباح بدري افطرو بعد الفطورجلسو داخل الشاليهات سوالف ضحك والعيال والبنات يلعبون بالرمل عند البحر كانت الشمس بارده لان الجو الصباح بعد محمت الشمس
ادخلو داخل وكلو سندويشات خفيفة وعصيرات على مايجي وقت الغداء


الغداء عزمهم عبدالرحمن على مطعم بعد الغداء طلبت منه نوره يروحون لسوق وافقو

بسياره عبدالرحمن الحريم اما بسام وخالد وهند وغاده رجعو لشاليه لانهم تعبانين من الصباح قايمين اما غاده الصغيره فكانت في الشاليه ماطلعت جالسه معها المربيه والخادمه ريتا


خلصو من السوق بعد العشاء خذو معهم عشاء لشاليهات تعشو لما جت الساعه 11 كلن تعب ونام لانه يوم شاق عليهم


مرت ايام الشاليهات من اجمل الايام الي مرت على ابطالنا واليوم الرجعه لان مابقى عن المدارس الا يومين يبون يتجهزون ويشترون اغراض المدارس


داومت هند اول يوم لها بالمدرسه كان معها نوره وهند مبسوطه باول دوام لها بالمدرسه وكانت معها بنفس الفصل صديقتها غاده وتعرفت على بنات ( لان هند طبعها اجتماعي تكون صدقات بسرعه)


داوم خالد اول يوم دراسي له وكان معه
عبد الرحمن وكان مبسوط تعرف على اصدقاء وعند الطلعه تقابل مع بسام لانه ثالث ابتدائي وكان مستعجل خالد لرجعه للبيت يبي يسولف عن الي صار بيومه في المدرسه لهند


هند وخالد في ثالث ابتدائي وزاد تعلقهم في بعض

وغاده عمرها سنتين تعلقت هند فيها كثير حتى احيانا تصر على امها تغير ملابسها وترضعها وتنومه بحضنها واذا جت من المدرسه شرت شغلات تعطيهم لغاده وغاده تعلقت بهند كثير لان طول اليوم غاده مع هند تلاعبها او تاكلها ساره كانت فرحانه كثيررررر على تعلق وحب وهتمام هند لغاده تحاول محد يقرب لغاده ويلبي طلباتها غيرها



اليوم يعتبر يوم ما ساوي على ابطالنا


صحت نوره بدري كالعاده مع هند وخالد علشان يفطرون ويروحون للمدرسه بعد مافطرو طلعو لمدرستهم على الساعه ثمان نزل عبدالرحمن وطبع بوسه على خد نوره

عبدالرحمن / حبيبتي كيفها ساره

نوره بقلق / امس ماعجبتني وجهها شاحب وقلت لها بوديك المستشفى رفضت تقول الي فيها ارهاق دخلت عليها من دقائق لقيتها نايمه مابغيت ازعجها

على طول خاف عبدالرحمن عليها وراح لغرفتها دخل وقرب من سريرها جلس على طرف السرير ونادها
عبدالرحمن / ساره يخوك قومي فتحت عيونها بتعب

عبدالرحمن بخوف / يوجعك شي تحسين بشي
اشرت براسها بلا وكملت نومها وطلع متوجه لشركه

بعد الظهر جت هند وخالد من المدرسه على طول ركضت كالعاده لغرفة امها دخلت عليها شافت امها نايمه باست راس امها وستغربت امها ماتتحرك قومتها ماتتحرك

خافت هند وركضت عند نوره بالصاله وهي تبكي خالتو ماما ماتتحرك

خافت نوره وفزت مرعوبه وركضت على غرفة ساره اول مدخلت قربت من سريرها ونادتها لكن لا مجيب مسكت اطرفها مثلجه حطت اذنها على قلبها مافيه صوت صارت تبكي وتشاهق وكل هذا وهند واقفة خذت جواله اتصلت على عبدالرحمن

عبدالرحمن كان جالس مع ابو بسام بمكتبه
اول مادق الجوال وشاف المتصل نوره خاف لان مو من عادة نوره تزعجه بشغله بسرعه رد

عبدالرحمن / الو

سمع نوره تبكي وتشاهق و تخربط بالكلام

عبدالرحمن / نوره خير فيه شي تكلمي خوفتيني

نوره وهي تشاهق / الحق يا عبدالرحمن ساره ماتتحرك

على طاح الجوال من يده حس بخوف ورعب وصار يركض ووراه ابو بسام متروع من حال صديقه اول مره يشوفه كذا امسكه ابو بسام

ابو بسام / مستحيل اخليك تسوق وانت بالحاله هذي انا بوصلك وكمل اللهم اجعله خير

بثواني وصلو للبيت وعلى طول طار عبدالرحمن لغرفة اخته وكانت حالت هند

ونوره تحزن حاطه راسها على صدر ساره وتبكي وتشاهق وهند ضامه غاده وتبكي بكاء يهد الجبال وهي حاسه انها بتفقد امها وتصير وحيده بدون ام لانها كل ليلة وهي بحضن امها وتقول لها كل شي يصير لها بالمدرسه

قرب عبدالرحمن من سرير اخته وحاول انه يكون قوي لكن رغم عنه نزلت دموعه وصار يبكي كانه طفل فاقد امه ويمسح دموعه بشماغه

عبدالرحمن وهو يبكي / تعوذي من الشيطان ادعو لها برحمه وهو يبي من يعزيه كمل اكرام الميت دفنه

كلم الاسعاف انقلوها للمستشفى وهو لحقهم بسيارة ابو بسام وسو الاجرائات بيصلون عليها العصر وبيدفنونها



في بيت عبدالرحمن

انهيار كامل لنوره وهند وعندهم ام بسام كلمها ابو بسام لما درى عن الخبر علشان توقف مع نوره

ام بسام وهي تبكي / نوره حرام الي جالسه تسوينه بنفسك هذا اعتراض على المكتوب ماتدرين يانوره يمكن موتها اريح من حياتها

نوره بحزن / ونعم بالله انا ماقنطت بس انتي تعرفين مكانت ساره عندي هي الاخت والصديقه تربينا سوا ما اتخيل يمر يوم ماشوفها وصارت تبكي بوجع وحرمان

ام بسام / هي ماتحتاج للبكاء والنياح هي محتاجه لدعاء هي الحين بين يدين الي ارحم مني ومنك

نوره / الله يرحمها قاطع قلبي بناتها فقدن الابو وهو عايش والحين تيتمن من امهن

ام بسام / لهن الله مراح يضيعهن وانتي وخالهن فيكم الخير والبركه بتعوضونهن عن الي فقدنه وانا اعرفك مراح تقصرين مع بناتك لانك امهن الثاني

نوره / والله يام بسام ان غلاهن بقلبي غير عن عيالي لانهم من ريحة الغاليه الله يرحمها لكن كلنا نعرف ان الام مايجي احد بمكانها

ام بسام / هن صغيرات ماعاشن ولا تعلقن كثير بامهن بامكانك تصير الام بحنانك وطيبتك

نوره / الله يقدرني ويساعدني ولا اظلم هاليتيمات
قلبي يوجعني على حالت هند الايام الاخيره متعلقه بامها كثير ماتفارقها كانها حاسه نها بتفقدها والحين منطويه بغرفة امها ماسكه اختها عندها

ام بسام / انتي صيري قويه هند تحتاجك مابقى لها احد الا انتم انتي حالتك حاله وابو خالد منطوي هو الثاني وين تطلع من العزله وانتم هذي حالتكم

نوره / الله يصبرنا على فقدانها بحاول اطلعهم من الي هم فيه



في غرفة ساره

بغرفة امها تبكي وتشاهق وبيدها ثوب امها الي كانت لابسته فيه ريحتها تشمه وتضمه كانها تضم امها وكانت متمسكه بغاده بقوه كانها خايفه تفقدها حاولت المربيه تاخذها لكن كل ما قربت صرخت عليها هند واصارت المسئوله عنها استسلمو لطلبها لان الي فيها مكفيها مايبون يضغطون عليها ما صارت تطلع من غرفة امها معتكفه فيها وهي تبكي


مرت ايام العز كئيبه وحزينه عبدالرحمن كان منهار يحاول يكابر قدام المعزين ماطب الاكل فمه من يوم وفاة ساره عايش على الماء


مر اسبوعين والحال على ماهو عليه وعبد الرحمن الهم والحزن ذابحه ما صار يروح لشركه وصار بس من الغرفه للمسجد

دخلت عليه نوره / حبيبي حرام عليك الي تسويه بنفسك كلنا حزنانين على موت الغاليه بس الي تسويه بنفسك مراح يرجعها بالعكس بيعذبها بقبرها وين عبدالرحمن القوي

كملت / حبيبي من يوم ماتت ساره ماطب فمك اكل تبي تذبح نفسك وجلست تبكي تكفى يا عبدالرحمن صير قوي اكل علشاني وعلشان هند وغاده حنا محتاجينك هند حالتها ماتسر محمله نفسها هم اكبر من عمرها وربي قلبي يتقطع عليها تعرفها ماتسمع الا كلامك اقنعها تطلع معنا بالصاله حتى اختها غاده حابستها معها مقابلة سرير امها والكرسي وتنتحب من البكاء ان استمرت كذا اخاف تلحق امها ولا يصير شي لعقلها

اول ماسمع عبدالرحمن الكلام تذكر هند كيف نساها فز وخاف على بنات الغاليه الي باقين من ريحتها

عبدالرحمن بحزن والم / جهزي اكل لي ولهند

فرحت نوره وعلى طول ركضت تجهز لهم اكل



في غرفة ساره


كانت غاده نايمه بعد مارضعتها هند وغيرت لها حاطتها بسريرها
قربت من كرسي امها المتحرك وبسطت عليه ثوب امها وحطت راسها عليه كانها حاطه راسها بحضن امها ونامت


ماتت امي

جتني الاخبار في وسط السبوع
وانتهى فكري مع اخباري وضاع
كل قلبي محترق بين الضلوع
والسبب نار الحزن والألتياع
ماتت أمي وأنطفت ذيكِ الشموع
وابتدا حزني بأيامي وشاع
ماهنى لي زاد ورقاد وهجوع
عايشٍ في هم واكدار وصراع
المصايب جتني من كل نوع
بس موتك يا حياتي لي ضياع
كل ساعتي بعد موتك سبوع
والثواني كنها موت و وداع
بعد موتك هلت عيوني دموع
كل دمعي بحور وأحزاني شراع
صرتِ من دنياي يا يمه قنوع
دنيتي بعدك حسايف والتياع
أمي ساره يا بعد كل الجموع
في حشاي وفينك حصون وقلاع
يا قمر عمري يا شمس الطلوع
يا حنين القلب يا نور وشعاع
جعل ربي يرزقك ذيك الربوع
في جنان الخلد جناتٍ وساع
بين أنهار واغصان وفروع
عند ربي خالق الكون
منقوله ( احمد العجمي )



دخل عبد الرحمن عليها يوم شاف شكلها ماقدر يمسك نفسه بكى وجع والم من كل قلبه على حالت هند الي كبرها الهم فوق عمرها وانها تيتمت من ابوها وهو عايش وكملت وتيتمت من امها ياترى وش مخبيه لك الدنيا ياهند

وصل عبدالرحمن عند هند جلس على ركبته وصار يمسح على ظهرها وراسها حست فيه رفعت راسها اول ماشافته كانت محتاجته له من وفاة امها ماشافته رمت نفسها بحضنه وصارت تبكي وتشاهق مع كل شهقه يتقطع قلب عبدالرحمن

عبد الرحمن / حبيبة خالها الحين بتطلع مع خالها برا ونتغداء مع بعض

هند وهي تشاهق من البكي / خالو ماما ماتت وتركتني

عبدالرحمن / صحيح ماتت بس هي ان شاء الله بالجنه الحين لازم ندعي لها اذا بكيتي تزعل عليك تبين ماما تزعل

هند ببرائة طفوليه وهي تمسح دموعها / لا انا احب ماما مابيها تزعل بس انا مشتاقه لها

عبدالرحمن/ ان شاء الله نشوفها بالجنه لازم نتصدق لها وندعي لها هذا الي ماما تحتاجه

هند بحماس / خالو اليوم بتصدق لها

عبدالرحمن / ان شاء الله لكن الحين قومي معي نتغداء خالد مشتاق يلعب معك زعلان كثير انك ماتطلعين من غرفة ماما

حزنت على خالد لانها تعرف تعلق خالد فيها وكانهم توائم

سمعت كلام خالها وطلعت اول ماطلعت كان خالد ونوره جالسين بالصاله اول ماشافها خالد فز من مكانه قام وضمها وباسها

خالد وهو يبكي / ليه هنوده تركتيني لحالي كل يوم اقول هند بتلعب معي ادخل عليك الغرفة اشوفك تبكين اطلع غرفتي ابكي

كمل / هنوده انا شريت شريط بلاستيشن الي تحبينه تكفين هند العبي معي معندي احد يالعب معي من زمان ماقلت لك وش صار لي بالمدرسه

هند / طيب

فرح خالد مو مصدق ان هند ترجع مثل اول لها اسبوعين وهي منطويه معتكفه بغرفة امها

هند التفتت لخالها / خالو بكره بروح للمدرسه من زمان غايبه مابي اصير كسلانه

فرحت نوره من كلام هند لانها خذت لها اجازه من المدرسه بعد ماقالت لهم عن ظروفها

خالد بحب / انا بساعدك بالدروس والواجبات الي غبتي فيهم

هند / طيب بعد الغداء تساعدني بالواجبات
والعصر خالو بيطلعنا علشان بتصدق لماما واشتري اغرض لغاده من زمان ماشريت لها

خالد / طيب اليوم اربعاء بقول لبابا يودينا الملاهي

هند / طيب

نوره وعبدالرحمن مستمعين مبسوطين من التطورات الي صارت لهند وان شاء الله تمر من الازمه على خير

جابت الشغاله الغداء جلس عبدالرحمن وهند على الطاوله وبدو ياكلون لما خلصو اكل
طلعت هند لغرفتها وشافت غاده نايمه وبعدها اطلعت مع خالد لغرفته وكان خالد مبسوط لان هند جالسه تلعب معه

تحت

نوره / عبدالرحمن اليوم انا وام بسام بنجمع ملابس واغراض ساره ونرسلها لتبرعات

عبدالرحمن نزل راسه من شده الحزن

نوره / حبيبي اذا اغراض ساره موجوده مراح نقدر ننساها وبنتعذب ونعذب غيرنا وهند مراح تقدر تنسى امها والاغراض موجوده

عبدالرحمن / سوي الي تبينه وش بنسوي بالاغراض وصاحبتها راحت ونزلت دموعه

نوره / الله يصبرنا على فراقها لازم تطلع هند من البيت وحنا نجمع اغراض امها مابيها تتاثر وهي تشوفنا

عبدالرحمن / انا اليوم بطلع معها العصر مشوار وبناخذ خالد ومحمد معنا بنمر الملاهي وبعشيهم بمطعم

نوره / زين ماسويت تبي لها تغير جو لها اسبوعين حابسه نفسها في غرفة امها

بعد صلاة العصر دخل عبدالرحمن غرفة خالد وشافهم منسجمين باللعب

عبدالرحمن / خلصو لعب وغيرو لبسكم بنطلع الملاهي ونتعشى برا

خالد / طيب

هند / طيب خالو باخذ غاده معي

عبدالرحمن / لا هنوده خليها عند نوره والمربيه بينتبهون لها الملاهي خطره عليها وانا ابيك تنبسطين مابيك تنشغلين بغاده

هند / حاضر خالو وباسته على راسه

قامت وطلعت من غرفة خالد متوجه لغرفتها دخلت الحمام خذت شور وجهزت لها فستان خيوط جنز ولابسه فوقه جكيت قصير ابيض
ولبست جزمه بيضاء وشعرها سوته ذيل فرس ورابطته بربطه لونها ازرق ولبست حلق صغير من الالماس لونه ازرق

طلعت من غرفتها مرت على خالد الي لابس برمود ابيض وبلوزه سماوي مخطط بالابيض وصندل لونه ابيض

نزلو تحت لقو عبدالرحمن جالس مع نوره وعبدالرحمن بيده فهد يلاعبه ويدغدغه وفهد يضحك من لعب ابوه لان صار عمره سنتين وشهرين ونوره بحضنها غاده جالسه تاكلها لانها توها قايمه على طول ركضت هند لنوره واخذت اختها وضمتها على صدرها

هند / خالتو انا بطلع مع خالو انتبهي لغاده

نوره بحب / اش هالكلام ياهند غاده بنتي وانتي بعد بنتي ازعل عليك ان قلتي هالكلام

هند / تبتسمت وحبت راس نوره اسفه خالتو ماقصد بس اخاف عليها امي قبل ماتموت كاتبه بورقه انتي ام غاده لازم تهتمين فيها وتحافظين عليها وكاتبه انها امانه عندك ياهند بكت لانها تذكرت امها

نوره حزنت على هند انها تحملت المسئولية بدري

نوره / هنوده روحي انبسطي انتي وخلود وانا بمسك غاده لين تجين لا تنسين اشتري لها العاب واكل معكم

هند استانست / ان شاء الله

طلعو مع عبدالرحمن ركبو السياره خالد قدام وهند ومحمد وراء وكله سوالف واسئله

اول ماطلعو من البيت كلمت نوره ام بسام تطلب منها تجيها على الوعد

جتها تقهون وجلسن شوي يسولفون

نوره / يله خلينا نروح لغرفة ساره نجمع اغراضها ونخلص قبل لا تجي هند

ام بسام بحزن / والله مايطاوعني قلبي اجمع اغراض ساره انا للحين ماني بمصدقه انها خلاص راحت وجلست تبكي

نوره تيكي / الله يرحمها

دخلن غرفة ساره جمعو ملابسها بكراتين وعطورها ومكياجها بكراتين لتبرع
يوم وصلن عند الباب شافن كرسي ساره اخذنه معهن بيتبرعن فيه

طلبت نوره من الشغاله تحط الاغراض كلها بغرفة المستودع الي بالحوش لين بكره الصباح يرسلونها لمكتب التبرعات

رجعت نوره وام بسام لجلستهن وكملن شرب القهوه وعزمت نوره ام بسام للعشاء لانها لحالها لان عبدالرحمن والعيال بيتعشون برا

تعشت ام بسام وطلعت من عند نوره الساعه 10 على دخلت عبدالرحمن والعيال

دخلت هند غرفت امها وانفجعت يوم ماشافت ملابس امها والكرسي جلست تصارخ بشكل هستيري

عبدالرحمن ونوره لما سمعو صوتها جوها ركض اول ماشافتهم تبكي بشكل جنوني اول مره يشوفون هند بهذ الشكل

عبدالرحمن بخوف / هنوده حبيبتي وش فيك

هند تبكي وتشاهق / خالو ملابس ماما اغراض ماما ماهي موجوده

عبدالرحمن بحب / حبيبتي ارسلنها لجمعية البر للفقراء ويكون الاجر لامك وهي ميته

هند ببكاء موجع / والكرسي

عبدالرحمن بحزن / والكرسي بعد تبرعنا فيه


هند تصارخ / لااااااااااااااااااااا خـــــالو الا الكـــــــرسي الله يخليــــــك هاتـــــه امـــــــي راحـــــــت وصارت تبكي وتشاهق
خاف عليها عبدالرحمن وقربت من خالها تبوس بضعف ابي كرسي ماما لاتحرمني منه الله يخليك

تقطع قلب عبدالرحمن عليها وجها احمرررر من قوة الصراخ خاف يصير لها شي

عبدالرحمن بضعف / حبيبتي خلاص اهدي

طاحت بينهم مغمي عليها خافو عليها وعلى طول شالها عبدالرحمن ولحقته نوره لبست عباته

وركبو السياره وبسرعه وصلو للمستشفى دخلوها غرفة الطوارئ


طلب منهم الدكتو الخروج من الغرفه وهم ينتظرون برا الرفة طلع عليهم الدكتور منصدم

عبدالرحمن / طمنا يا دكتور

الدكتور/ انهيار عصبي انا مستغرب طفله بهالعمر تصاب بانهيار عصبي ماقد مر علي عطيتها ابره مهدئه بتستمر نايمه لبكره

تعال معي اخ عبدالرحمن عندي اسئله لازم تجاوبني عليه

استجاب عبدالرحمن لكلام لدكتور وتوجه معه لغرفته

الدكتور / ممكن اعرف شنو الشي الكبير الي صار كان السبب بانهيار طفله

عبدالرحمن بحزن / قال لدكتور كل شي من وفاة امها وقو علاقتها فيها كل شي قاله بالتفصل لين تبرعهم باغراض امها

تاثر الدكتور وحزن على حالت هند / ياخ عبدالرحمن مايكفي القدر حرمها من امها تكملون عليها وتحرمونها من الشيئ الي يذكرها فيها

لازم توفرون لها اسباب الراحه لا تنتكس حالتها ما ضمن لكم وش راح يصير لها

رجعو لها الكرسي طلبها جد بسيط مادامها تنازلت عن كل اغراض امها هذا يدل ان علاقتها بالكرسي الي كانت تجلس عليه امها علاقه قويه فهو يخفف عنها حرمانها من امها

عبدالرحمن وهو بقمه الحزن والهم على حال هند الحساسه والي صار لها

عبدالرحمن / ان شاء الله برجع لها كرسي امها
متى نقدر ناخذها للبيت

الدكتور / بكره بعد مانتطمن على صحتها والحين تقدرون تمشون




بيت عبدالرحمن

خالد يبيكي ويشاهق بكاء يقطع القلب ويقول هند ماتت والشغاله تحاول تهدي فيه لكن كل ماله والبكاء يزيد وهو يقول انا شفتها ميته

رجع عبدالرحمن مع نوره ودخلو البيت وانفجعو من شكل خالد

ركضت له نوره / حبيبي اش فيك

خالد / ماما هند ماتت صح

ضمته نوره على صدرها بقوه بتهديه

نوره / لا حبيبي بس شوي تعبانه بكره الصباح بتطلع وبتروح مع ابوك اطلعونها ولا تنسى تشتري لها ورد

خالد / طيب

قالت نوره روح نام بكره الصباح بقومك علشان ماتتاخر على هند

طلع خالد غرفته بعد ماطمنته امه عنها وراح لغرفته ولبس بجامته ونام



تحت عند عبدالرحمن ونوره


عبدالرحمن / نوره وين اغراض ساره

نوره بحزن / بالمستودع

عبدالرحمن / طلعي الكرسي ورجعيه لغرفتها ابي بكره لطلعت تلقاه قدامها

نوره / بس

عبدالرحمن / لابس ولا شي هذا كلام الدكتور ولا هند بتضيع منا

نوره / بسم الله عليها سو المناسب اهم شي عندنا هند كنت مسويه ذا الشي علشان مصلحتها مضنينت اني بسبب لها مشكله وربي ياعبدالرحمن انها اغلى من عيالي

عبدالرحمن / عارف يا لغاليه وعارف ان همك مصلحتها الله يخليك لنا

نوره / ويخليك لنا يله نطلع ننام بنام دايخه من قومة الصبح

طلعو فوق ودخلوا لغرفه ومن الارهاق والتعب نامو



يتبع

اليوم الثاني

الصباح بدري قام خالد من الحماس دخل الحمام اخذ شور وغير ملابسه وراح غرفته ابوه وطق عليهم الباب


في داخل الغرفة نوره وعبدالرحمن نايمين استغربو من الطق قامت نوره تفتح الباب استغربت ان خالد لابس وكاشخ طالعت بالساعه الي على الجدار توها الساعه خمس الفجر

نوره / اش عندك خلود ماصحينا بدري

خالد/ بروح للمستشفى انطلع هنوده

نوره / حبيبي بدري المستشفى مسكر مايفتحون الا ثمان

خالد / يوووووووه ماما انا من اليوم قايم علشان هنوده قومي بابا

نوره / ولا يهمك خلود انزل ا ذا جت الساعه 7 اقوم ابوك الحين يتنام يا تلعب بغرفتك لان ابوك تعبان وراه شغل اليوم بالمكتب

خالد بخيبة امل / طيب بروح لغرفتي

الساعه 8 قومت نوره عبدالرحمن لان وقت الزياره

نوره / حبيبي قوم تاخرت على هند

عبدالرحمن / ممممممممم

نوره / من الساعه 5 وخالد صاحي ينتظرك متحمس لزيارة هند

قام عبدالرحمن دخل الحمام اخذ شور وجهزت له نوره ملابسه

انزلت الصاله لقيت خالد ينتظر على جمر

خالد/ ماما بابا وين تاخرنا

نوره / خلودي بابا بالحمام شوي ونازل افطرت

خالد / ايه افطرت

نوره / وينه اخوك محمد

خالد / نايم مو راضي يصحى

نزلت المربيه ومعها فهودي وغاده ماسكه كل واحد بيد

المربيه / مدام نوره غاده ما نامت من البارح يمكن ساعه وحده الي نامتهم من اليوم تبكي مو راضيه تسكت متعوده على هند و تعرف لها

نوره / طيب لما شفتيها مانامت ليش ماتصلتي علي وخبرتيني

المربيه / اسفه مدام خفت يكون فيه ازعاج

اخذت نوره غاده وضمتها لصدرها وهي تبكي خذتها وحاولت تاكلها لكن ماهي راضيه

لما شاف فهد غاده مع امه ركض لامه غيران من غاده اخذته نوره وحطت كل وحد بجهه من حضنها

نزل عبدالرحمن اول ما شافه خالد استقبله بابا ياله تاخرنا

عبدالرحمن / انتظر خلني افطر وبشوف امك

خالد/ يووووه بابا بطول علي

تركه عبدالرحمن ودخل المطبخ ولقى نوره جالسه بحضنها غاده وفهد وغاده تبكي نزل راسه وباس نوره على خدها وباس غاده وضمها وباس فهد وضمه

نوره / حبيبي غاده امس تبكي باليل مانامت لانها متعوده على وجود هند

عبدالرحمن / الله يعينها هند حملت مسئوليه اكبر من عمرها

دخل خالد المطبخ / بابا يله تاخرنا

عبدالرحمن / جالس اشرب كافي باقي
شوي واخلصه صاير بلشه نشبت بحلقي

خالد / انا انتظرك عند السياره لاتتاخرعلي

عبدالرحمن / حاضر عمي خالد

خالد طلع ما سمع كلام ابوه لانه مستعجل

خلص عبدالرحمن قهوته ولحق خالد وهو طالع سالته نوره بتتغداء عندنا

عبدالرحمن / ماضن وراي اشغال كثيره بتغداء بمطعم الشركه

نوره / انتبه على نفسك حبيبي وسوق على مهلك

عبدالرحمن / ان شاء الله ياطيب واحن زووجه بالدنيا



بالمستشفى


هند صاحيه طفشت من المستشفى دخل عليها الدكتور وفحصها وشافها تحسنت

هند / دكتور فك المغذي طفشانه باتحرك
طلب الدكتور من الممرضه تفك المغدي

وعلى طول قامت وراحت لشباك الغرفه تتفرج على الرايحين والجاين وهي تبكي سمع الدكتور شهقاتها وجاء من وراها وحط يده على كتفها

الدكتور بحزن/ بابا ليش تبكين ترى كثر البكاء هو الي جابك عندنا بالمستشفى شكلك تبين تبقين عندنا

التفتت هند لدكتور ومسحت دموعها ووجهها احمر وعيونه منتفخه من كثر البكاء

هند / مابي ابكي انا مشتاقه لماما من يمسح شعري اذا بنام من اقوله الي يصير معي بالمدرسه صرت يتيمه وصارت تشاهق من البكاء

الدكتور ضمها لصدره وغصب عنه تاثر من كلامها اوجعه قلبه عليها لانه يعرف ضروفها الي قالها خالها

الدكتور / هنود انتي كذا تزعلين الناس الي يحبونك خالك يحبك وزوجته

امس يوم جيتي كانو كثيرخايفين عليك كانو بينامون عندك انا طلبت منهم يرجعون

على كلام الدكتور دخل خالد معه باقة ورد كبيره وعبدالرحمن معه علبة حلاو ودبدوب

الدكتور / شفتي ياهنود انهم يحبونك ولا يستغنون عنك

الله شوفي الورد اش حلوه ابيك تعطيني شكولاته ولا انتي بخيله

ابتسمت هند وباسها خالها وضمها وقال لها

عبدالرحمن / هنوده خوفتيني عليك وكرسي امك رجعناه
فرحت وبان على وجهها الفرح

الدكتور / وين حلاوتي هند
اخذت هند علبه الحلاوه وفتحت العلبه وقدمتها لدكتور اخذ قطعه

الدكتور / الحين تقدرون تاخذونها معكم لانها صارت تسمع الكلام

وياليت تسوي الي قلت عليه امس اهم شي الاهتمام بحالتها النفسية

طلعت هند مع خالها وطلبت من خالها يمر سوبرماركت بتشتري اغراض لغاده

اول مادخلت البيت دخلت تدور على غاده اول ماشافتها غاده ركضت لهند عطتها هند بعض الاغراض لانها شاريه اغرض لفهد والعاب له ولغاده

شالت هند غاده وضمتها وجلست معها على الكنبه شويات الا غاده ناااااايمه لانها حست بحنان هند

دخل عليهم عبدالرحمن ونوره وشافو غاده نايمه بحضن اختها

نوره / يقلبي ياغاده فرحانه باختها على طول نامت وانا من الصباح احاول انومها ماهي راضية

عبدالرحمن / الله يخليهم لبعض ويحنن قلوبهن على بعض

لما شافتها هند غاطه بالنوم دخلتها غرفتها الي كانت لامها سابق لانها انتقلت فيها من ايام العزاء حطت غاده بسريرها التفتت بتطلع شافت كرسي امها صارت تناقز من الفرحه نوره رجعت الكرسي الصباح

طلعت لهم هند في الصاله ركضت ورمت نفسها في حضن نوره وهي مبسوطه

هند / خالتووووو انا احبك

نوره عرفة سبب فرحت هند ان السبب وجود كرسي امها ولامت نفسها كيف تجرت وحرمتها من شي تحبه يذكرها بامها

نوره / وانا احبك كثيرر ياهنوده

عبدالرحمن / هنوده تحبين خالتو وماتحبين خالو

هند / احبكم ثنيناتكم

هند / خالتو انا جوعانه

نوره / ماعاش الجوع مسويه لك الاكل الي تحبينه روحي بدلي وانزلي بيكون الغداء جاهز
ترى غاده بتغداء عندنا انا عازمتها

هند بفرح / وناسه

نوره / لا طولين جايه بالطريق

هند / طيب

جت ام بسام ومعها غاده وبسام على طول طلع عند خالد وغاده جلست جنب امها تنتظر هند تنزل



في غرفة ساره


خذت شور ولبست فستان نعومي لونه وردي وشبشب وردي وشعرها طلبت من الشغاله تسوي لها ظفيرتنين وراء اذنها وتركت قصتها نازله على عيونها

نزلت هند تحت لقيت غاده جالسه بصاله مع امها

اول مادخلت سلمت على ام بسام وسلمت على غادة

نادتهم الشغاله على الغداء تغدو واخذت هند غاده لغرفتها كانت غاده الصغيره معهن بالغرفه اخذت هند لاختها غداء ودخلته بالغرفه وغدتها وهي تسولف مع غاده
شغلت لها توم جيري وصارت اطالع فيه لين نامت

جلست غاده عندهم لين الساعه 12 لان اليوم خميس وبكره ايجازات

يتبع


مرت السنين ووراها سنين وكبرت هند وكبر معها حقدها لابوها وتتمنى يجي اليوم الي تنتقم منه



أكرهـك وأكـره كـل مـن جـاب طاريـك
وأكــره الدنـيـا يــوم تـحـلا لــك
أكـره اسمـك وأكـره أرض(ن) تحتويـك
روح عسـى مـا يــوم يصـفـا لــك
الله لايسهـل دربـك وتتعثـر بخطـاويـك
مثل ماصعـبـت دربــي بأفـعـالـك
ربـي يكفينـي شـر مـكـرك وبـلاويـك
يالـلـي ضيعتـنـي بليـلـك الـحـالـك
لـو تبـوس راسـي والله مـا اراعـيـك
بــردك محـتـرق وخـايـب(ن) فـالـك
أنـا كرامـتـي اكـبـر مــن مبـاديـك
وعـزة نفسـي ماتسمـح لــي إذلالــك
أدعـي علـيـك يخـيـب الله رجـاويـك
وكـل مـن تحبـه يغيـره عليـك عذالـك
قلبـي يصـرخ بعالـي الحـس مـا أبيـك
كـمـل طريـقـك بصحـبـة أنـذالــك
فـارق..لاتـجـيـنـي ولا أجــيـــك
كرهـت شوفـك وأكـره أقـعـد قبـالـك
أعزي كل قلـب(ن) صـار اليـوم يغليـك
واقولـه زهـب أكفانـك المـوت جـالـك
مثلـت لـي حـبـك ووفــاك وتفانـيـك
وانتهـى فلمـك بمـوت كــل أبطـالـك
جريمـة ارتكبتهـا بحقـي ربـي يجازيـك
على غدرك يغدربك كل من تطلبـه وصالـك
حطمـت أحلامـي عسـى تتحطـم أمانيـك
وماتهنا مع كل حبيب(ن) م بعـدي غدالـك
هنت قلبي..بس كرامتـي تمسهـا ماأخليـك
لهينك وأأدبك ليـن تنـدم وتغيـر أحوالـك
تظن كل من شافك يحبـك وميـت(ن) فيـك
(هــه)... مجنـون وغـرورك زاد خـبـالـك

هند 26 من اجمل البنات جمالها خرافي وجهها ابيض صافي عيونها حاده ممزوجه بنظرة التحدي والكبرياء والثقه والحزن

خشمها صغير واقف فمها صغير منفوخ لونه وردي بخدها غمازتين شعرها طويل وكثيف يوصل لتحت فخذها ناعم من كثر نعومته ماتمسكه البكله قاصه شعرهامن قدام مدرج ومن وراء على طوله لونه على طبيعته بني فاتح

تبهر كل من شافها كلها جاذبيه نااادر ماتنشاف ضحكتها لان وجهها كله حزن والم

جسمها ينطق نعومه وانوثه طاغيةوسط لاهي طويله ولا قصيره

شخصيتها قويه وجديه وجودهاطاغي تجبرالي قدامهايحترمهاويخاف منها فيها قساوة وجبروت مع الي يستاهل وحنونه وكريمه مع الي يستاهل تساعدماترد احد يبي منه مساعده

تميل لتواضع والغرور في نفس الوقت شخصيته قياديه مدبره

انسانه عامله ما تهتم بمظهرها كل لبسها رسمي ماتعرف شي اسمه مكياج دايما تكون على طبيعتها

معها دكتوراة في اداره الاعمال ماخذتها من بريطانيا باقصر مده لذكائها

سلمها خالها شركاتها وفي خلال سنوات قلبلة شركاتها كبرت وصارت معروفه لها فروع بالمملكه وحاليا فاتحه فرع ببريطانيا ماسك ادارته ولد خالها فواز لانه مستقر مع اهله هناك تسافر في السنه لها مره او مرتين تجلس شهر تطمن فيها على شركتها وبعده ترجع ويكون اخوها خالد او محمد معها

وبفضلها صار لشركاتها سمعه طيبه وتفكر تفتح فرع لشركتها بدبي لكنه مشروع مؤجل

فتحت فرع من فروع شركتها خاص لتسليف ومساعدة الشركات المنهاره الي تحتاج للمساعده تسلفهم بدون ارباح ربويه
صارت بمده قصيره اكبر مليارديره سعوديه تلاحقها وسائل الاعلام لان مشاريعها انتشرت بمده قياسيه

اعجب خالها بذكائها وصار يستشيرها بامور شركته

علاقتها قويه بخالد مايتفرقون ابد بفضله تعلمت السباحه والرمايه وركوب الخيل
ولما كانت في بريطانيا اخذت دروس في الرياضات القتاليه والدفاع عن النفس


غاده عمرها 19 جميله جمالها يختلف عن جمال هند جمالها طفولي كلها نعومه ورقه ودلع وجذابه بشكل كبير
شعرها لين كتوفها صابغته بني فاتح بخصل ثلجيه وزادها جمال فوق جمالها تدرس بالجامعه بثاني سنه طب

طيبه حنونه متعلقه بهند كثير تعتبرها امها
ما تقول لهند الا ماماتي لكن اذا زعلت وعصبت متهور افعالها تسبق تفكيرها


عائلة عبدالرحمن

عبدالرحمن عمره 60 شخصيته قويه له هيبه ورزه ووقار شخصيته تفرض على الكل يحترمه علاقته بهند كبيره وعند المشاكل تلجاء له وهو الوحيد الي يشوف دموعها وضعفها

نوره عمرها50طيبه وحنووونه ربت بيت تحب هند وغاده كانهم بناتها وهند تحبها وتقدرها وتحترمها كانها امها

خالد عمره 26 جميل وسيم اسمراني فيه شبه كبير من ابوه شعره قصير نازل لرقبته بقصه رجوليه ملامحه حاده شنب وعوارض جسمه رياضي لانه مداوم على الرمايه والسباحه وركوب الخيل دمه خفيف

نقطة ضعفه يشوف هند متضايقه عنده الحاسه السادسه يحس فيها قبل لا تشكي يحبها اكثر من اخوانه الباقين

درس نفس تخصص هند ومعه دكتوراه باداره الاعمال يشتغل مع هند بشركتها وبكل مكان معها ويحضر الاجتماعات ويسافر معها وهي محافظه على حجابها الكامل

هند صديقه خالد وخالد صديق هند اسرارهم كلها عند بعض هند ماتكون بشخصيتها الطبيعه الا قدامه

محمد عمره 23 حبوب طيوب يشبه خالد شخصيته مسالمه يستشير هند ببعض اموره الخاصه لانه يثق برايها يحترم هند ويحبها ويعاملها كام مو اخت فتحت هند له مكتب محاماه

فهد عمره 19 اكبر من غاده بشهرين علاقته بهند قويه ويعتبرها امه الثانيه يدرس بابريطانيا سياسه وعلوم اقتصاديه وهند تحبه وتعامله مثل غاده

عدنان اخر العنقود عمره 15 ثالث متوسط دلوع البيت لسانه طويل مناقر مع غاده يخاف من هند


عائلة ابو بسام

ابو بسام عمره 60 شخصيه طيب وحنون مع عياله خفيفة دم علاقته قويه مع عبدالرحمن كان يتمنى يربط علاقتهم مع بعض بنسب لكن ماصار لانه خطب هند لبسام وهند رفضته وقالت تعتبره مثل خالد

ام بسام عمرها 50 حبوبه تحب هند كانت تتمناها لبسام لانها تعرف ان بسام يحبها لكن على قولتها الزواج قسمه ونصيب

بسام عمره 29 مملوح كله رجوله يحب هند من يومه صغير انصدم من رفضها له لكن امه اصرت تزوجه بنت اختها

نجلاء حبوبه وطيبه قدرت تكسب قلب بسام والحين حامل بشهرها الرابع بدايه زواجهم كانت حياتهم كلها مشاكل وسكنت عند اهله لكن الحين ببيت الحالهم

غاده عمرها 26 تدرس تخصص طب نفس
صديقة هند الروح بالروح جميله لكنها سمرا كانها مكسيكه شعرها طبيعته كيري كشيخه وتهتم بالبس والموضه عكس هند وكشختها زادتها جمال فوق جمالها جسمها كله اغراء وفتنه

تحب خالد اخو هند وهو يبادله نفس الشعور لكن كل واحد يجهل مشاعر الثاني

غلا عمرها 7 سنوات اول ابتدائي دلوعة البيت مخربها ابو بسام بدلع كل اومرها مستجابها تحاول تقلد اختها بكل شي



عائلة راشد

ام راشد وضحى عمرها 92 ساكنه بالديره تبعد عن الرياض 4 ساعات

مريم خالة راشد ام موضي عمرها 90 ساكنه بالديره مع اختها

قاطعهن راشد بسبب زوجته موضي لانها مانعته من زيارتهن

جاسم صار مسئول عنهن وفر لهن خدامه وسواق وممرضه اذا اتعبن بغيابه
وصى عليهم جارهم ابو مطلق وولده يطلون عليهن بعد فتره وفتره لانه مشغول باشغاله بالرياض والاجازات يقضيها عندهن

يحبن جاسم ودايما يدعن له ومبلشاته بالزواج وكل رده ان شاء الله وبسرعه ينسن بسبب الكبر

راشد عمره 60 الي يشوفه يعطيه اكبر من عمره بسبب الضغط والسكر

رجع لقصر هند بعد ماتطمن ان عبدالرحمن نسى الي صار خسر امواله بسبب طلبات زوجته الكثيره

شركته خسرانه والبيت حاجز عليه البنك
مخبي على اهله ان متزوج وعنده بنت ماقال لهم خايف يحرمونه من بنت عمه لي يحبها ومحجوزه له

موضي الوحيده الي تدري بموضع زواجه وبنته و مخبيه عن الكل من مصلحتها ماحد يدري علشان مايشاركونها براشد

راشد لما تزوج ساره قال لاهلها ان اهله كلهم ميتين خاف من اهله يوصلون شي لساره ويخرب مخططه

موضي زوجته وبنت عمه وخالته عمرها 40 مهتمه بنفسها جمالها عادي وواضح عليها الكبر

طماعه وانانيه وتحب الفلوس وتتمنى الحصول عليها ايا كانت الطريقه ( هي السبب بضياع اموال راشد )

قاطعه بامها ما تزورها لان امها مو راضيه بفعايلها مع راشد وتنصحها
طلبت من راشد يقطع بامه تبيه يعيش لها لحالها ( علشان فلوسه )

من بعد الحادث استقوت اكثرعليه مايقدر يرفض لها طلب


عيال اخوه ويصيرون عيال اخت موضي

جاسم عمره 35 طبيب جراح تخصص جراحة قلب لكنه ترك الطب بسبب وفاة طفل كان مريض بالقلب وتوفي بين ايدينه وهو يسوي العمليه تاثر كثير لانها اول عمليه يفشل فيها تعقد وترك الطب

شخصيته قويه جميل ووسيم بشرته حنطيه فيه حبة خال في خذه محليته شنبه خفيف جسمه كله رجوله له هيبه ورزه

ماتزوج لانه مايبي يربط نفسه بزوجه تغثه يكره الحريم بسبب الي يشوفه من خالته لعمه لانه عارف ان خالته استغلاليه وهو ساكن معهم بالبيت وعلاقته قويه مع عمه

فيصل عمره 25 طيار اجمل من جاسم قريب من اخوه يعتبره صديقه دايما سهراتهم مع بعض ربع جاسم هم ربع فيصل سهراتهم وطلعتهم مع بعض عصبي اذا انفعل مايتحكم باعصابه مايخبي شي عن اخوه ونفس الشي اخوه

الجوهره عمرها 19 صديقة غاده ومعها بنفس الجامعه ونفس التخصص طب اسنان صديقتها الوحيده الجوهره وفيصل ساكنين عند امهم بقصرهم لانهم يعتبرون اغنياء لكن اقل مستوى من هند وهم مليونيره


عائلة ابو نواف

ابو نواف عمره 70صديق لعبد الرحمن ولابو بسام

زوجته فاطمه عمرها 60 اخت ام بسام

نواف عمره 35 صديق جاسم الروح بالروح يشتغل طبيب جراحه قلب بمستشفى خاص لابوه كان جاسم يشتغل معه بنفس المستشفى لكن ترك الطب

نجلا عمرها 23 جميلة وجذابه تصير زوجه بسام

صلاح عمره 19 ثاني سنه جامعه علوم سياسيه يدرس مع فهد بابريطانيا



في بيت ابو عبدالرحمن

في غرفة هند



كرسي امها موجود بالغرفه لازم قبل ماتنام تتكلم مع الكرسي وكانها تتكلم مع امها

قامت هند على صوت اذان الفجر دخلت الحمام توضت اخذت سجاتها وصلت الفجر وكانت غاده نايمه بحضنها كالعاده ما تنام الا بحضنها

قربت منها تبوسها على راسها / غدويه حبيبتي ماما قومي صلي الفجر بتطلع الشمس

غاده بنعاس/ ماما بنام شوي واقوم روحي قومي خالد ومحمد وبعدين تعالي تلقيني قايمه

هند/ خالتي وخالي بيقومنهم لانهم قايمين قبلي وتلقينهم راحوا للمسجد ووراك جامعه يادوبك تستعدين

قامت غاده ودخلت الحمام وتوضت وصلت وبعد الصلاه ضمت هند

غاده / ماما تعبانه بغيب اليوم ماشبعت نوم

هند بعصبية / غدويه لازم كل يوم على هالموال انتي تعرفين رايي بموضوع الغياب مافي ولا عاد اسمعك تطرين الغياب الطب مو سهل ابيك ترفعين راسي ويقولون هند عرفت تربي

غاده / خلاص ماماتي لا تزعلين مني توبه
معاد اطري الغياب ماماتي وش رايك قبل دوامك والجامعه نتجهز ونطلع نفطر برا

هند قرصتها بذنها خفيف / طيب بالبس وانتي البسي وبخلي خالد هالمره يودينا تعرفيني لازم الطلعات هذي معي خالد

غاده / انتي وخلود كانكم توئم سونامي ماتنفصلون

ضربتها على راسها هند / قولي ماشاءالله

غاده / ههههههههههه ماشاء الله عيني بارده

هند / بروح اقول لخلود فيما تتجهزين وتاخذين شور وبعدك بدخل اخذ شور على السريع بالبس أي شي القاه قدامي

غاده بحب / ماماتي ميته اشوفك بالمكياج اش رايك احط لك الحين قبل ماتروحين لشركه

هند / لا مخليه المكياج لك بشركه تصير اجتماعات بحضور رجال ونقابي علي مرتاحه لا اشوف احد ولا احد يشوفني

دخلت غاده الحمام تاخذ شور وتسعد للجامعه

طلعت هند لغرفة خالد مالقته موجود سمعت صوته على الدرج

هند / خلود انا بطلع مع غاده نفطر بمطعم وانت بتوصلنا وعازمتك تفطر معنا تعرفني ماحب الطلعات هذي من غيرك

خالد / كم مره اقولك لاتقولين خلود شنب وعوارض وتاليتها خلود شكلي بطيح بكبد اهلي بسبتك

هند / ههههههههههه لا تطمن مراح اطيح بكبد اهلك على ضمانتي فيه وحده دعت عليها امها وحبتك

خالد / الا داعيه لها امها ياله تجهزي خلي السوالف عنك

دخل خالد غرفته ودخلت غرفتها اول مادخلت غرفتها الا غاده طالعة من الحمام

دخلت واخذت شور طلعت من الحمام لقت غاده لابسه تنوره جنز وبلوزه بيضاء لبس الجامعه واقفه قدام التسريحه تستشور شعرها

فتحت دولابها وطلعت بدله رسميه لونه كحلي عباره عن جكيت وبنطلون ولبست بلوزه وردي تحت الجكيت بيحيث طالع قلابي القميص فوق الجكيت وجزمه واطيه لونها كحلي والشعر جففته ولمته بعضاضه لونه وردي

هند / غاده انا خلصت انتي للحين ماخلصتي

غاده / باقي احط قلوس

خلصت غاده وكان مكياجها ناعم مره علشان الجامعه

طلعو من الغرفة لقو خالد ونوره بالصاله

هند وغاده / صباح الخير لاغلى خاله

نوره / صبح النور ماشاء الله وش هالنشاط

هند / عازمتهم على الفطور قبل الدومات

غاده / خالتو وينه خالو ماشوفه

نوره / ياحبيبتي خالك نايم دوامه 8 والساعه الحين 6

هند / خاله اذا جيت من الشركه فيه موضوع ضروري ابي اكلمك فيه

نوره بخوف / عسى خير لا تعلقيني وتطلعين تعرفيني احاتي وافكر كثير

قربت منها وباستها على راسها هند / لا تحاتين يالغاليه ان شاء الله خير

بحاول اطلع بدري علشان ماطولين اتحاتين ولازم محمد يكون موجود هو وخالد

نوره / ان شاء الله بس وانا امك لا طولين علي

مسكت يدها وباستها هند/ ماعاش الي يضايقك

طلعت هند وخالد وغاده لمطعم جلسو على طاوله اخذو المنيوم اختارت هند كرسون بالزبده وكبتشينو

وغاده طلبت بانك كيك وعصير برتقال

وخالد طلب كرسون جبن وعصير برتقال

خلصو فطور اطلعو من المطعم ركبو السياره وصلو غادة للجامعه

وهند وخالد كملو طريقهم لشركه والجو بالسياره سوالف مر الوقت محسو فيه الا لما وصلو

دخلوا لشركه كان الوقت بدري باقي ساعه على الدوامات

دخلت هند مكتبها ودخل خالد معها نزلت عباتها ونقابها وعلقتها على علاقة ملابس بالمكتب محطوطه وراء مكتبها

كان مكتبها الجدران كلها خشب عودي والمكتب كان قمه بالفخامه وفيه غرفة داخليه خاصه للاجتماعات فيها طاوله كبيره للاجتماعات بنفس ديكور غرفتها لها بابين باب من مكتب هند وباب من برا وبجانب المكتب حمام صغير خاص لهند

عندها سكرتيره لبنانيه تحدد مواعيد الاجتماعات والصفقات وعشاء العمل الي تحضرها غالبا مع خالها لان له قدره وقيمته بالسوق

هند تحضر الاجتماعات بحجابها الكامل من عباه ساتره ونقاب ياله تبان عيونها وبحضور محرم اغلب الاحيان خالد اوخالها كل التجار يحبون التعامل معها لامانتها والتزامها بكلمتها بالسوق ولا ترضى بالغلط والصفقات المشبوهه ترفضها وبقوه ولا يهمها احد


بالجامعه

جالسه غاده مع الجوهره في كفتريا الجامعه سوالف وضحك

الجوهره / غاده انا مسويه عزيمه بعد اسبوع بنات خالتي بيجون من جده ودايما اتكلم عنك عندهم وابيهم يشوفونك انتي صديقتي الوحيده

غاده / ماقدر اوعدك ماضن ان ماماتي ترضى اني احضر الحفلات هذي

الجوهره / خليها تجي معك وتتعرف على امي انا متاكده بيصرن صديقات

غاده / ماضن ان ماماتي تحضر لانها ماتحب الاجتماعات هذي ماماتي كل اهتماماتها بالشغل لكن بحاول مع خالتي نوره تجي معي

الجوهره / طيب مو تقولين خالتي رفضت

غاده / لا اضمن موافقت خالتي اولا لانها اجتماعية وثانيا ماتحب ترفض لي طلب

الجوهره / خلاص انتظرك

غاده / يله بسرعه تاخرنا على المحاضره




في بيت بسام

نجلا / حبيبي قوم تاخرت بالنوم بتتاخر عن الدوام

بسام غمز بعينه / كله منك البارح سهرتيني مخليني انام بس احلى سهر سحبها لحضنه وضمها اليوم ماني بمداوم باخذ اجازه من ابوي

نجلاء حمرت خدودها / بسام خف علي ترى استحي

بسام / فديت الي يستحون انا وش الي مجنني غير الحياء والخدود المحمره ضمها بقوه

نجلا / خف شوي على ولدك خنقته

بسام / متى يجي واخذ راحتي على الاخر

نجلا / حبيبي حبيبي اش رايك نعزم خالتي وبيت ابو خالد واهلي للعشاء الليله عندنا لان من يوم سكنت البيت ماجوني اهلك الا مره وحده

بسام / الي تشوفينه بس خليها حريم تعب عليك لما يكون معاهم رجال بعزمهم بستراحتنا
وبعشيهم هناك لانك تعرفين الشياب لازم عشاهم بدري وينامون بدري

نجلاء / خلاص شورتك وهداية الله



في بيت عبدالرحمن


نوره جالسه على نار تنتظر هند الساعه 10 وللحين ماجت وكلمت محمد بيه يجي على طلب هند وصل وللحين ماجت

نوره / محمد كلم اختك شوف وينها تاخر

محمد / يمه هدي اعصابك الله يهداها هند المفروض تقولك على طول ماتخليك تحاتين

نوره / بعد قلبي قلبها ماهون عليها

سمعت الباب يفتح دخلت هند ومعها خالد

هند / يالغاليه اسفه كان عندي شغل ضروري وخلصته وجيتك طيران

نوره / يمه ادخلي بالموضوع من اليوم وانا على نار وانا انتظرك

هند / يمه ابي اسالك خالي بدر وينه

دمعت عيونها يوم ذكرت اخوها بدر لانها اصغر منها بسنه وعلاقتها معه قويه اكثر من اخوانها الباقين

نوره / يمك من سنتين منقطعه عنا اخباره اخواني ما تركو مكان ماسالو عنه وللحين ماندري وين ارضيه امي ماتت بحسرتها عليه وجلست تبكي

سلمت على راسها / يالغاليه لا تبكين انا مافتحت الموضوع علشان اشوف دموعك ومسحت دموع نوره بيدها

نوره / وش الي جاب طاري بدر بالموضوع

هند/ لاني عرفت مكانه

نوره بحماس / وينه فيه وين غايب كل هالغيبه

هند / يالغالية خالي بدر محبوس بحق خاص

نوره/ كيف حق خاص

هند / خالي بدر ذابح واحد بالمسدس بالخطا لكن اهل الميت رفضو يتنازلون كنت بتدخل واحل المشكله وطلع خالي طلعت السالفه معقده تحتاج لخوالي

نوره / كيف

هند / لازم جاها من كبار العايله يروحون لاهل
المتوفي ويشوفون طلاباتهم وان شاء الله يسقطون حقهم لو نضطر ندفع ثمن دم ولدهم

محمد / انا بحاول اصير المحامي لخالي لان ان شاء الله ضامن القضيه اذا ماتنازلو لانه قتل بالخطا والقتل الخطا يتطلب ديه

هند / الحين لازم خوالي يدرون وهذا عليك يالغاليه تعلمينهم لانهم هم الي بيجمعون الجاهه

نوره / ان شاء الله الحين بروح لهم وبقول لهم

هند / يالغاليه وسعي صدرك وطمني اهل خالي بدر وانه ان شاء الله راجع لهم
خالي بدر ذبحته وحشت السجن محدن درى عنه ولا احد زاره لازم يزورونه ماحتاج من يقويه بمصيبته يكفي سنتين بالحاله

نوره / سلمت على راس هند الله لا يحرمني منك ولله وعرفت اربي

هند بحب / اذا تبيني اروح معك انا حاضره والي تبينه مني بسويه انتي تامرين وانا انفذ

نوره / ياليت وانا امك اتشجع بوجودك معي

هند / ولا يهمك يالغاليه العصر اروح معك لبيت خالي سعود


في بيت راشد

راشد وجاسم وموضي جالسين يتغدون

راشد / جاسم وانا ابوك سمعت عن شركه هند الفهد

جاسم / ايه ياعمي اكبر الشركات بالخليج صاحبتها المليارديره هند

راشد / سمعت انها تعطي سلفية لشركات المبتدئة وتساعد الشركات الي طايحه بالسوق والسداد بدون ربا

جاسم / سمعت وصديقي نواف ابوه يعرفهم وله علاقة كبيره بشركتهم

راشد / انا ناوي اروح لشركتهم اخذ منها سلفيه اقوم فيها شركتي وتصير احسن من اول

جاسم / مدري ياعمي اخاف ماتقدر تسدد القرض وتحمل على نفسك ديون وتتطورط

راشد / انا خسران خسران مراح تضرني المحاوله اليوم كلم شركتها واحجز موعد نقابلها فيه والي سمعته ماترفض احد

جاسم / ان شاء الله عندك رقمهم

راشد / ايه ماخذ من واحد مساعدته هند

جاسم/ بكلمها الحين بحاول يكون الموعد بكره

راشد / خير البر عاجله

اتصل جاسم على مكتب هند ردت السكرتيره وطلبت منه ينتظر على التلفون


في الشركه

بعد ماقالت لخالتها سالفة خالها رجعت لشركه مع خالد

دخلت السكرتيره على هند السكرتيره / فيه مكالمه من واحد اسمه جاسم يبي موعد علشان يقابلك يبي سلفيه علشان شركته
هند حولي لي المكالمه
السكرتيره تكلم جاسم

السكرتيره / اخ جاسم لحظه احول المكالمه

جاسم / طيب انا انتظر

هند / الو مرحبا

جاسم خق على صوتها / انا جاسم املك شركه افلست وسمعت ان شركتكم تعطي قروض خاليه من الفوائد الربويه وهذا الي شجعني اتعامل معكم

هند / احنا تعاملنا بالطرق الاسلاميه ونتعامل بالعقود والاثباتات واذاعندكم شركه مفلسه لازم تحضرو اورق تثبت الملكيه لان كثير من اصحاب النفوس الضعيفه ياخذون القروض ولا يسددونها مما نضطر ان نرفع عليهم قضايا

جاسم / ان شاءالله نجي و معنا اوراق تثبت اننا نملك شركه كان لها وزنها بالسوق بسبب ظروف افلست

هند / خلاص باذن الله الاجتماع بكره الساعه 10 لان هذا الوقت مناسب لي اذا ماناسبكم كلم السكرتيره تحط لكم الموعد بالوقت الي يناسبكم

جاسم / الوقت مناسب كثير بكره باذن الله نكون موجدين بنفس الموعد

هند / باذن الله يله مع السلامه


جاسم / مع السلامه



في بيت راشد

جاسم / عمي كلمت الشركه عطتنا موعد بكره الساعه 10 ولازم نحضر اوراق تثيت ملكيتنا لشركه

راشد / خلاص بكره ان شاء الله نروح للموعد الاوراق عندي جاهزه


في بيت ابو بسام

ام بسام / حبيبي ترى نجلاء عازمتنا على عشاء احنا وبيت بو خالد

ابو بسام / بسام عزمنا بالاستراحه

ام بسام / انا بكلم نوره بوصل لها العزيمه
دقت ام بسام تلفون البيت على نوره


بيت عبدالرحمن

رن التلفون ردت نوره

ام بسام / السلام

نوره / وعليكم السلام

ام بسام / نوره صوتك مو عاجبني اش فيك

نوره/ متضايقه شوي

ام بسام / عسى ماشر

نوره / موضوع طويل اذا قابلتك قلت لك

ام بسام / ترى نجلا تعزمك على العشاء الليله

نوره/ اعتذري لها بنيابه عني ماقدر احضر مرتبطه اليوم بموعد ضروري

ام بسام / منتي بعاجبتني يانوره فيك شي وشي كبير بكره الصباح بجيك ماقدر ارتاح وانا ادري ان فيه شي مكدر عليك

نوره / حياك الله

ام بسام / ياله ماطول عليك مع السلام

نوره / مع السلامه


بالشركه

الساعه 4 العصر لبست هند عبادتها ونقابها ونزلت وركبت سيارة السواق عمران وهي بسياره كلمت نوره

هند / الو يالغاليه انا جاية بطريق تجهزي بنروح بيت خالي سعود كلمتيهم نبيه يكون موجود

نوره / ايه كلمته وقت الغداء ولقيته وقلت ضروري نقابله ولازم يجمع اخواني عنده

هند / زين نقول لهم الخبر جماعي

نوره / كذا احسن

هند / يله بمر غاده ودقايق وانا عندك فمان الله

نوره / فمان الله

وصلت هند للجامعه كلمت غاده

هند /الو غاده انا عند الجامعه اطلعي لا تتاخرين

غاده / حاضر

طلعت غاده من الجامعه وركبت السياره

وصلت للبيت نزلت غاده وركبت نوره السياره متجهات لبيت سعود


في بيت سعود


مجتمعين اخونها مستغربين من الموضوع الي جايه فيه نوره ومعها هند

دق الجرس دخلت عليهم نوره وهند سلمت على خوالها ونوره على خوانها جلسو على الكنب وبعد ماشربو القهو والشاهي

سعود / نوره انتي جمعتينا وقلتي عندك موضوع ضروري

نوره / ايه ولافضل ان هند الي تقوله لكم لانها هي الي قالته

كل العيون توجهت لهند ينتظرون الكلام الي بتقوله

هند / خبركم ان خالي بدر غاب فجئة وله سنتين غايب ولا احد يدري عنه ومن كم يوم جتني رساله على مكتبي من واحد مجهول يقول ان خالي بدر مسجون

سعود بستغراب / مسجون

هند / انا كذبت الموضوع وبطريقتي تاكدت من صحه الخبر وانه متهم بالقتل الخطا كان مع واحد من الربع بطلعة بر وكان خالي بدر معه مسدس وبالغلط رمى صديقه وعلى طول توفى وحبسو خالي واهل القتيل رفضو يتنازلون متهمين خالي بالقتل العمد وللحين ما نفذو القصاص بخالي لان فيه قصر ينتظرونهم يكبرون يمكن يتنازلون انا حاولت اني احل الموضوع بمعرفتي لكن طلع اكبر مني السالفه لازم جاهه يروحون لاهل الميت يشوفون وش طلباتهم وحنا مستعدين باي مبلغ يبونه مقابل تنازلهم

سعود / لاحول ولا قوة الا بالله خلاص بنسوي جاهه ونروح لاهل القتيل

هند / ياخوالي خالي بدر محتاج لزيارتكم يكفيه سنتين محد درى عنه ولا احد وقف معه ترى زيارتكم بتقويه بمصيبته

سعود / اليوم بنزوره وخلال يومين كل شي خالص باذن الله

نوره / ماتقصرون خذوني معكم ابي ازوره

سعود / بخليك تزورينه بزياره الحريم

هند / زرته مع خالد كنت بتاكد انه خالي بدر خفت يكون اشتباه بالاسم يوم شفناه تغير شكله اول ماشفته ماعرفته همومه كبرته كان فرحان بزيارتنا مو مصدق يشوف احد من اهله بعد كل هالسنين

سعود / الله يصبره على الي هو فيه

جلست هند مع نوره ومسك عليهم سعود للعشاء

يتبع


في بيت بسام


رن جرس البيت فتحت نجلا كانت عمتها و غاده لان اهلها عندها من العصر


نجلا / يحيا الله من جانا وهي تبوس خالتها


ام بسام / الله يحيك يابنتي


نجلاء / وش فيكم ياخاله تاخرتو


ام بسام / تعرفين غاده لازم تاخرنا


غاده / كانك نسيتيني يانجلاء


نجلا / وانا اقدر انسى طبيبتنا


غاده بمزح / اذا تعبت نفسيتك من بسام تعالي اعالجك


نجلا / اجل خلي علاجك لك


ام بسام / ترى خالتك ام خالد اعتذرت عندها موعد مهم وتتاسف منك وموعدتك بزياره ثانيه


نجلا / مسموحه


دخلو داخل سلمت على اختها وغاده جلست جنب نجلاء


غاده بتستفزهم / لو داريه انا الجمعه للعجائز كان ماجيت


ضربتها نجلاء على كتفها / يويلك لو يسمعنك من بيفكك منهن وانتي وذا الوجه ليش ماني ماليه عينك


غاده / انتي تعتبرين من العجايز


نجلاء / غديوووووه لايسمعك بسام يصدق


غاده / هههههههههههه هذا الي هامك الا شخباره غاده


نجلاء / منهي غاده


غاده / بنوتت اخوي الغالي


نجلا / انجنيت اسميها غاده تطلع ملسونه مثل عمتها


غاده / فديتني اجنن يابخت الي بصير من نصيبه


نجلا / ههههههههههه والله فاسخه الحياء يخوفي انتي الي تخطبين المعرس


غاده / ههههههههههههههههه ياليت علشان انقيه تنقايه


نجلاء / وينها خالتي عنك لو تسمعك كسرت ذا الراس


غاده / متى عشاكم تراني ميته جوع


نجلاء / همك دايما على كرشتك والمصيبه مايبين فيك


غاده / بسم الله علي من عيون الحاسدين




في بيت ام جاسم


الجوهره جالسه بغرفتها على لاب توبها عليها بحث تشتغل فيه طق الباب عليها كان فيصل جاي من رحله

له سبوع غايب عنهم


دخل ببدلة الطيران لما شافته فزت وركضت له وضمته مشتاقه له علاقتها قويه معه لانه اكبر منها بسنه


فيصل بحب/ شاخبار جوهرتنا


الجوهره بحب / مشتاقين لك انت اخبارك طولت هالمره


فيصل / وانا ميت شوق لكم الا جاسم وامي وينهم


الجوهره / امي نايمه وجاسم عند عمي


فيصل / اجل بكره بسلم على امي مابي ازعجها وخرب عليها نومها


الجوهر / امي تبي احد يوديها الديره مشتاقها لامها


فيصل / حتى انا مشتاق لهن مدام بكره الاربعاء نروح كلنا ونرجع الجمعه واذا رجعت من الديره بروح لعمي وخالتي اسلم عليهم على ان خالتك ماتستاهل من يوجبها وهي عاقه بامها ولا فكرت تزورها


الجوهره بفرح / وناسه احب جو الدير اصلن خالتي موضي عايشه لنفسه مسيطره على هالعم وساحبه الي وراه ودونه تدري ان شركته فلست وبيته البنك حاجز عليه


فيصل / ايه ادري قالي جاسم هذا الي نحصله من ورى الحريم ماوراهن الا الفقر


الجوهره بعصبيه / ما سمح لك مو كل الحريم خالتي موضي


فيصل / جاسم قالي انه بيروح شركة هند الفهد بياخذ منها قرض بيساعده علشان توقف شركته


الجوهره / تبون واسطه انا موجوده


فيصل / وش دخلك


الجوهره بغرور / انا صديقة غاده الفهد الروح بروح امها هند الفهد مدلعتها دلع ولا ترفض لها طلب


فيصل / طلعتي منتي بهينه


الجوهره / على فكره تراني عازمتها الخميس الجاي بتزورني بالبيت لان بنات خالتي بيجون ابي شي يبيض الوجه


فيصل / وانا اش دخلني بصديقاتك


الجوهره تتمسكن / ترضاها لختك حبيبتك تتفشل مع بنت الفهد اول مره تجي ببيتنا


فيصل بحب / مالك الله طيبت الخاطر كم الجوهره عندنا


ضمت اخوها / تسلم لي ياحلى اخو بالكون يلومني اني احب


فيصل / بدى دهن السير قلنا تحت امرك على ان بنات خالتك ماهن كفو واكيد بنت الفهد شايفه نفسها ما يعجبها العجب


الجوهره / حرام عليك الا غاده تصدق انها متوضعه واغلب صديقاتها من الطبقه الاقل من عاديه عليها اخلاق وجمال وتواضع موبنات خالتك شايفات انفسهن وعندهن الناس حشرات وهن ماجن ربع مستوى غاده


فيصل / الي يشوفك تمدحين فيها قدامي يقول بخطبها


الجوهره / وش المانع انك تخطبها وربي انت الكسبان


فيصل بكره / لا للحريم مضرب عن الزواج يله بروح انام


الجوهره / كالعاده اذا جت سيرت الزواج هربت حط في بالك ترى امي مخططه تزوجي الريم بنت خالتك


فيصل / هذا الي باقي بتصير علوم لو الي قلته صدق انا فيصل مانجبر على وحده مابيها


الجوهره / الله يقويك الريم شايفه نفسها وفيها شبه من خالتي موضي شكلن وفعلن


فيصل / لا والله صمت صمت وفطرت على ثومه


الجوهره / ههههههههههههههههههه اعجبني المثل الريم ثومه يويلك لو تدري هي شايفه نفسها فوق الكل وياخي العزيز المثل على انه حلو ولكن المثل ( صمت وافطرت على بصله )


فيصل وهو يتثاوب / يله تصبحين على خير


الجوهره / وانت من اهل الخير




بيت عبدالرحمن

هند وخالتها دخلن البيت الساعه 11 الكل مجتمع ينتظرون و متشوقين يعرفون ردت فعل خوالهم وكان بينهم عبدالرحمن قالت له نوره اول ماقالت لها هند واخذت رايه وكان رايه نفس راي هند وانه بيوقف معهم اذا احتاجوه ومعهم ابو نواف وابو بسام


عبدالرحمن / بشري وش صار


نوره / اسئل هند ريحتي الله يريحها دنيا واخره من مواجهت اخواني


هند / قالت لخالها كل الي صار حتى زيارتها لخالها في السجن


عبدالرحمن بعصبيه / اول مره تسوين شي من وراي ولا وترحين بعد لسجون وشرطه


باست راس خالها / السموحه ياغالي كنت ابي اتاكد لما تاكدت هذاني قلت لكم ماكنت لحالي معي محمد ولا ماتثق فيني وفي محمد


عبدالرحمن بجديه / هالمره سماح و السالفه موسالفت ثقة انتي تعرفين اني اثق فيك لانك تربيتي لكن ما حب اكون اخر من يعلم وتتصرفين من وراي


هند / خلاص توبه اخر مره وعد


عبدالرحمن / انا تعبان بروح انام من الصباح وانا شغال


هند / وانا بعد اليوم تعبانه ودايخه فيني النوم


دخلت غرفتها لقت غاده سابقتها على سريرها ونايمه دخلت الحمام اخذت شور وبدلت لبست بجامه قطنية رفعت الحاف ودخلت بالسرير وننسدحت جنب غاده بعد ماباستها على خدها

وهي منسدحه ركزت نظرها على كرسي امها الي طول هاسنين محافظه عليه اذا تضايقت تشكي له كانها تشكي لامها لما سافرت بريطانيا قفلت الغرفه خايفه على الكرسي وعطت المفتاح ريتا وطلبت منها تنظف الغرفة وتسكرها محد يدخلها غيرها خافت من نوره وخالها يتخلصون من الكرسي مثل المره الاولى وهي بتفكيرها من كثر الارهاق والتعب نامت


في بيت ابو بسام


دخلت غاده وامها البيت على الساعه 1 بكره ماعندها محاضرات


لقت اختها غلا عند التلفزون نايمه


غاده بعصبية / وبعدين مع غلا وش هالخراب كل يوم نشيلها لغرفتها


ام بسام / لا تحطين عقلك بعقلها بتكبر وتعقل


غاده / ماضن مادام انتي وبوي ادلعونها بتخرب زود


ام بسام / روحي لغرفتك انا اشيلها مايحتاج كل هالمحاضره


غاده / امري لله انا الي بشيلها تعرفين ما يطاوعني قلبي تشيلين هالدبه اخاف ينمصع فيك شي بسبتها


ام بسام / غديووووه اذكري ربك بسم الله بنتي


غاده / لاتخافين عليها مقاومه للعيون


ام بسام ضربتها على راسها / شليها وانتي ساكته مابي اسمع خرابطيك


غاده تستضعف / ياقلبي عليك ياغاده طاح سوقك من بعد غلاء لنا الله


ام بسام / كلن له مكانه بقلبي يله بطلع الصباح مواعده خالتك ام خالد ازورها


غاده / بكره ماعندي محاضرات ودي اطب فجئة على هند بالشركه


ام بسام / هذا اذا قمتي نومك ثقيل بقومك مره وحده قمتي ولا رحت وخليك


غاده / ان شاء الله بقوم


طلعت ام بسام فوق لغرفتها ونامت وغاده دخلت غلاء في سريرها وطفت النور وطلعت دخلت غرفتها غيرت ملابسها ونامت



في بيت بسام


بعد ماكلن رجع بيته دخلت غرفتها اخذت شور حطت على جسمها لوشن عطري ولبست شورت وردي من الحرير وشيال ابيض فيه خطوط بالوردي وحطت مكياج وردي وتعطرت بعطرها الي يعشقه بسام ولبست شبشبها الوردي

دخل بسام وصفر لما شاف جمالها ضمها من وراء ودفن وجهه بشعرها الي يفتنه يمسح على ظهرها وهو ذايب من عطرها


بسام / خفي علي شكلي بعد بكره مراح اداوم


نجلا سحبت نفسها منه / من بيفكك من عمي بكره


سحبها من يدها فكينا من عمك الحين خلينا فينا احنا نجلا وجهها حمر مستحيه من جرائته


بسام / اروح وطي مع ذ الخدود ويقرب منها ويطبع بوسه قويه من قوتها علمة على خدها


نجلا بعصبيه / حرام عليك اوجعتني وشوهت وجهي من وستك


بسام / مو ذنبي اني ماشبع من العسل


نجلاء / بسسسسسسسسسام


بسام / روح وقلب وعيون وكل بسام وش رايك انام ماقدر استحمل اكثر من كذا


نجلاء / نزلت راسها مستحيه


بسام / فديت الي يستحون سحبها لسرير و..............



في بيت ابو نواف


دخل نواف البيت الساعه 1بعد سهرته باستراحه ابو بسام لقى امه تنتظره استغرب بالعاده تنام بدري وش الي مسهرها


نواف / السلام


ام نواف / وعليكم السلام


نواف بحب / عسى خير الوالده سهرانه اليوم


ام نواف بحب / متى تريح قلب امك وتتزوج ابي افرح فيك ابي اشوف عيالك انت كبرت منت بصغير ومكون نفسك ماناقصك الا العروس


نواف بنفسه / هذا الكلام لازم اسمعه بعد كل عزيمه تحضرها اكيد شايفه لي عروس


نواف / يصير خير يام نواف وعلى العيال بتفرحين بعيال نجلاء


ام نواف بعصبيه / وبعدين معك ليش تتهرب من الزواج كان فيك مرض ولا بلى يمنعك من الزواج


نواف بستغراب / اش هالكلام الحمدلله انا بعافيه لكن ما اني قد مسئولية الزواج


ام نواف / متى ان شاء الله تصير قد المسئوليه لما يصك عمرك الخمسين ذاك الوقت من تبيك شايب


نواف بيمتص غضبها / يالغاليه ماتدرين يمكن قريب اجيك واقول يمه اخطبي لي


ام نواف / ان شاء الله المشكله انك رجال ولا كان غصبتك وزوجتك بالغصب


نواف / هههههه الحمدلله اني رجال مانغصب


ام نواف / نشوف اخرتها معك بعطيك مهله شهر اذا ماجيتني وقلت اخطبي لي ترى بغضب عليك ولاني امك ولا اعرفك


نواف بضعف / يالغاليه وش الكلام الي تقولينه


ام نواف / انت الي حديتني على هالكلام عمرك 35 وللحين منت بناوي تتزوج


نواف بستسلام / مالك الا طيبت الخاطر ان شاء الله قبل الشهر لا يخلص اجيك واقول اخطبي لي بس وسعي صدرك واهم شي عندي رضاك


ام نواف برضا / الله يرضى عليك دنيا واخره يله بروح انام


نواف / تصبحين على خير


راحت ام نواف لغرفتها وتركت نواف بحزنه وهمه من كلام امه راح لغرفته بعد كلام امه جافاه النوم لانه مايبي يتزوج يخاف يظلم بنت الناس معه ولايطاوعه ان امه تغضب ا عليه مايدري وش يسوي هرب من افكاره بالنوم

يتيع

اليوم الثاني

في بيت عبدالرحمن


قامت هند كالعاده دخلت الحمام اخذت شور وتوضت وصلت الفجر وقربت من السرير وتمسح على شعرها


هند / غاده قومي صلي


قامت بنشاط لانها نايمه بدري وشبعانه نوم


غاده / صباح الخير لاحلى ام


هند / ما شاء الله النفسيه تمام اليوم


غاده / شبعانه نوم نايمه بدري


باستها هند / دوم ان شاء الله النفسية تمام لاني برتاح من تقويمك ودلعك الصبح


غاده بزعل / ماماتي انا دلوعه


هند بحب / واحلى دلوعه يقلب ماماتك ياله قومي لا يفوت وقت الصلاه


قامت غاده ودخلت الحمام تاخذ شور وتتوضا وهند حاسة قلبها مقبوض كان فيه مصيبة بتصير


هند / اعوذ بالله من ابليس اللهم اجعله خير طلعت لخالد تطمن عليه لقته داخل غرفته


هند / خلود انت بخير


خالد / ايه الحمدلله


اخذت يد خالد وحطتها على قلبها هند بضيق / خالد تسمع ضربات قلبي حاسه بخوف من قمت وانا متضايقه


خالد ويده على قلبها ويحس بسرعه بدقاته وكانه بيطير من مكانه


خالد بخوف / بسم الله عليك هنوده وش صاير


هند بضيق / مدري احس قلبي كانه بيطير من ضلوعي


خالد ضمها على صدره يبي يخفف عليها لكن ضربات قلبها تزيد خالد خاف عليها شكلها مو طبيعي


خالد/ هنوده اوديك المستشفى


هند / لا مايحتاج بروح لخالتي


رحت هند لنوره طقت عليها غرفتها استغربت نوره ان هند عند الباب

هند بضيقه / خاله تسمحين لي ادخل


نوره بحب / يقلب خالتك ادخلي بدون استاذان


هند بضيق / خالتي مدري اش فيني من اصبحت وقلبي مقبوض وتاخذ يد نوره وتحطها على قلبها انصدمت نوره من سرعت دقات قلبها


هند مو من طبعها تشكي طبعها كتومه اول مره تلجا لنوره وهي تعترف بخوفها


نوره بقلق/ بسم الله عليك تعالي معي باقي وقت على دوامك لو ماتروحين احسن


هند / ماقدر عندي اجتماع وانتي تعرفيني عند الكلمه الي اعطيها لناس


اسحبتها نوره وجلست على الكنب وحطتها بحضنها وهي استسلمت لنوره كانها تدور الامان جلست نوره تقراء عليها قران وتنفث عليها لين هدت وخفت ضربات قلبها


قامت من حضن خالتها وباست ايدين نوره بحب وامتنان


هند بحب/ الله لا يحرمني منك يالغاليه جعل يومي قبل يومك


نوره / ولا يحرمني منك وانا امك خفي على نفسك من الشغل العمر يخلص والشغل مايخلص


هند / تامرين يالغالية


دخلت غرفتها لقت غاده لابسه وخالصه غاده / ماماتي لا تاخريني محاضرتي بدري اليوم


هند / ان شاء الله تحسبيني غاده اجلس ساعه لين اخلص كله البس واطلع


غاده / طيب انا بطلع افطر لين تخلصين


هند لبست تنوره جنز وبلوزه بيضاء وشعرها لامته بعضاضه وجزمه واطيه لونه ابيض


لبست عباتها ونزلت لقت غاده وخالد يفطرون جلست معهم


خالد / هنوده كيفك الحين اذا تعبانه ارتاحي انا احضر الموعد بدالك


هند / تسلم يالغالي لا الحمدلله بخير وانت بتكون معي بالاجتماع


خالد بخوف / اذا حسيتي زاد عليك التعب حلفتك تقولين لي


هند / ان شاء الله


غاده / ماماتي اش السالفه


هند / اتدلع على خلود بشوف غلاتي عنده


غاده / حركاااااااااات ماماتي وصرنا ندلع


خالد وهند / هههههههههههههههه


هند / ياله مشينا لا تتاخرين ويحسبون لك غياب


غاده / حاضر ماماتي بس البس نقابي


خالد/ بسبقكم لسياره لا طولون علي


طلع خالد ودقائق لحقته هند وغاده وفي السياره هدوء وصلو غاده للجامعه وكملو مشوارهم لشركه و
هندعلى غير العاده ساكته والضيقه مالها تزود


خالد بخوف / هند انا ماني مرتاح لحالتك اليوم


هند / لا تطمن مافيني الا كل خير يمكن سالفت خالي بدر ماثره فيني


خالد بشك / ياليت هذا السبب


وصلوا لشركه على الساعه 8 دخل خالد مكتبه ودخلت هند مكتبها نزلت عباتها لانها حاسه ماتقدر تتنفس من كثر الضيقه


اضغطت على جرس السكرتيره جتها بسرعه


هند / الله يعافيك ابي كافي


السكرتيره / حاضر انسه


دقائق وجابت السكرتيره الكفي شربته




بيت راشد




دخل راشد غرفة جاسم يصحيه ويذكره بالموعد


راشد / جاسم قوم تجهز موعدنا مع الشركه


جاسم فتح عيونه بكسل / كم الساعه ياعمي


راشد / الساعه ثمان ونص


جاسم / بدري باقي ساعه ونص


راشد / وراك لبس وفطور ولا تنسى الطريق الشركه ماهي قريبه يبينا فوق النص ساعه لين نوصلها


جاسم / خلاص قايم


طلع راشد من الغرفه نزل تحت وكانت موضي جالسه على طاولة الطعام


جاسم دخل خذا له شور ولبس ثوب ابيض وغتره ونزل لقى عمه وخالته جالسين يفطرون


جاسم / صباح الخير


موضي وراشد / صباح النور


جلس معهم وبدا يفطر والجو سكوت قطع عليهم صوت موضي


موضي / راشد عطني فلوس بروح لسوق فيه زواج اخر الاسبوع لبنت صديقتي بحضره


راشد / كم تبين


موضي / 5 الااف


جاسم جالس مستمع منقهر من خالته ومتاكد ان عمه بيعطيها لو يتسلف خالته ماترحمه صاير لها مثل البنك المتحرك جاسم وقف بيطلع يكره يكون بمثل هالمواقف


راشد / اذا جيت من الموعد مريت وسحبت لك الفلوس الي تبينها


جاسم / عمي انتظرك بالسياره


طلع جاسم وهو مولع قهر من خالته ومنقهر من سلبية عمه دقايق الا راشد ركب جنبه بطريقهم لشركه



في بيت بسام


قامت نجلاء وخذت شور ولبست بنطلون جنز وبلوزه حمل مزمومه من عند الصدر لونها وردي شيفون ورافعه شعرها بشكل فيضوي وحاطه مكياج صباحي وردي طالع شكلها رايق


نجلاء بدلع / بسومتي حبيبي قوم لا تتاخر على الدوام


بسام فتح عيونه وشاف نجلاء كاشخه


بسام بحب / شكلك اليوم ماتبيني اداوم وش هالزين على الصباح مو حرام اداوم واترك هالجمال واروح عند الوجيه الودره الي تسد النفس على الصباح


نجلاء بحب / تسلم حبيبي بس ياله قوم مابي عمي يزعل عليك ويقول ماخرب الا بعد ماتزوج ماترضاها لي

قام وضمها وباسها على خدها


بسام / اكيد مارضاها لك احد يرضى على روحه


شدت ضمته نجلا / بسومتي خف علي ماقدر على الكلام الحلو


بسام / ودي اعرف متى تخفين من ذا الحياء الي يدوخني


نجلاء سحبته بيده تقومه نجلاء / يله بسرعه لاني ودي ازور امي ما دامك بالشغل وانتغدا عندها لان امي طول النهار جالسه بالحالها


بسام / حاضرين يالحنونه الله لا يحرمني منك


نجلاء / ولا منك ياحبيبي


دخل الحمام ياخذ شور ونجلاء راحت تجهز الفطور


طلع من الحمام لبس ثوبه وشماغه ونزل لقى نجلا مجهزه الفطور افطرو وطلعو وصل نجلاء عند امها وهو كمل طريقه لشركه عند ابوه




في بيت ام بسام


الساعه 9 قامت ام بسام وقومت غاده بسرعه قامت ناويه تزور هند بالشركه من زمان عنها


راحت ام بسام لنوره الي كلمتها وقالت انها جالسه بالحاله


وغاده تجهزت والبست بسرعه وركبت مع السواق رايحه لشركه مرت على ستار بوكس وخذت كبتشينو وكرسون جبن اكلتهم بالسياره لان السياره مظلله وصلت لشركه ونزلت اسئلت عن غرفة هند ودلوها




في بيت ام نواف


نزل بسام نجلاء وكان معها مفتاح البيت فتحت ودخلت تفاجئت امها بزيارتها خافت


نجلا / السلا م


ام نواف بخوف / وعليكم السلام عسى خير وش هالزياره المفاجئة


نجلاء / افهمها طرده ماتبين زيارتي


ام نواف / انتي تعرفين الود ودي ماتتركيني بس خفت صاير بينك وبين بسام شي وذا زياره حياك الله توسعين صدري بدل جلستي لحالي


نجلاء / تسلمين يالغاليه اعرف غلاتي عندك زياره وعازمه بسام على الغداء عندك الله بالغداء السنع


ام نواف بحب / الله يحيك ويحيه والله معزته من معزت نواف ولدي ويبشر بالغداء


نجلاء / انا الي بطبخه انتي ارتاحي يالغاليه


ام نواف / الله لا يخليني منك


نجلاء / يمه وين فطورك تراني مافطرت مشتهيه افطر معك


ام نواف / الحين الشغاله بتجيبه بالعاده مافطر ماشتهي افطر بالحالي


نجلاء بحنان / يمه مايصير الله يطول بعمرك علشان خاطري كل يوم افطري علشان صحتك


ام نواف / ان شاء الله وانا امك


جابت الشغاله الفطور افطرن وتقهون


ام نواف / البارح كلمت نواف عن الزواج


نجلاء وهي ميته ان نواف يتزوج / ايه وش قال ليكون مثل العاده يتهرب


ام نواف / لا اصريت عليه ان ماقال اخطبي الي خلال شهر ولا ينسى ان له ام واني غضبانه عليه


نجلاء / قسيتي عليه يمه نواف مايستاهل انك تقسين عليه تعرفين غلاتك عنده


ام نواف / انا داريه انه مايقدر على زعلي علشان كذا قلت هالكلام من وراء قلبي بس لازم افرح فيه


نجلاء / الله يرزقه ببنت الحلال الي تبسطه وتعوضه حاطه احد ببالك


ام نواف / لا هو قال بيجيني ويقول اخطبي لي اذا جاء ذاك الوقت اخترنا العروس






في بيت عبدالرحمن


ام بسام ونوره افطرن وبعد الفطور دخلن في الصاله مجهزه نوره القهوه والحلى


ام بسام / امس لما كلمتك ماعجبتيني صاير شي بينك وبين ابو خالد


نوره / لا


ام بسام / اجل شنو الي ماغيرك لاتقولين ماصار شي لاني مراح اصدقك


نوره / قالت كل الي مضايقها


ام بسام / الله يهديك كل هذا شايلته وانا اخر من يدري انا اختك يانوره قبل لاكون صديقتك عمري ما تضايقت الا قلت لك الي مضايقني


نوره/ والله عارفه ماكنت ابي اقوله بالتلفون


ام بسام / صار خير الله يفرج كربته ويرده لزوجته وعياله


نوره / اللهم امين يقولون زوجته انهاااااارت يوم درت انه عايش المسكينه خذت العزا فيه


ام بسام / لا حول ولا قوة الا بالله الله يكون بعونهم والحين كيف حالها


نوره / حالتها ماتسر كلمت امس اختها تقول ضيقت صدورنا تقول ودوني اشوفه مانامت الا بالمستشفى عطوها ابره مهدئه وعلى كلامهم بيطلعونها اليوم العصر


ام بسام / محتاجين وقفتك معهم


نوره / اكيد الي اقدر عليه بسويه والباقي على ربك




في الشركه


كانت هند اطالع بساعتها باقي على الاجتماع اقل من ساعه طق الباب كانت غاده واقفه وراء الباب بتسوي مفاجئة


هند / تفضل


دخلت غاده المكتب غليها فرحت هند بشوفتها لانها من زمان عنها


غاده / قلت اطب عليك فجئة اليوم ماعندي محاضره


هند بحب / حياك الله الشركه منوره اثاريك زايرتنا وش تشربين


غاده / شكرا على الاطرا محد قدك مكتب شغل عدل وش رايك توظفيني سكرتيرتك بدال الشقراء الي برا خوفتني يوم شفتها تقول موضفين قطو


هند /ههههههههه ماتتركين سوالفك نزلي عباتك مراح يدخل احد مكتبي لان مضطره بعد 10 دقائق اتركك واحضر اجتماع



غاده بستهبال / ماينفع تاخذيني معك يمكن اشوف واحد من الي حاضرين الاجتماع مزيون واخطط عليه واحمي نفسي من العنوسه


هند / هههههههههه اثقلي اثقل زين وش تبين بالزواج


غاده / انا غاده ماني بهند انا ادور العرس دوره لكن عساهم العمى مايشوفون


هند / هههههههههههه منتي بصاحيه


وهي تسولف دخل خالد بسرعه بيقول لها عن وصول راشد وجاسم


انفجعت غاده لانها ماخذه راحتها بالمكتب وكاشفه ومنزله عباتها خالد عرف غاده حبيبته الي مانسى شكلها يكثر ماهو مشتاق لشوفتها وتحققت امنيه


هند بحزم / ليش مادخلت من الباب الثاني لغرفة الاجتماعات


خالد وعيونه مانزلت من على غاده المنصدمه


خالد/ محد قال ان عندك ضيوف


هند / طيب ادخل غرفة الاجتماعات وش فيك واقف


مشى من عندها و دخل غرفة الاجتماعات


هند / السموحه امسحيها بوجهي مكان يدري


غاده وخدودها محمره من الحياء مستحيه من الموقف


غاده بحياء / صار خير احضري الاجتماع وانا انتظرك هنا


هند / هههههههههه ترى على فكره الحياء مو لابق عليك


غاده / يالتبنه روحي احضري الاجتماع لاموتك بيدي


غرفة الاجتماعات لها بابين باب من مكتب هند وباب من برا للضيوف يدخلون منه وهند تدخل من مكتبها

لبست عباتها ونقابها وتسترت ودخلت للاجتماع



يتبع

يتبع


في الشركه



احذر من نار حقدي
وان اجعلك حطبا لموقدي
فانت سرقت امسي ولن تكون بغد
تركت لك حريه تركي لوحدي
وان ترحل وتختار بعدي
لكن اياك ان تقترب من لحدي
نعم ....فما بقي مني هو بلحدي
ذرفت دموعا حتى حفرت خدي
وتناقلتني الاشواق بين جمر و سهدي
ونار بقلبي ما بقي منه الا الرمد
وانا جمر تحت الثرى يتقد
فاحذرمن نار حقدي
آنت قاتل أيام هناءي وسعدي
وامل عمري نفذ ما بقي عندي
وانت اخترت خداعي فكن لي ند
ساقاتل بكل عزيمه وساقبل منك التحدي
هذه حياتي وساعلمك معنى التصدي
لا تهدء فانا لم اخض الحرب بعد
فليس لدي طائرات وبارجات وعتاد
ولكن لي كرامه ولي بها قوه وعند
فاحذر من نار حقدي
انت من افقدني صوابي ورشدي
ومن جعلني اسير بدروب التردي
وكنت كليله ماطرة اصابها برق ورعد
ساكون صاعقه ساحرقك بلا تردد
وان استطعت خلع قلبك بيدي
انت.....فلك قلب من الثلج ابرد
وبه قسوه رباه ما رائيتها باحد
فانت ما عرفت الحب يا جاحد
ولن تعرف معنى الحب السرمدي
فاحذرني واحذر نار قلبي وحقدي
وعلمتني معنى ان تكون ضدي
بسوط عذاباتك ادمنه جلدي
فلتشرب اليوم كاسا شرابه اسود
ولتعلم ان مت اخرج لك من المرقد
لانك كنت بالنسبه لي حظي الردي
فاحذر للمرة الاخيرة من نار حقدي

( منقوله )


لبست عباتها ونقابها وتسترت ودخلت للاجتماع شافت شايب وشاب بالثلاثنات والموظفين موجودين الي دايما يحضرون معها الاجتماعات وخالد الكل جالس ينتظرها دخلت بكل ثقه وهيبه ووجودها طاغي بالمكان


هند / السلام عليكم ورحمة الله وبركاته

الجميع / وعليكم السلام

جلست على الكرسي الخاص لها وهو في الصداره وعن يمينها خالد والكرسي اليسار فاضي مانعه أي احد يجلس قربها من الموظفين او المراجعين وبعد الكرسي الفاضي جاسم وجنبه عمه


راشد وجاسم متفاجئين من حضورها للاجتماع بحجابها الكامل كانو يتوقعو يشوفون وحده كاشفه ومتبرجه

هند بثقه وجديه / اعرفكم بنفسي انا هند الفهد

جاسم انبهر من وجودها الطاغي غصب تجبر الواحد يخافها ويحسب لها مليون حساب

تكلم بالنيابه عن عمه لانه متاكد ان عمه مستحيل يكون له هيبته وهيبتهاوحضورها مالي المكان اضطر يتكلم بالنيابه عنه


جاسم بهيبته تكلم بنفس اسلوبها الجدي / انا جاسم كلمتك بخصوص السلفيه وانتي طلبتي اثبات ان عندنا شركه خسرانه والشركه باسم عمي راشد وهو الي قدامك

هند رفعت عيونها براشد مشبهه عليه كانها قد شافته قبل ولانزلتها تحاول تتذكر وين شافته


هند ونظرها على راشد / استاذ جاسم عطني اوراق الثبوتيه


جاسم مد عليها الملف / تفضلي هذي الاوراق فيها كل التفاصيل


اول مافتحت الاوراق وشافت الاسم حست ببروده سرت بجسمها والدنيا ادور فيها وصار صدرها يرتفع وينزل وصار كل خليه بجسمها تنتفض


هند وصوتها فيه رجفه ما خفت عن خالد وبصوت عالي / لوسمحتو الكل يطلع مايبقى الا خالد وراشد وجاسم


طلعو الموظفين برا الغرفه وخالد استغرب من تصرفها وقفت هند وضربت بكل قوتها على الطاوله الكل انفزع من قو الضربه وخالد جالس متفاجئ


هند وهي تاشر باصبعها لراشد بسخريه / انت راشد ال........


راشد / ايه نعم

هند / وجاي شركتي تطلب سلفيه


راشد / ايه نعم


هند وبدا صوتها يعلى / وتنتظر مني مساعدتك


راشد مستغرب من تحقيقها / ايه وكان بينا اتصال وانتي الي حددتي الموعد


هند تصرخ في وجه راشد صرخه هزت المكان


هند بصراخ الم / انــت اخــــــر انســـــــان ينتظــــر انـــي اساعــــده ما يشـــرفنــــي اساعـــد حراميــــه مـــن مصاصيـــــن دمـــاء الاخـــريـــن وطالعيـــــــــــــن على اكتــــاف نـــاس وبـــــعدها دمــــروهم

انتظــــــــرت هــــذا اليــــــوم كثيـــــر لكـــنه طــــــــوووول امــنـيــتــــي اشــــوفــك تـشـحــــذ واشــوفـــك ذليـــــل جعـــلـك مــن فقـــر لفقـــر

طالعــت بالاوراق وشافت ان قصره مرهون للبنك

هند بضحكة استفزازيه وبصراخ / هههههههه حـــــلووووو قصـــر ســـــاره حـــاجــز عليــه البنـــــك ياللــــه ما تـــدري اش كثــــر فرحـــتي فيـــك يـاراشــــد

الكل منصدم وراشد منفجع من كلام هند وجاسم شك ان هند صاب عقلها شي


خالد ضم هند بقوه وقربها منه علشان يهديها لان حالتها ماهي طبيعية صار من قو ما تنتفض ينتفض معها خاف عليها يصير فيها شي من عصبيتها


راشد / يابنتي انا ماعرفك


لما قال يابنتي اخذت فازه فيها ورد ورمتها على الارض تكسرت الي صوتها هز المكان هز


هند بصراخ هستيري / لاتقـــــول بنتــــي انـــت انســــــان حـــــقيررررر تـفهـــم اش معنــــى حقيــــر

عصب جااااااااااسم منها ومن ضعف عمه وسلبيته بالرد صرخ فيها بصوت عالي


جاسم بصراخ / احتــــرمــي نفســـــك


هند بصراخ / انطــــــم وكـــــل تبــــــن مــابقـــى الا انـــت تــــوقــف بـــوجهــي وتعلمنـــي الاحتــــــرام


جاسم وهو يغلي من العصبيه / والله لو منتـــــي بحرمـــه كـــان عـــرفــت اتـعامــــل معــــك وعلمـتـــك قــــدرك ودفـنتـــك بمحلـــك

هند بعصبيه وصراخ / تعلمنــــي قــــدري وتـدفنـــــي بمحــــلي ورنـــي شطـارتـــك ياشـــاطـــر وكانت بيدها الاوراق رمتها بوجهه

كملت / مابقــــى الا هـالاشكـــال تعلمنـــي قــدري يالــه فـــارق وســـحــب عمـــك الحـــرامي معـــك وايــانــي وايـــاكــم اشــــوفـكـم مــــاريـن بجنـــــب شـــركتـــي الـــي مثلـكـــم يـــلوثــون المكـــــان الـــي يـــدخلـــونــه

راشد بضعف / فيه التباس بالموضوع فهميني

هند بنبره حزينه / القاتــــل ينســــى لكـــن المقتـــول ماينســـى


جاسم / والله والـــي خلقنـــي لاردهـــا لك ماعــــرفتـــي منـــو جـــاســـم

هند بنبرة احتقار / لا مــايشـــرفنــي اعــرف منــو جـــاســـم وتــــخســــــى تهـــــددنــي ههههههه مابقــى الا البـــزران يهــــددون اعـــلى ما فـــي خيـــلك اركبـــه والـــي ماطـــولـه بايـــدك وصـــلــه بـــرجـــــلك

جاسم انقهر ودمه فارررر منها لو طول اكثر من كذا بيقتلها والي فيها فيها


اخذ عمه وطلعو من المكتب وداخله كره وحقد لها وفي نفسه يهدد ويتوعد


ركب سيارته وجنبه عمه وهو يغلي من القهر التفت على عمه

جاسم باستفهام / وش بينك وبين هالحقيره


راشد بضعف / وانا عمك مثلي مثلك بسم الله علينا اكلتنا ماتركت لنا فرصه نفهم واضح انها شرانيه مستغرب العالم تمدحها بتعاملها الراقي ليش تعاملت معنا كذا علمي علمك

جاسم باستغراب / مدري الي يشوفها وهي تصارخ عليك يقولون ذابح ابوها ولا ماخذ حلالها في تعاملها معنا سر مافهمناه

راشد باحباط / مدري عنها وانا عمك كنت رابط فيها امالي لكن اه من ردات الحظ جاسم مر على البنك بصرف فلوس لخالتك

جاسم وهو منقهر / وبعدين معك عمي لمتى انت كذا مع خالتي كلنا ندري انها هي سبب خسارتك وهي للحين تطلب فلوس وهي عارفه انك مفلس عمي لازم توريها العين الحمراء علشان تحس فيك انت عمي وهي خالتي لكن تصرفاتها انانيه


راشد بنبرة حزن / خلها وانا عمك بالقلب تجرح انا خسرت كثير ليت الخساره بالمال تهون انا خسرت اعظم من المال والندم كاويني ونزلت دمعه من عينه مسحها مايبي جاسم يشوفها شاف دمعة عمه لكنه سكت مايبي يقلب المواجع على عمه



في غرفة الاجتماعات

كل الي صار فوق طاقتها وحتمالها وبذلت جهد كبير فجرتها شوفت راشد بعد كل هالسنين لما طلعو انهارت هند وطاحت بثقلها على الكرسي

خالد باستغراب/ وش سويتي ياهند

هند / اااااااااه ياخالد وصارت تبكي

خالد بخوف وحنان / سلامتك من الاه دخيلك يالغاليه لا تبكين ماعاش من من ينزل دموعك دموعك غاليه


هند وهي تبكي بوجع / الا عاش ياخالد يحرقت قلبي

خالد بخوف / لا ياهند تكفين لاتضعفين قولي وش سوى وربي لموته بيدي

صارت هند تنتفض جتها حاله هستيريه تصارخ وتصيح / اااااااااااااااااااااه ياخالد ااااااااااااااااه قلبـــي يـــوجعنـــي ياخـــالـــد ابـــــــــــــــي امــــــــي هــــــــاتوها


خالد مرعوب من حالتها صار يضمها وغصب دمعت عيونه لما طلبت امها متاكد ان فيه شي كبير وراء حالتها لكنه مو فاهمه



في مكتب هند

غاده تسمع صراخ هند من اول ماعصبت وكان بخاطرها تدخل خايفه يكون موقفها غلط يوم شافت هند تبكي ماقدرت تصبر لبست عباتها ودخلت

لقت هند تبكي بحضن خالد وهو متاثر من حالتها ركضت لها وهي متروعه خذتها من بين ايدين خالد وشالت النقاب عنها تبيها تتنفس وضمتها طلبت من خالد كاس ماء صب لها في كاس موجود على الطاوله مده لها خذته ورشت على وجهها حاولت تشربها لكنها رافضه جالسه تنتفض بقوة صارو مايسمعون الا شهقاتها

خالد اوجعه قلبه عليها بكى داخله على حالها هند القويه تنهار قدامه غصب عنه نزلت دمعه ساخنه على خده

غاده بخوف / خالد هند لازم تروح للمستشفى واضح ان معها انهيار عصبي

خالد بخوف / اش تقولين انهيار عصبي شنو السبب

غاده / ايه خلنا نلحق عليها قبل لا تتازم حالتها

وقف خالد هند وساندها على كتفه ساعده لين وصلو لسياره كلم البواب يقربها عند الباب فتح الباب الخلفي ركبها وسدحها ومن الجهه الثانيه كانت غاده حطت راس هند على فخذها وهي شبه مغمي عليها

وصلو المستشفى دخلوها الطوارئ كشف عليها الدكتور وقال ان معها انهيار عصبي زين جابوها بسرعه قبل لا تطور حالتها عطاها ابره مهدئة وهدت ونامت

غاده مستغربه / خالد شنو الي صار بالاجتماع يسبب لها الانهيار

خالد بستغراب اكبر / والله مدري شكلها بينها وبين الشايب الي كان موجود بالاجتماع شي من يوم قرت اسمعه بالاوراق وهي تنتفض ومنهاره

غاده نست نفسها وتكلمت بصوت عالي / يويلي لايكون

وانتبهت لنظرات خالد وسكتت خالد ينتظرها تكمل لكنها سكتت

خالد / لايكون من قولي

غاده / هاه ايه مدري

خالد بصرار/ قولي وش قاعده تخربطين طالبك تقولين اذا تعرفين لاتخليني على اعصابي والوساويس توديني وتجيبني


غاده بخوف / لا ماهو الي في بالك بس ماقدر اقول احسن هند الي تقولك

خالد بضعف / طلبتك ياغاده انك تقولين عمري ماطلبت احد هذي هند الغاليه

غاده من حبها لخالد ماقدرت تقسى عليه

غاده / خالد انا ماني متاكدة كله ظنون

خالد باصرار/ قولي وانا احكم لاني حاضر الاجتماع يمكن الي عندك خيط يوضح الي صار بالاجتماع

غاده قررت تقول شكوكها

غاده برتباك / انا شاكه انه راشد ابوها الي شافته بالمكتب لانه شوفته احتمال كبير هي الي تخلي هند تنهار

خالد بدا يراجع كلام هند وهي تقول انه حرامي وانها تنتظر من سنين انها تتشفى فيه تاكد انه ابوها راشد

خالد / اكيد ابوها راشد الحين فهمت الكلام الي كانت تقوله له صدق الدنيا صغيره سرق امها وجاي يبي هند تعطيه سلفيه يقوم بها شركة عمتي ساره اه يالقهر ياليت كنت داري كان خليته يطلع من المكتب محمل

غاده / بدال ماتعقل هند تساعدها تقسى عليه لا تنسى مهما كان ابوها

خالد بعصبيه / هند بنتنا ابوها مات

غاده / خالد انا مضطره اطلع للبيت تاخرت اذا فاقت هند خلها اطمني

خالد / ان شاء الله

طلعت غاده وخالد ابحر بعالمه وهو يفكر بحالة هند


دخل خالد يدينه بجيبه بيطلع جواله علشان يكلم اهله يقول لهم انهم بيتاخرون لكن مالقاه شكله نساه بالشركه



في بيت عبدالرحمن


طلعت ام بسام لبيتها جلست نوره في الصاله تنتظر العيال دق تلفون البيت الا غاده الي تتصل

غاده / الو

نوره / هلا غاده وينك تاخرتي

غاده / ماماتي وخالد ماجوني لي ساعه طالعه

نوره / كلمتيهم

غاده / ايه ماماتي جوالها مقفل وخالد مايرد

نوره بدت تخاف على هند وخالد وخافت اكثر على هند لان اليوم الصباح ماهي طبيعيه

غاده / خالتي وش اسوي من بيرجعني البيت

نوره / ماتقدرين تجين مع وحده من صديقاتك

غاده بشوف مافيه الا الجوهره يمكن اجي معها


سكرت نوره من غاده وتصلت على عبدالرحمن

نوره / الو

عبدالرحمن / هلا نوره


نوره بخوف/ عبدالرحمن هند وخالد ماصلو للبيت وتاخرو على غاده وهند جوالها مقفل وقلبي ماكلني عليهم لانها اليوم الصبح كانت تعبانه بس تكابر

عبدالرحمن بخوف/ يله مع السلامه بروح اشوف لسالفه

كان جالس مع ابو بسام جت ابو بسام مكالمه من بنته غاده وقالت له الي صار

جاء ابو بسام وهو يشوف عبدالرحمن يحاول يتصل بهند وخالد ومافيه امل هند مقفل وخالد ماير بدا يخاف

ابو بسام / على من تتصل من اليوم

عبدالرحمن بخوف / على خالد وهند

ابو بسام / هند وخالد بالمستشفى


فز عبدالرحمن من مكانه / وش صار يابو بسام

ابو بسام / هند تعبت شوي بشركه وخذها خالد للمستشفى تطمن غاده بنتي كانت معهم زايره هند ولا رجعت البيت الا بعد ماتطمنت عليها وكلمتني علشان اطمنك

عبدالرحمن بعدم صبر / أي مستشفى

ابو بسام / مستشفى ال ......





في الجامعه



كانت غاده واقفه برا مستحيه تطلب من الجوهره توصلها ماقد سوتها وركبت مع وحده توصلها دايما هند متكفله انها توديها وتجيبها وتحذرها ان احد يوصلها لكن الامر عند نوره عادي

غاده / الجوهره متفشله منك

الجوهره / خير غاده

غاده / ماماتي تاخرت وجوالها مقفل وخالد مايرد معليش توصليني البيت اذا مافيه كلافه

الجوهره بزعل / وش هالكلام وش تستحين انا لو احتجت من يرجعني للبيت ماخترت الا انتي احنا خوات

غاده / طيب انا قلبي ماكلني على ماماتي من بيجيك

الجوهره / فيصل اخوي

غاده بحيا / فشله

الجوهره / عادي

طلعو من الجامعه شافت الجوهره سياره فيصل واقفه تنتظرها سبقتها لسيارة اخوها تجط عنده خبر انهم بيوصلون غاده

الجوهره باستعطاف / فصول ترى غاده الفهد بتجي معنا نوصلها لبيتها امها تاخرت عليها وجوالها مقفل

فيصل / طيب مايحتاج كل هالكلام قلتي سيرة حياتها علشان اوصلها حياها الله وحنا نطول نوصل بنت الفهد ونرفض لنا اشرف

الجوهره / تسلم

راجعت الجوهره عند غاده وسحبتها معها وكانت غاده مستحيه ركبو السياره اول مادخلت

غاده بصوتها الناعم الي يذبح / السلام

خق فيصل على صوتها / وعليكم السلام

طلب فيصل من اخته ادله بيت غاده لكن الجوهره ماعمرها جتها ولا تدله

فيصل / معليش اختي توصفين طريق بيتكم

غاده قامت توصف له وهو يتمناها ماتسكت وصلها للبيت انبهر من كبر وجماله

غاده بحيا / اسفه كثير على الازعاج ومشكورين على التوصيله انزلو تقهو عندنا خالو وخالتو موجودين

فيصل ذاب على كلمة خالتو وخالو

الجوهره / لا مره ثانيه اكون استعديت لزيارتكم



في بيت عبد الرحمن


دخلت غاده البيت مرت على نوره وباستها وراحت لغرفتها اخذت شور ونامت



في سيارة فيصل


فيصل / شفتي الي شفته

الجوهره / ايه والله مو باين انها تملك هالعز متواضعه

فيصل باعجاب / شوفيها كيف تتكلم ماودك انها تسكت خالو خالتو تعلمي منها مو خاله خالي

الجوهره / فصوووووول استح ترى مارضى على غاده وش فيه كلامي يهبل وصوتي يخقق

فيصل بينرفزها / كثري منها يخقق اجل صوت غاده ووع فديت صوتها صرت ملح

الجوهره بعصبيه / عيب عليك انت ترضى احد يقول فيني هالكلام

فيصل حب يعصبها / احلمي احد يسمع صوتك ويقول هالكلام افلقيني ان صار وش جاب صوت العصافيرعند صوت الغربان

الجوهره عصبت / على تبن فصول


يتبع

في المستشفى


دخل عبد الرحمن المستشفى شاف من بعيد خالد جالس على كرسي وباين عليه الارهاق والتعب

عبدالرحمن / وش صار لاختك

خالد / كنا باجتماع عصبت على شخص موجوده وهزئته وطردته برا وبعدها انهارت وجبناها هنا

عبدالرحمن / منهو وش سو لها

خالد / مدري مامداه يجلس الا ثارت فيه

عبد الرحمن/ وينك عن جوالك ندق عليك ماترد

خالد / السموحه يالغالي من الخوف نسيته بالمكتب


عبد الرحمن / ارجع للبيت وطمن امك وانا ببقى عند هند لين تفيق بفهم منها مو معقوله شي بسيط يخليها تنهار اعرف هند قويه ما تنهار بسهوله


خالد/ انا طالع البيت لاني تعبان طلع خالد من المستشفى وعبد الرحمن دخل غرفة هند وهو يشوف دموعها الي ماجفت واضح عليها التعب من زمان ماشاف دموعها اخر مره شافها يوم وفاة امها قرب منها ومسح دموعها بيده واخذ الكرسي وقربه من سريرها وجلس ينتظرها تصحى بيعرف سبب انهيارها




في بيت ابو نواف

جاء نواف من المستشفى ولقى امه ونجلاء بالصاله

نواف / حيالله من جانا وش هالمفاجئة الحلوه

نجلاء / احسن منك الي من تزوجت مازرتني

نواف / طالعو الجاحده وامس من عنده

نجلاء / امس عند بسام بالاستراحه

رن جوال نجلاء المتصل بسام عند الباب

نجلاء / نواف بسام عند الباب افتح له لانه بيتغداء هنا

نواف / حياه الله تراني ميت جوع الغداء جاهز

نجلا / ايه ثواني وحطه

راح نواف يفتح الباب لبسام سلم عليه

نواف / الله يحي ابو نسب

بسام / الله يحيك وين الغداء تراني انتفض جوع

نواف / الله يستر لا تاكلني كل ذا فجاعه

بسام / انا جاي اتغدا مو علشان سواد عيونك

نواف / يله فارق ماعندنا غداء

بسام / انت الي فارق لو انت الي عازم كان ماجيت الله يخلي ام عيالي الي عازمتني

نواف / ام عيالك تعزمك ببيتكم

دخلو داخل وهم يسولفون دخل بسام الصاله سلم على راس عمته

بسام / كيفك ياخاله

ام نواف / بخير جعلك بخير

بسام يطالع بنواف بيستفزه / خاله نواف طردني يقول تغد ببيتك يقول بتخلص الغدا علي

ام نواف / وش هالكلام يانواف الخير كثير

بسام يطالع في نواف ويرفع حواجبه ويحررره

نواف / معليه بساموه مردوده لك



في بيت عبدالرحمن


دخل خالد لقى امه وغاده جالسات على نار بسبب تاخرهم وخافن يوم شافن خالد جاي لحاله بدون هند وعبد الرحمن ما جاء

نوره / خالد وين اختك وينكم عن جولاتكم

خالد / هند تعبانه بالمستشفى

غاده انهارت وصارت تبكي لما سمعت ان هند تعبانه

غاده وهي تبكي / والي يعافيك بروح اشوف ماماتي


خالد يهديها / يا غاده يا حبيبتي هند نايمه وبوي عندها لو رحتي بتكون نايمه محتاجه راحه وعد ان صحت لودك تزورينها بس هدي وقرب منه مسح دموعها وهي جاها انهيار عصبي لو تدري عنك وتدري انك بكيتي بتنهار زود


نوره بخوف / يويلي على بنتي من وين جاها الانهيارالعصبي اليوم ماهي عاجبتني شنو منه الانهيار العصبي

خالد / قال لهم كل السالفه

نوره بستغراب / من هذا الي سبب انهيار هند

خالد ماحب يقول شكوكه / مدري هند هي الي تجاوبكم على هالسؤال انا تعبان بنام

طلع غرفته اخذ شور وبدل ملابسه ونام

نوره جالسه تسكت بغاده الي ذبحت نفسها بالبكاء

نوره / غاده حبيبتي يكفي بكاء قطعتي قلبي ان شاء الله اليوم تطلع

غاده تبكي / خالتو هذي ماماتي لو صار لها شي بستخف


نوره بحنان / بسم الله عليك وعليها وش هالكلام روحي غسلي وجهك وكلي لك شي انت من جيتي من الجامعه نمتي على طول ماكلتي شي


غاده / خالتو مالي نفس بروح الغرفه


دخلت غاده الغرفه وهي منهاره من البكي مابقى من اهلها الا هند هي امها الي ربتها وقدمتها على نفسها بوجودها ماحتاجت لا للاب الغايب ولا للام المتوفيه هي عوضتها عنهم كلهم هي امها الي ماترضى تنادياها الا بماما على صغر عمر هند الا انها قالت لها كلمة ماما وهي حاسه انها امها وجودها بحياتها يغنيها عن الكل


انسدحت على سرير هند وضمت مخدتها وهي تبكي

غاده / اللة يرجعك لي بسلامه ماماتي



في بيت ابو بسام


قامت غاده من نومها ودخلت لقت امها بالمطبخ وبوها طالع برا البيت

غاده / يمه متى جيتي اليوم من عند خالتي ام خالد

ام بسام / عزمتني على الغداء وتغديت عندها وبعده جيت انتي الي وش اخبارك مع هند وين رحتو وين جيتو

غاده بحزن / اليوم يوم شئوم

ام بسام / اش هالكلام

غاده / قالت لامها كل الي صار لهند بس اخفت عنها ان يمكن يكون الرجال راشد

ام بسام بحزن / يقلبي عليك ياهند تحملتي هموم اكبر من عمرك الله يقومك بسلامه ويخليها لاختها لازم اكلم نوره اكيد الحين متاثره من الي صار اعرف غلاها عند نوره وعبدالرحمن تلاقين بيتهم منقلب حزن

غاده / الافضل انك تروحين لهم افضل من المكالمه خالتي بحاجتك وانتي اذا رحتي بروح معك بوقف مع غاده اعرف تعلقها بهند

ام بسام / ان شاء الله بعد المغرب بروح لها مابقى عنه الا ساعه

غاده / اجل بروح اتجهز من الحين علشان ماخرك





في بيت راشد


في غرفة جاسم يغلي من القهر واصل حده من هند شلون تطاولت عليه وتجرأت ورمت الملف بوجهه

جاسم وهو يتكلم بنفسه / اه يالقهر حرمه تطاول عليك ياجاسم وترمي الاوراق بوجهك مايتجرا يسويها الرياجيل تسويها هالحقيره والله لا رد كرامتي

مردوده ياهند ولا انا شايفتني بزر ولا يشرفك انك تعرفيني انا الي البنات يرمن انفسهن علي ينتظرن مني نظره وانتي تقولين عني الوث المكان الي ادخله لكن بنت الذينا عليها صوت يدوخ حتى وهي معصبه صوتها عذاب لا وشخصيتها تخوف بس مو عليك يا جاسم وش فيك يا جاسم جالس تتغزل بعجوز كبر امك


خلني بس اطلع اروح لامي اشوف فيصل ليصير بعقلي شي من القهر ودي القى احد اشكي له ماعندي الا فيصل يمكن القى عنده فكره تساعدني اني انتقم منها

طلع من بيت راشد متوجه لبيت امه مشتاق لفيصل





بيت عبد الرحمن

دق الجرس افتحت الشغاله كانت ام بسام وبنتها غاده
دخلو بصاله شافو الحزن بعيون نوره
سلمت غاده على نوره

غاده / خالتي وينها غاده

نوره / من اليوم حابسه نفسها بغرفة هند ماذاقت اكل ذبحت عمرها بصياح حاولي فيها وانا امك يمكن اطيعك وتاكل تعرفين علاقتها بهند

غاده / ان شاء الله مالك الا طيبت الخاطر

نوره / الله يبارك فيك

دخلت غاده غرفة هند وشافت الغرفه ظلام وتسمع بكاء غاده على طول ولعت الانوار

غاده بصوت باكي / خلي النور طافي ياغاده

غاده بعصبيه / ماهو على كيفك الي تسوينه بعمرك جالسه تبكين وحابسه عمرك وصايمه عن الاكل مايسوى كل الي تسوينه بعمرك

غاده / هذي ماماتي

غاده/ اذا هي ماماتك هي صديقتي وختي ربينا مع بعض ماسويت سواتك انا كنت مع هند لما صار لها الي صار والدكتور يقول الليله بتنام بالبيت

غاده / صحيح الكلام ياغاده


غاده / ايه لو تجي الحين هند وتشوفك بالشكل هذا بتعصب عليك وتزعل علشان خاطري وخاطر خالتك المسكينه الي تترجاني علشان اقنعك تاكلين تعالي معي تعشي


غاده بستسلام / حاضر

طلعو لصاله وقالت غاده / خالتي وين العشاء غدويه جوعانه


نوره بفرح / الحين يكون جاخز الله يرضى عليك مثل مافرحتيني

جهز العشاء وتعشت غاده معهم وبعد العشاء نوره وام بسام جلسو بالصاله وغاده وغاده جلسو بغرفة هند


ام بسام / الحمدلله على سلامة هند مايسوى كل هالحزن


نوره بخوف / خايفه عليها يام بسام هند تكتم بصدرها ماتشكي وهذا الذي مخوفني عليها عبدالرحمن زرع القوه فيها وصارت تتظاهر بالقوه قدامنا علشان مانحاتيها


ام بسام / انتي ماقصرتي معها يانوره عملتيها كانها بنتك


نوره بحزن / اليوم الصباح اول مره تجيني تشكي وتقول انها خايفه والله يام بسام يوم حطيت يدي على قلبها دقاته سريعه خايفه مارتاحت الا لما قربت عليها كانها حاسه بشي بيجيها وتبي اني احميها وجلست نوره تبكي


ام بسام / تعوذي من ابليس انتي القويه تقولين هالكلام


نوره / استغفر الله العظيم قلت لها ماتروح الشركه لكن ماطاعتني

ام بسام / هذا مقدر ومكتوب





بيت ام جاسم


وصل جاسم البيت وفتحه بمفتاحه ودخل لقى امه والجوهره وفيصل جالسين على قهوة المغرب

جاسم / السلام

الكل / وعليكم السلام

جاسم باس امه على راسها قام فيصل يسلم على اخوه جاسم من زمان عنه وهم مثل التوئم

ام جاسم / كيفها خالتك وعمك

جاسم / معليهم طيبين انتي الي كيفك يالغاليه

ام جاسم بقهر / بخير خالتك مالها نيه تزور امها المسكينه الي كل مارحت ازورها تسال عنها

جاسم / من متى خالتي يهمها احد ماهمها الا نفسها


ام جاسم بحزن / هذي امها جنتها ونارها احنا مانبي منها شيئ امي تعور قلبي اذا سئلت عنها وانا اتحجج باعذار ماتقنع البزر لولا الله ثم انت كان ضاعن العجائز مايبن يتركن الديره وانا اتطلبهن ابي اخذهن لكنهن متمسكات بالديره


جاسم / الله يعين يعورني قلبي عليهن بس انا موصي عليهن مطلق والممرضه عندها رقم جوالي لو وحده منهن تعبت تتصل فيني اجيهن بسرعه كل يوم اتصل عليهن والحمدلله بخير


ام جاسم بحب / الله يفتحها بوجهك وانا امك والله لو تسمعهن وهن يدعن لك من قلب

فيصل / يمه وش رايك بكره الفجركلنا نسافر لديره

ام جاسم / تسوي خير وانا امك


الجوهره / حتى عمي مطنش امه ولا فكر يسال عنها مايرسل لها ريال واحد وخالتي مغرقها بفلوسه ولا تشوف

دق جوال الجوهره سكتو ينتظرونها ترد كان المتصل غاده

الجوهره / الو

غاده وهي تبكي / الو الجوهره

الجوهره خافت من صوت غاده / غاده انتي تبكين

فيصل قاط اذنه لما سمع اسم غاده

غاده بصوت باكي / حاسه اني مخنوقه

الجوهره / خير اليوم كنتي طبيعيه صار شي مدري عنه

غاده بحزن / ماماتي تعبانه فيها انهيار
عصبي

الجوهره / شو انهيار عصبي وش السبب

غاده / قالت للجوهره سبب انهيار هند

الجوهره / ماعرفتو من هذا الرجال الي سبب انهيارها وش مسوي لها علشان تنهار

غاده / ماماتي قويه شي قوي الي خلاها تنهار

الجوهره / وسعي صدرك ان شاء الله بخير

غاده / بتنام اليوم بالمستشفى انا ماقدر انام وهي ماهي نايمه جنبي

الجوهره / بكره الخميس زين مافيه دومات

غاده / بحاول مع خالد يخليني اروح وانام عندها الليله

الجوهره / هي تحتاج لراحه وبكره زوريها

غاده بصوت باكي / والله ماقدر يالجوهره انتي ماتدرين اش كثر انا متعلقه فيها هي امي واختي وابوي واهلي كلهم

الجوهره متاثره / الله يخليها لك

غاده / امين اسفه اني ضايقتك

الجوهره بزعل / اش هالكلام كم مره اقول انتي اختي مو صديقتي

غاده / تسلمين يله فمان الله

الجوهره / فمان الله

فيصل / وش صاير ببنت الفهد وش الي يبكيها الدلوعه


الجوهره بعصبيه / فصول يا تتكلم زين ياتسكت البنت منهاره لان امها تعبانه

فيصل / وش فيها هند الفهد

جاسم شد انتباهه الاسم

جاسم بشك / هند صاحبة شركات الفهد

الجوهره / ايه والي كلمتني بنتها

جاسم وهو منقهر من هند بس ذبحه الفضول يعرف وش فيها

جاسم / وش صار لها

الجوهره / فيها انهيارعصبي

جاسم مستغرب / انهيار عصبي وش السبب

الجوهره بحزن / قالت كل الي قالته لها غاده


جاسم انصدم يقول بنفسه / غريبه ان هالانسانه القويه المرعبة ممكن تنهار بسبب الاجتماع اكيد فيه شي قوي سبب انهيارها وكيد لعمي راشد علاقه كان كل كلامها موجهته له


معقوله يكون قد تزوجها وغاده هذي بنته وسرق فلوسها وجحدها هذا اقرب شي للكلام الي قالته انه حرامي وكلمتها القاتل ينسى لكن المقتول ماينسى اكيد وعمي اليوم يوم يقول خسرت كثير خلها بالقلب تجرح ولا تطلع تفضح ودمعته اكيد فيه سر لازم اعرفه


جاسم / فيصل ابيك بكلمة راس

الجوهره / قولها قدامنا

جاسم / الجوهره بلا لقافه ياله فيصل

فيصل / لقطي وجهك ياشين القافه

الجوهره / على تبن فيصلوه

طلع فيصل لغرفته ومعه جاسم

فيصل / خير ياخوي من دخلت وانا حاسك متضايق

جاسم / ايه ماعندي احد اقوله وافتح له قلبي غيرك

فيصل بقلق / قول اسمعك ياخوي

جاسم / شفت هند الفهد

فيصل / وش علاقتها

جاسم / لاتقطعني خلني اكمل

فيصل بحماس / كمل ياخوك

جاسم / الي صار لهند الفهد والانهيار الي صابها بسبتنا

فيصل مستغرب / كيف فهمني الله يخليك

جاسم / عمي قال لي انه يبي ياخذ سلفيه من شركتها علشان يبني شركته من جديد

فيصل / ايه


جاسم / من يوم جلست على الكرسي وعيونها مانزلت من على عمي وطلبت منا اثبات ان عند عمي شركه خسرانه وقدمنا لها الاوراق اول ماشفت اسم عمي بالاوراق ثارت علينا وحكى له كل الي صار ورميها للاوراق بوجهه


فيصل باستفهام / غريبه تصرفها معكم الكل يمدح تعاملها وانا متساهله كثر بتوفير السلفيات فيه سبب وسبب كبير مايقدر يجاوبك عليه الا عمك

جاسم / عمي يستنكر تصرفها معه وانه مايعرفها لكن الي صار يثبت ان عمي جارحها وجرحها قوي يمكن تكون زوجته وغاده بنته سارقها وجاحدها


فيصل / ماتوقع ان غاده بنت عمي لانه عمره ماقال عنده بنات ولا تنسى ان عمك عقيم


جاسم / صحيح نسيت سالفت عقم عمي اجل وش السالفه كلمتها القاتل ينسى لكن المقتول ماينسى


فيصل / علمي علمك بس شي يحط العقل بالكف هند الفهد مضرب القوه الي بسوق ماينادونها عنها الا المره الحديديه تنهار من شوفت عمك وربي شوقتني اعرف السبب


جاسم بقهر / اجل انا وش اقول انا تطاولت علي ورمتني بالملف بوجهي شلون تجرأت


فيصل / ههههههههههههه ادفع نص عمري واشوفك وجهك وهي راميه الاوراق بوجهك


جاسم / كل تبن يالخايس الشرهه على الي قالك بصراحه انفجعت ماتوقعت تسويها بس بنت الكلب عليها شخصية قويه وتخوف وعليها صوت يدوخ ماكانها عجوز


فيصل / اجل بنتها طالعه لها عليها صوت يذوب ماودك انها تسكت


جاسم مستغرب/ من وين عرفت بنتها


فيصل / اليوم موصلها لبيتها مع اختك تاخرت عليها امها الي بغيت انت وعمك تذبحونها


جاسم / كنت حاقد عليها لكن بديت ارحمها وتكسر خاطري


فيصل بمزح / يمكن تصير محبه بعد عداويه


جاسم بسخريه / ناوي اطيح حظي وتزوجني عجوز كبر امك


فيصل / فلوسها تصغرها وتجملها


جاسم بعصبيه / فيصلووووه متى كان وهذا تفكيرنا ونطمع بالي بيد غيرنا وين قناعتنا والحمدلله عندنا خير ليه نضيق عيونا ونشوف الي عند الغير


فيصل / بسم الله علي اكلتني تعرف اني امزح معك احتقر الي يتزوج طمعان انا عندي اخت مرضى عليها وكيد مارضى على غيرها


جاسم / طيب حبيت اذكرك بالي تربينا عليه مابيك تصير نسخه من خالتي موضي الكل صاير يكرهها ويتحاشاها لانها صايره ماديه


فيصل / فكنا من خالتك الي مافيه خير لامه مافيه خير لاحد وهذي خالتك موضي

جاسم / الله يهديها و يصبر عمك عليها

فيصل / الحب اعمى

جاسم / لا والله فيه سر وراء مطواعيت عمك لها بس مصير الايام تكشفهم

فيصل / اموت واعرف كيف متحملهم انا زياره ولا اقدر اطول شغلات اشوفها تبط الكبد


جاسم / عمي كاسر ظهري كبر بالعمر ماعنده ولد يلبي طلباته محتاج وجودي بالبيت لاصار له شي لاسمح الله تعرف راعي سكر وضغط


فيصل / الله يجزيك على قد نيتك ياخوي خلنا ننزل تحت عند امي والجوهره تلاقيهن محترقات الا يعرفن وش نقول وخص نص الجوهره


جاسم / ههههههههههه يحبي لها جوهرتنا مسوية جو بالبيت


طلعو من غرفة فيصل نزلو وكملو السوالف تعشى عندهم وبعدها طلع لبيت عمه كل واحد دخل غرفته علشان ينام



يتبع

بالمستشقى


طول وقته جالس يتاملها و الحزن مرسوم بوجهها يدفع عمره كله ويعرف وش سبب انهيار حبيبته

فتحت عيونها عرفت انها بالمستشفى من المغذي الي بيدها التفتت حوليها شافت خالها


عبد الرحمن بحب / الحمدلله على سلامتك يالغاليه


هند بحزن / الله يسلمك ليش انا هنا


عبد الرحمن / تعبتي شوي وجابك خالد وغاده للمستشفى


تذكرت كل الي صار بالاجتماع وانهيارها بسبب شوفت راشد تتمنى كل الي صار حلم دمعت عيونها وبكت على الصامت


عبدالرحمن بحزن والم / ياعيون خالك وش الشي الكبير الي يخليك تبكين من زمان ماشفت دموعك الي تذبحني


هند بصوت ضعيف / سلامتك يا خالي جعله بعدوينك ان شاء الله


عبدالرحمن / لو لخالك قدر عندك تقول وش سبب انهيارك انا متاكد انه شي كبير اعرف بنتي ما تنهار الا من سبب قوي ياليت وانا خالك تقولين


هند بصوت حزين وباصرار / فديتك خالي لا تضعط علي وعد اقولك من متى اخبي عنك شي انت الصدر الي الجا له اذا تضايقت


عبدالرحمن بستسلام / بسكت عنك الحين لكن وعد تقولين لي وش الي مسبب انهيارك


هند / وعد خالي اتركني على راحتي الا متى اطلع من هنا بروح البيت


عبدالرحمن / بطلب من الدكتور يكتب لك خروج وتطلعين معي نرجع للبيت جهزي نفسك لين اجي


طلع من عندها ودخل عند الدكتور كتب لها خروج بعدها طلعو من المستشفى وركبو السياره


عبدالرحمن بحب / بنمر مطعم نتعشاء

هند بحزن / خالي مالي نفس

عبدالرحمن باصرار/ مو على كيف انا حتى الغداء ما تغديت ارتجف من الجوع

هند بحب / ماعاش الجوع ياخالي امرك نمر مطعم ونتعشى

مرو مطعم ودخلو داخل تعشو وهم يسولفون اغلبها بخصوص الشغل بعد ماخلصو من العشاء طلعو من المطعم بطريقهم للبيت كانت سانده راسها على الكرسي وخالها مركز بسواقته لين وصلو البيت


في بيت عبدالرحمن

دخل عبدالرحمن البيت كان كئيب كانت وراه اول مادخل الصاله لقاهم متجمعين اول ماشافو ها ركض لها خالد ومحمد


خالد بحب / الحمدلله على سلامتك يالغاليه

محمد بحب / الحمدلله على سلامتك خوفتيني عليك

هند / الله يسلمكم والشر مايجيكم الا وينها خالتي وغاده

خالد / غاده بغرفتك وامي بغرفتها

هند / اجل بطلع لخالتي اطمنها علي وبعدين بنزل لغاده

طلعت هند فوق طقت على باب غرفة نوره

نوره / ادخل يالي اطق الباب

هند بحب / انا جيت يالغاليه حبيتك ماتنامين قبل لا تطمنين علي

نوره ضمتها بحنان / الحمدلله على سلامتك يمه الله يطمنك والله فرحتيني بشوفتك والنوم كان مجافيني وانتي منتي بالبيت

هند بحب / تسلمين يالغاليه الله يعطيك طولت العمر

نوره بحنان / يله وانا امك روحي لغرفتك نامي وريحي عمرك من التفكير ولا تكتمين بعمرك

هند / تامرين يالغاليه ياله تصبحين على خير


نزلت هند و دخلت غرفتها شافت غاده سرحانه وحزينه

هند بحب / حبيبت امها من ماخذ عقلها

غاده فزت لما سمعت صوت هند

غاده بحزن والم / ماماتي انتي هنا

هند / وش تشوفين

ركضت لها غاده وضمتها وهي تبكي

غاده بحزن / ماماتي خوفتيني عليك

هند تبوسها على وجهها وتمسح دموعها / حبيبيتي ليش البكاء تبين تزعليني منك

غاده / لا كله ولا زعلك ماماتي

هند / باخذ شور وببدل وبنام

دخلت هند الحمام اخذ شور و بدلت لبست بجامه ودخلت سريرها ونامت جنب غاده الي ضمتها بقوه خايفه تفقدها وهند حست فيها وشدة ضمتها لها وهي تمسح على شعرها لين نامت وهي من التعب نامت


في بيت ام جاسم


صحت ام جاسم على اذان الفجر دخلت غرفت فيصل تصحيه لصلاه لقته صاحي يلبس

ام جاسم / صباح الخير

فيصل / صباح النور

ام جاسم / شكلك مواصل مانمت من البارح

فيصل / لا يالغاليه نايم وقلت اقوم اشيك على سيارتي وجهز اغرضي ولا نسيتي ا ن ورانا سفره لديره

ام جاسم / لا مانسيت وانا امك تعرف انبسط لسافرنا مع بعض عند جداتك اكيد بيفرحن بشوفتنا لكم مدة مازرتوهن

فيصل / الله يهديك الاجازه الي فاتت جلسنا طول الاجازه هناك تقول باريس كل اجازه مصيفين فيها

ام جاسم / وش جاب باريس لديرتنا اكيد الديره احسن

فيصل بمزح / هههههههههههه قال ايش الديره احسن من باريس يكفي باريس بالبنات الشقر مو الديره ماشوف الا غنم جدتي

ام جاسم بعصبيه / يقلل الحياء وش تبي بالبنات اذا تبي تشوف البنات قولي وانا اخطب لك وش لك بالحرام والله ان غنم جدتك احلى من بنات باريس

فيصل بيمتص عصبية امه / ههههههههههه امزح معك يالغاليه اكيد غنم جدتي احلى من كل بنات العالم مو باريس وبس

ام جاسم / ايه كذا الكلام السنع ياله روح صل لا تتاخر ودنا نمشي بالبراد علشان بعد الظهر عندهم

فيصل / ان شاء الله

طلعت من غرفت فيصل دخلت غرفة الجوهره

لقتها صاحيه ترتب شنطتها

ام جاسم / صباح الخير

الجوهره / صباح النور

ام جاسم بستغراب / كل ها لشنطه على روحت يومين

الجوهره / تعرفيني يالغاليه كل شي اخذه حتى اكلاتتي الخاصة لزوم السهرة تعرفين ما عندهم سوبرماركات و احب تكون كل اغرضي بشنطه وحده

ام جاسم / الي يشوف الاكل الي تاخذينه يقول رايحين مقطعه

الجوهره / وحنا رايحين مقطعه ان بغينا شي لازم نطق مشوار ساعه نشتري الي نبي خليني اوفر المشاوير وجيب اغراضي معي

ام جاسم بحب / هذا الي محلي الديره الواحد يبي يبعد عن الازعاج وهناك المكان هادي لازعاج سيارات ولا دوشت عمال

الجوهره / وانا اقول نفس كلامك

ام جاسم / ياله صلي وانا بنزل اقول لشغاله تجهز الفطور وبناخذ معنا بعض الاغراض الي يمكن ناقصة جداتك انا المره هذي بحاول بجداتك يجن معي يجلسن اسبوع والاربعاء الجاي يرجعهن جاسم لدير

الجوهره / ياليت يرضن يمه وربي البيت يحلى اذا جن

ام جاسم / الا بيرضن خالتي متشوقه على شوفة راشد وامي متشوقه على شوفة موضي على انهم مايستاهلون من يتعنى ويزورهم وياليت ان جن لقن مقابل زين الله يهديهم

الجوهره / يويلهم من ربي يمكن ذنب ربي عليهم انه حرمهم من العيال

ام جاسم / ليتهم يدرون ويغيرون معاملتهم ويبرون بامهاتهم لكن كل واحد مشغل نفسه بتفاهات وناسين جنتهم ونارهم ياله كملي شغلك وانا بكمل شغلي

نزلت ام جاسم تشرف على الشغاله الي جهزت الفطور
حطت الفطور بالصاله على دخلت فيصل

نزلت الجوهره اغراضها واغراض امها وجلست جنب فيصل افطرو بعد الفطور ركبو السياره متجهين لديره الي تبعد عن الرياض ثلاث ساعات


في بيت عبدالرحمن
في غرفة خالد


طول ليله يفكر بحبيته غاده وشوفتها الي طيرت النوم من عينه يتمنى اليوم قبل بكره يخطبها لكنه خايف من رده فعلها وخايف يكون الرفض وهنا بيتحطم حبه البري الي مستمر من الطفوله

خالد وهو منسدح على سريره يكلم نفسه / لازم اقول لهند عن حبي لغاده هي صديقتها تعرف اذا كانت تحب او مرتبطه انرعب من فكرة انها تكون لغيره مالي الا هند لكن هند الحين الي فيها كافيها مدري من وين طلع لنا راشد الله يكون بعونك راشد من شكله انسان طيب على قد حاله يمكن المظاهر خداعه

خلني اخذ شور وبعدها امر على هند اطلع معها مشوار اغير من نفسيتها وطلعها من جو الحزن الي هي فيه ان شاء الله تفتح قلبها لي وتشكي لي ولا تكتم بنفسها وتاكل بعمرها

دخل الحمام اخذ شور ولبس بنطلون جنز وقميص ابيض مكتوب عليه كلام بلانجليزي بالون الاسود من ماركة دكني

طلع من غرفته نزل تحت بيمر غرفة هند قبل مايطلع لصاله علشان يفطر

في غرفة نوره

نوره / عبدالرحمن قوم الفطور جاهز اليوم اجازه افطر مع العيال كلهم صاحين

عبدالرحمن / كم الساعه

نوره / تسع

عبدالرحمن / ان شاء الله

صحى عبدالرحمن من النوم وجلس متكي على سريره

عبدالرحمن / تصدقين يانوره البارح جافاني النوم

نوره بخوف / عسى خير يوجعك شي

عبدالرحمن بالم / هند وجعي يانوره اول مره اشوفها منهاره والي ذابحني اني اجهل السبب الشيطان قام يوسوس براسي وش علاقتها بالرجال الي خلاها تنهار من شوفته

نوره / تعوذ من ابليس هند مربينها ماتسوي العيبه تدري اني شاكه بشي بس بعيد عن تفكيرك وساوسك

عبدالرحمن / تكفين طمنيني الحقيني فيه راسي بينفجر من التفكير هي مواعدتني تقولي لما تكون مستعده وانا وعدتها مراح اناقشها لين تقولي من نفسها لكن مافيني صبر انتظر

نوره / الي شاكه فيه مراح يطمنك واخاف من ردت فعلك

عصب عبدالرحمن / قولي فكينا من الالغاز

نوره / انا شاكه مو اكيد وابيك توعدني تمسك اعصابك ولا تتصرف بشي لين تاكد لك هند السالفه

عبدالرحمن وصل حده / قولي خلصينا

نوره / شاكه ان الي كان بالاجتماع والي بسببه انهارت هند يكون ابوها راشد

عبد الرحمن بعصبيه / راشد وبعد كل هالسنين وجاي هند وش يبي منها اصلن راشد ماله بنات عندي والله لاذبحه لو قرب منهن انا ابوهن يانوره ابوهن راشد ماله حق عليهن اخذ روحه ولا ياخذهن من حضني

نوره / انا قلت لك شاكه ماله داعي كل الانفعال

عبدالرحمن / وانا شلون اتاكد انه راشد قولي شلون


نوره / تعوذ من ابليس لكل حادث حديث وخذ شور وانزل تحت ولا تبين شي من انفعالاتك يكفيها الي فيها واذا تبي تعرف شي عندك خالد
هو كان معها بالاجتماع

عبدالرحمن / انا سئلت خالت وهو مستغرب من ردت فعلها وانها كانت مبالغ فيها ماقول الا الله يصبرني لين تقولي

دخل عبدالرحمن الحمام ياخذ شور

طلعت من غرفتها مرت غرفة خالد مالقته عرفت انه نزل تحت
نزلت تحت تجهز الفطور مع الشغاله



غرفة هند

قامت من بدري وهي مانامت من الكوابيس بسبب شوفت راشد شوفته رجعتها للماضي الموجع الي تبي تنساه شوفته فجرت داخلها نيران الحقد والكره والانتقام ذكرتها بفقدان امها والشوق لها

التفتت جنبها شافت غاده نايمه بعمق متاكده انها مانامت بسبب حركتها الزياده غير قومتها مفزوعه من الكوابيس

دخلت الحمام اخذت شور لعل وعسى يتعدل المزاج

طلعت من الحمام لبست فستان بيتي لونه وردي فيه وردات صغيره سوت شعرها ظفيره هنديه وتاركته من قدام مفتوح وقذلتها على عيونها
اخذت معها اوراق خاصه بالشركه طلعت من غرفتها وقفلت النور ماتبي غاده تصحى

طلعت لصاله جلست على الكنب وعيونها على الاوراق تحاول تهرب من التفكير دخل عليها خالد وهي منغمسه بالاوراق باين على شكلها الهم والحزن والضيقه

خالد / صباح الخير على الحلوين

هند وعيونها بالاوراق / صباح النور

خالد / كيفك اليوم

هند / الحمدلله

خالد / شكل المزاج متعكر وش رايك نطلع تغيرين من نفسيتك

هند بضيق / مالي خلق لطلعه

خالد / مو بكيفك غصب عليك عاجبك حالك

هند بحزن / عفيه خالد خلني على راحتي

قام خالد وجلس جنبها وسكر الملف الي كانت اطالعه ورفع راسها

خالد بحب / دخيلك هنوده لا تضيقين عمرك لا تكتمين بنفسك افتحي قلبك اشكي لي وش مضايقك انا اخوك يالغاليه الي يضايقك يضايقني واضح عليك الهم والحزن والضيقه لو حاولتي تخبين على العالم كله انا كاشفك الهم الي يشيله واحد مو مثل الهم الي يشيله اثنين بيصيراخف عليك

هند / فديتك خالد متى ماحسيت اني مستعده افتح قلبي واشكي مراح اشكي لغيرك انت خالد اخوي توئمي بس انا احاول انسى

خالد / وين تنسين وانتي تحرقين بنفسك وذابحك التفكير

هند / ان شاء الله اقدر انسى

خالد / ان شاء الله

نزل عبدالرحمن ومعه نوره جلسو بالصاله

عبدالرحمن ونوره / صباح الخير

هند وخالد / صباح الخير

عبدالرحمن / كيفك اليوم هند

هند / الحمدلله

عبدالرحمن يطالع بشكل هند وهو من داخله يتوجع وهو يشوف الهم والضيقه مرسومين على وجهها عبدالرحمن في نفسه /حسبي الله عليك ياراشد كانك بتذبح البنت

نوره / هنوده وين غاده

هند / نايمه خليتها تكمل نومها امس مانامت زين

نوره / افطرتو

هند / لا ننتظركم

نوره / زين اجل بروح اجيب الفطور وبقوم محمد وعدنان

طلعت نوره فوق لقت محمد طالع من غرفته مرت على عدنان ولقته على الكمبيوتر

نزلو كلهم تحت وجلسو بالصاله حطت الشغاله الاكل على الطاوله وافطرو ورجعو لصاله

هند / خاله كلمتي بيت خالي سعود

نوره / لا انشغلت بسالفتك امس

هند / ماتدرين متى زيارة خالي بدر

نوره / لا والله علمي علمك

محمد / اليوم الزياره بعد العصر يبه بتروح معهم تزور

عبدالرحمن / من بيزوره غير سعود

محمد / خالي سعود وخالي حمد وخالي ابو فواز وعياله فهد وطلال

عبدالرحمن / اجل بيوم ثاني يكفون انت وش سويت بقضيته

محمد / ماجلها لين نسوي جاهه يمكن يتنازلون

عبدالرحمن / ان شاء اخذ عقوبته وكفايه سنتين محبوس غير الوحده الي شافها ومحدن كان يزوره

نوره / أي والله من يصدق ان هذا يصير لبدر الي يخاف الله لكن الدنيا اختبار

عبدالرحمن / الله يفرج له انا طالع بمر ابو بسام




في بيت ابو بسام


كلهم جالسين يفطرون ابو بسام وام بسام وغاده وغلا

غلا / بابا ابي اطلع زهقت من قعدت البيت من زمان ماطلعنا

ابو بسام / وين تبين تطلعين

غلا / مدري بس اهم شي اطلع

غاده / يبه اش رايك نطلع لستراحتنا ونعزم بيت عمي ابو خالد علشان هند تغير جو بعد الي صار ونعزم بسام وبيت عمي ابو نواف

ام بسام / والله فكره من زمان ماتجمعنا نطلع قبل الغداء ونرجع بكره الجمعه بعد العصر

ابو بسام / بكلمهم وبشوف قرارهم يمكن مرتبطين

غاده / تكفى يبه حاول فيهم وانا وامي بنجهز الي نحتاجه نسبقهم وهم يلحقونا الاستراحه قريبه

ابو بسام / يصير خير وانا ابوك

اتصل ابو بسام على عبدالرحمن ووافق على الطلعه يبي هند تغير جو

وتصل على ابو نواف ووافق على الطلعه لانهم من زمان ماتجمعو بيغيرون من جو الشغل شو

اتصل على ولده بسام اعتذر لان الليله زواج واحد من ربعه هو وخالد لازم يحضرونه والزواج بالشرقيه

ابو بسام قال لزوجته وغاده عن موافقتهم بالطلعه وقال بعد ساعه يكونون جاهزين




في بيت بسام


كانت نجلاء تسمع مكالمة بسام لابوه واعتذاره له

نجلاء / حبيبي ليه اعتذرت انا محتاجه لطلعه هذي

بسام / معزوم على زواج صديقي ماقدر اكنسل الزواج

نجلاء باست خده / فديتك ابي اروح لا تقول لا

بسام / بعد هالبوسه مجنون الي يقول لك لا بس عندي شرط

نجلاء / تسلم بس شنو شرطك

غمز بعينه بسام / شرطي اقوله بغرفتنا على سريرنا

حمر وجهه نجلاء / طيب مع من اروح

بسام / ياعيني على الي يغيرون السالفه مع اهلك لانهم معزومين يله نفذي شرطي ولا مافيه روحه

طلعت فوق لغرفتها ولحقها بسااااااااام و........





في بيت عبدالرحمن


جالسه هند بالصالة وخالد ونوره ومحمد وعبدالرحمن وكان بيطلع لما جاه اتصال ابو بسام بعد مقفل منه التفت عليهم

عبدالرحمن / نوره ابو بسام عازمنا لطلعة بستراحته وترى حطو في بالكم بنام هناك

هند / السموحه خالي مالي خلق لطلعه

خالد / وانا بعد ماقدر اطلع لاني معزوم على زواج بالشرقيه بروح مع بسام بنام هناك

محمد / انا فاضي ما وراي شغل بروح معكم

عندنان / وناسه بجهز الكوره

نوره / متى الطلعه

عبدالرحمن / الطلعه بعد ساعه والتفت على هند وانا ما وافقت على الطلعه الا علشانك وانا اقول بتروحين معنا ولا مالي راي عليك

هند استسلمت لخالها / الي تبيه يصير

عبدالرحمن / هذي بنتي هند الله يخليك لي ويفرج لك

الكل / امين

طلع عبدالرحمن من البيت بيشتري بعض الاغراض الخاصة بالطلعه

طلعت غاده من الغرفه لابسة بنطلون جنز وبلوزه حمرا من قوتشي وحاطه مكياج صباحي

غاده / افطرتو

نوره / صح النوم مابغيتي تقومين

غاده / وانا نمت البارح

نوره / عسى خير

غاده التفتت لهند / كله بسبب ماماتي طول الليل تقوم مفزوعه شكلها شايفه افلام مرعبه

هند بداخله منقهره من غاده فضحتها عند خالتها مراح تسلم من التحقيق

التفتت نوره على هند الي تحاول تنشغل بالاوراق تبي تبعد نفسها عن اسئلة نوره

نوره / هند تعالي ابيك بموضوع

هند تتهرب / فديتك خالتي عندي شغل بالاوراق لازم اخلصهم خلي الموضوع بعدين

نوره عرفت ان هند تتهرب منها

نوره / لاحقه على الشغل مراح اطول معك

اضطرت هند تسمع كلام نوره يمكن يكون موضوع غير

راحت نوره مع هند في غرفة الجلوس

نوره / هند الكلام الي قالته غاده صدق

نزلت هند راسها وتكلمت / غاده تبالغ

نوره بجديه / نفس الكوابيس الي كانت تجيك اول

هند بستسلام / ايه والمره هذي اقوى بكثير

نوره بحنان / وش السبب الي خلاها ترجع بعد ما نقطعت قولي لي وانا امك خالك امس مانام خايف عليك كلنا خايفين عليك

هند رفعت راسها وبحرقه والم / لاني شفت راشد كوابيسي مرتبطه براشد

نوره قربت منها وضمتها لصدرها

نوره بحنان / هو الي كان بالاجتماع والي سبب انهيارك

هند / ايه

نوره بقهر / وش يبي فيك وش ذكره فيك بعد السنين هذي

هند بحزن موجع / ماعرفني وجاي يبي سلفيه لشركته المنهاره شركت امي الي سرقها

نوره انصدمت ماتدري وش تقول واضح على هند التاثر وخانقتها العبره

نوره / لاحول ولا قوة الا بالله مدري وش اقول لك وانا امك روحي جهزي اغراضك ونطلع للاستراحه انسي همك مع اني عارفه اطلب منك المستحيل وكلي امرك لربي بياخذ حقك من الظالم

هند / ان شاء الله

طلعت هند لغرفتها علشان تجهز اغراضها الخاصه بطلعه

ونوره جلست مكانها متاثره كثير من حال هند

نوره في نفسها / يقلبي عليك ياهند يوم تضايقتي وخفتي وقلبك بغى يطير من ظلوعك كنتي حاسه بالمصيبه قبل لا تصير الله يطمن قلبك يمه

وقررت تكلم زوجها وطمنه ان شكوكه وساوسه مالها داعي


اتصلت نوره على عبدالرحمن وقالت تبيه بموضوع ضروري كان قريب من البيت على طول رجع طلع غرفته لحقته نوره


في غرفة نوره

دخلت نوره الغرفه وكان عبدالرحمن يستناها على احر من الجمر

نوره / عبدالرحمن الكوابيس رجعت لهند

عبدالرحمن بحزن / لاحول ولا قوة الا بالله من قالك

غاده قالتها على حسن نيه ان البارح هند ما تركتها تنام من كثر ماتفز مرعوبه

عبدالرحمن / وش السبب لرجعتها من زمان ماجتها

نوره / الي شكيت فيه طلع صح

عبدالرحمن / كيف

نوره / مسكت هند واصريت عليها لين قالت لي عن كل شي وربي حالها يصعب على الكافر


عبدالرحمن / وش قالت

نوره / راشد الي شافته بالاجتماع ماعرفها جاي يبي سلفيه من شركة هند لان شركته مفلسه شركة ساره الي سرقها

عبدالرحمن بعصبية / الخسيس النذل مكفاه الي خذه من ساره بيكمل على بنتي

نوره / ماقصرت فيه عرفته قدره وذلته بيحرم يقرب منها

عبدالرحمن / يستاهل الي يجيه لكن انا للحين ما نسيت سواياه ان شفته مراح يفكه من يديني احد ذابحه وشارب من دمه مانسيت عذاب ساره وعذاب هند كله بسبته وهو عايش مبسوط هو الي ذوقني القهر وحسسني اني عاجز ماعشت ان خليته حي

نوره / وسع صدرك ما عاش من يقهرك يالغالي ياله فكنا من راشد وبلاويه وخلنا نطلع للاستراحه ننبسط

عبدالرحمن / ان شاء الله



في بيت ابو نواف



ابو نواف وام نواف ونواف كانو يفطرون يوم اتصل عليهم عبدالرحمن

نواف / يبه عمي ابو خالد وش يبي متصل

ابو نواف / عازمنا على طلعه لستراحته

ام نواف / متى

ابو نواف / اليوم يقول بيسبقنا لها بعد ساعه وكل شي عليه

ام نواف / والله محتاجين لطلعه من زمان ماتجمعنا

نواف / مافيه مانع اعزم صديقي جاسم واهله

ابو نواف / اعزمهم يولدي ضيوفك هم ضيوفنا وبالمره اتعرف على اهل جاسم

نواف / ان شاء الله يجي مايكون مرتبط

اتصل نواف على جاسم

نواف / الو

جاسم / الله حي القاطع الي شايف نفسه علينا

نواف / انا القاطع ولا انت المهم معلينا انا عازمك والاهل على طلعة استراحة عازمنا عمي ابو بسام

جاسم / الاهل في الديره وانا ماضن بجي لو استراحتكم كان جيت

نواف / وش الفرق

جاسم / مستحي من الرجال اجيه بدون عزيمه

نواف / ليه ماني مالي عينك

جاسم / الا تملاها بس انا عند عمي صعبه اتركهم

نواف / وانا عازم عمك ومصر انك تجيبه معك وابوي يبي يتعرف عليه قول تم يشيخ

جاسم / عني انا تم بشوف راي عمي ان وافقو جبتهم معي وان ما وافقو بحاول اقنعهم يجون بكره متى الطلعه

نواف / الحين

جاسم / اجل قبل العصر عندكم

نواف / حياك الله فمان الله

جاسم / فمان الله



في بيت ابو راشد

بعد مخلص من مكالمته من نواف كان عمه وخالته جالسين يفطرون

جاسم / عمي هذا صديقي نواف يعزمنا على طلعة استراحه

راشد / متى

جاسم / اليوم

راشد / الليله معزوم على عشاء بالبر روح انت وخذ خالتك وانا بكره اجيكم

موضي / ايه ابي اطلع اشوف العالم من زمان ماطلعت

جاسم / خلاص تجهزي قبل العصر بنطلع تجهزي ترى بنام هناك

موضي / طيب



يتبع

في سيارة فيصل


في سيارة فيصل ام جاسم جالسه جنب ولدها والجوهره وراء وجنبها الشغاله

الجوهره / حبيبي فصول

فيصل / مدام فيها حبيبي اكيد بتطلبين

الجوهره / عاجبني الي فاهمني ابي كابتشينو من دربي

فيصل / اذا وصلن لمحطه نعبي با نزين بنلقاه هناك واشتري لك

الجوهره / بنطول على مانوصل محطه

فيصل / ربع ساعه

الجوهره / الله يصبرني

ام جاسم / ماله داعي توقف علشانها مابقى شي ونوصل

الجوهره / يمه ياحبيبتي مشتهية كبتشينو

فيصل / هذ قدامنا بشتري لك علشان افتك من لسانك اسئلي الي جنبك وش تبي

الجوهره / اطلب لها كبتشينو ماعرف اتفاهم معها

ام جاسم / جيبو لي معكم محدن سال يمه وش تبين الله يعوض علي

فيصل / ماعاش من ينساك يالغاليه

وصل لدربي شرى لهم وكمل طريقهم



في الاستراحه


عائلة ابو بسام اول الواصلين للاستراحه يجهزون المكان لضيوف لان الاستراحه ملكهم الاستراحه نضيفه فيها عمال مسئولين عن تنظيف الاستراحه وترتيبها

ابو بسام / جهزو القهو والشاهي والحلويات الناس على وصول

ام بسام / كل شي جاهز

غاده / طيب والغداء

ابو بسام / موصي عليه بيجيبونه على الساعه ثلاث

غاده / نجلاء بتجي

ام بسام / اخوك سافر مع خالد وهي عند اهلها اكيد بتجي معهم

غاده / الله يرجعهم بسلامه

ام بسام / اللهم امين وينها غلا ماشوفها

غاده / عند الالعاب تعرفينها مفتونه العاب

ام بسام / نادي اختك مكان الالعاب بعيد اخاف عليها

غاده / تخوف بلد ما تخاف

ام بسام / وش فيك حاطه دوبك دوب غلا احيانا احسك بزره كبر غلا من كثر ما تتمشكلين معها

غاده / ولا تزعلين يبختك يغلا بالدلع الله يعوضك يغاده منسيه من بعد مجو هالبزران وانا جالسه على الرف مدري متى يجي ابن الحلال الي يدلعني

ابو بسام / هههههههههههه وش فيك مستعجله عليه يمكن يكفخك وينسيك الدلع

غاده / يبه حرام عليك عاد يكفخني اجل هونا عن الزواج

ام بسام / احسن مافي زواج ابيك عندي

غاده / تطمني يالغاليه بتخلل عندك

ام بسام / ههههههههههههههه تخللي مراح اغير رايي روحي نادي غلا

غاده / ما من فكه من غلا حاضر



بيت عبد الرحمن

طلعو من البيت بعد ماخذو كل الي يحتاجون للاستراحه في سيارة عبد الرحمن نوره وعدنان والشغاله
في سيارة محمد هند قدام وغاده ورا والهدوء في السياره لان هند مالها خلق للكلام وغاده سانده راسه على الكرسي ونايمه




في الديره

بعد صلاة الظهر وصلت ام جاسم وفيصل مع ام جاسم مفتاح للبيت معطيها جاسم دخلت

وشافت امها وخالتها بالصاله جالسات وبين ايدينهن القهوه والشاهي ام جاسم وفيصل والجوهره باسو راس جداتهم


وجلسو فيصل جالس جنب جدته ام راشد والجوهره جنب فيصل وام جاسم جالسه جنب امها

الجده ام راشد متفاجئة / يالله حيهم والله ا ن جيتكم فرحتنا ليه ماقلتو لنا نسوي لكم غداء

ام جاسم / ياخاله احنا اهل محل وشوفتكم بالدنيا بشرن عنكم

الجده ام موضي / بخير الله يرضى عليك

الجده ام راشد / وينه جاسم ماجاء معكم

ام جاسم / مرتبط مع ربعه


الجده ام راشد / الله يوفقه ويحميه والله وعرفتي تربين مو انا وقامت تمسح دمعتها بطرف شيلتها راشد ماعرفت اربيه يوم كبرت واحتجته جحدني وزوجته بنت اختي ابيها تقربه مني ولا تفرقنا طلعت مثله وقطعت بامها الله يهديهم

ام جاسم جت عند خالتها وباست راسه الله يطول بعمرك مانكفيك ترى عيالي عيالك ياخاله

فيصل والجوهره جلسين منقهرين ويغلون من عمهم وخالتهم الي سببو بكاء جدتهم

الجده ام راشد / الله يرضى عليك دنيا واخره

ام جاسم بتغير الجو / شكلكن مطنشاتنا ماتبن تقهونا

الجده ام راشد ابتسمت وبانت تجاعيد عيونها من فتحة البرقع


الجوهره انا بقوم اجدد القهوه واجهز الفناجيل وبشرف على الغداء

فيصل / تشرفين على الغداء ولا بتاكلينه اعرفك

الكل / ههههههههههههههههههههه

قامت الجوهره ودخلت وحضرت القهوه وجلسو يتقهون ويسولفون لين جاء الغداء تغدو وبعد الغداء كلهم نامو تعبانين من مشوار السفر




في بيت ابو نواف

طلعو من البيت بعد ماخذو كل الي يحتاجونه في الاستراحه في سيارة نواف قدام نجلا وورا الشغاله

في سيارة ابو نواف معه ام نواف والاغراض رايحين للاستراحه



في بيت راشد

طلع جاسم ومعه خالته موضي بعد ماخذو الاغراض الي يحتاجونها في الاستراحه رايحين للاستراحه


في الاستراحه

الكل تجمعو بالاستراحه على الساعه ثلاث جاء الغداء بعد الغداء الشياب اخذو قيلوله ببيت الشعر والشباب سوالف وتعارف لان محمد مايعرف جاسم



عند هند

بعد العصر كل الحريم مريحات الي نايمه والي تسولف وغاده صديقتها وغاده اختها نايمات وهند مالها خلق لمقابل الحريم اخذت اوراق شغلها لانها ضروري تخلصهم

طلعت برا عند حديقة الورد الي بجهة الحريم قريبه من جهة الرجال وفيه ورود من بين الابيض والوردي والاحمر المكان خيال

كانت لابسه تيور من الشيفون ابيض في ابيض وشعرها تاركه مفتوح على طبيعته وبدون مكياج وجماله يبهر العين حست بصداع اتصلت على اخوها محمد سمعت صوته

محمد / الو

هند بتعب / محمد انت موجود بالاستراحه ولا طالع برا

محمد / موجود تبين شي يالغاليه

هند بتعب/ ايه راسي بينفجر عندك بندول انا برى بحديقة الزهور جالسه هناك

محمد / ماعندي بسال الشباب الي عندي يمكن عندهم اذا مالقيت ولايهمك اروح خصيصي علشانك كم هند عندنا وانا جايك الحين


هند / تسلم يله مع السلامه

محمد / التفت على نواف وجاسم عندكم بندول

جاسم / انا عندي ماستغني عنه انتظر لحظه بجيبه من السياره

طلع جاسم لسيارته ومحمد طلع يشوف اخته و يتطمن عليها اليوم ما عجبته

وصل عندها كانت جالسه على بساط فارشته على الارض و الاوراق متناثره حوليها وهي جالسه شعرها متناثر على ظهرها من طوله جزء منه طايح على الزرع



عند جاسم

دخل بيت الشعر لقى نواف نايم ومحمد ما لقاه
طلع من بيت الشعر يدور على محمد وفجئة اصدمه المنظر الي يشوفه

شاف هند وصعق من جمالها اول مره بحياته يمر عليه جمال بهذا الشكل شكلها هز جاسم هز ماقدر يمنع نفسه من التهامها بنظراته

جاسم بنفسه / يويل قلبك يا جاسم انا وش جابني هنا ياربي هذي انسيه ولا ملاك سبحان من خلقها كامله والكامل وجه الله ولا شعرها ذبح قلبي .



عند هند


محمد / كيفك الحين

هند / الحمدلله وين البندول

محمد / الحين بجيبه

قطف محمد ورده بيضاء وحطها في شعرها

هند قامت وضمته / تسلم حبيبي

كل الي صار وجاسم يطالعهم

جاسم بنفسه بحسره / يا حظك فيها يا محمد يا ليتني انا الورده الي حطيتها بشعرها
وش صار فيك يا جاسم منت بقادر تغض نظرك الحرمه متزوجه وانت تبحلق فيها

انتبه على نفسه وخاف ان محمد يشوفه

راجع للمجلس عند نواف وعقله عندها وقلبه تعلق فيها

جاسم في نفسه / اعوذ بالله من الشيطان الرجيم وش فيني من شفتها وانا ماني صاحي حرام افكر فيها البنت متزوجه انا ما رضاه على زوجتي لو اني متزوج برضاه على زوجات الناس يا رب اغفر لي وسامحني

محمد يكلم جاسم يساله عن البندول وجاسم بعالم غير العالم

نواف صرخ على جاسم / جاااااااااااااااااااااسم

فز جاسم متروع / خير وش فيك تصارخ قالو لك اصمخ

نواف / الرجال له ساعه يكلمك وانت ماترد عليه الي ماخذ عقلك يتهنى به

جاسم بنفسه / لو يدرى منو ماخذ عقلي كان ذبحني

جاسم / خير محمد كنت تكلمني

محمد / ايه وينه البندول

مد جاسم البندول ويده تنتفض من اثر صدمته بشوفت هند



يتبع

عند هند


منغمسه في دراسة الاوراق قطع عليها محمد وهو يمد عليها البندول

هند بحب / تسلم يالغالي تعبتك معي

محمد / الله يسلمك كم هند عندنا توصين على شي راجع لرجال مابي اطول عليهم

هند / سلامتك


تركها محمد و جتها غاده صديقتها


غاده / هنوده انتي هنا وانا لفيت الدنيا ادور عليك

هند / حبيت اطلع من جو النوم الي داخل قلت اخلص بعض الاوراق المهمه

غاده بحب / حتى الشغل جايبته هنا ارحمي حالك ولبدنك عليك حق

هند / شسوي الشغل بدمي مالقى راحتي الا بالشغل

غاده / مليت من سوالف الحريم وهذي الي اسمها موضي مابلعتها رافعه خشمها مدري على شنو

هند / مسرع محكمتي عليها ما يمدي حتى سوالف ماسولفنا معها انشغلنا بالغداء

غاده / عندي فراسه بالناس

هند / يعيني يام فراسه اقول غاده وينها

غاده / اختك هذي ما تشبع نوم عجزت اصحيها مو راضيه تقوم الله يصبرك على تقويمها

هند / بسم الله عليها لا تنحتينها اعرف عينك والقبر

غاده / ولا يهم اروح اتفل عليها علشان ما تصيبها عيني

هند / ههههههههه علشان تذبحك غاده تتقرف من بدون شي




في بيت الشعر


صحى عبدالرحمن من النوم كان تعبان امس ما نام عدل وطول بالنومه التفت حوله مالقاهم استغرب طلع من بيت الشعر لقاهم باسطين برا الكل جالس


عبدالرحمن / السلام

الكل / وعليكم السلام

عبدالرحمن / ليه ماصحيتوني من النوم

ابو بسام / واضح عليك التعب قلنا نخليك ترتاح

عبدالرحمن / وش ينومني اليلة

ابو نواف / معليك بنسهر الليله التفت على جاسم / الا وين اهلك

جاسم / الله يطول بعمرك اخوي واهلي رايحين الديره وانا جاي مع خالتي زوجة عمي وعمي معزوم بالبر يمكن يجي بكره

ابو نواف / ودي اتعرف عليهم انت لحية غانمه

جاسم / تسلم ياعم

ابو نواف يمزح مع جاسم / لو عندي بنت زوجتك اياه

جاسم / تسلم ياعم نسبك ينشرى

نواف / ابوي فتح سيرة الزواج الحين بيستلمنا واحد واحد

ابو نواف بجديه / وانتم ليه ما تتزوجون كل واحد مكون نفسه وش تنتظرون قولو لي

نواف يبتسم بوجه ابوه / مو انا قايل لكم ياطويل العمر انا الموضوع قاعد ادرسه وقريب اقولك اخطب لي

ابو نواف بفرح / الساعه المباركه وانا ابوك

ابو نواف / وانت يا محمد ما شاء الله مكون نفسك وش تنتظر

محمد / تو الناس ياعم قبلي خالد وانا ما تزوج قبل الكبير والي بتزوجها ما لقيتها للحين


جاسم فرح وبنفسه يقول / ماهو متزوج ولا خاطب اجل الي كانت معه منه الحمد لله انها ماهي زوجته اكيد اخته الحين ارتحت وش فيك يا جاسم وش عليك منها تزوجت ولا لا الله يستر لا يكون حبيتها ابتسم صورتها مو راضيه تنمسح من راسي


نواف يصرخ / جااااااااااااسم وش فيك اليوم مسبه منت مع العالم ابوي يسالك ليه للحين ما تزوجت

جاسم / يا عم مضرب عن الزواج

ابو نواف / وش له الاضراب

جاسم / شاري راحتي يا عم اغلب الحريم حنه وطلبات تكسر الظهر ولا ترحم الزوج

ابو نواف / مو كلهن مثل اصابيع يدك ماهن سواء

جاسم / اخاف حظي يرميني في وحده من النوعيه الي اخاف منها

ابو نواف / الله يرزقك بالي تعجبك

جاسم لما سمع الدعوه ظهرت صورة هند قدام عيونه

جاسم / امين

محمد يكلم ابوه

محمد / يبه انا طالع توصي على شي

عبدالرحمن / وين وانا ابوك

محمد / موعد زيارتنا لخالي بدر

عبد الرحمن / الله يبارك فيك وانا ابوك سلم عليه

محمد / يوصل يالغالي ياله استاذن



في قسم الحريم

ام بسام ونوره و ام نواف و موضي جالسات يسولفن والبنات جالسات على حنب يسولفن

ام بسام / شرفتينا ياموضي بزيارتك

موضي / تسلمين

ام نواف / انا ولدي نواف صديق جاسم الا جاسم ماله نيه يرجع لطب حرام يترك وظيفته وهو كان الكل يشهد بشطارته

موضي / من بعد الحادثه الي صارت له بالمستشفى وهو كاره الطب ولا يحبنا اناقشه بالموضوع

نوره / شنهي الحادثه

موضي / سو عمليه لولد عمره 5 سنوات ومات بين ايدينه وهي اول عمليه يسويها تفشل وحط سبب وفاة الولد عليه جلس فتره متاثر وحالته ما يعلم فيها الا الله لكن الحين الحمد لله

ام بسام / الحياه والموت بيد الله الاطباء اسباب

نوره / والنعم بالله

ام نواف / الله يوفقه ويرجعه لعقله والله ان ولدي نواف متضايق من تركه لطب

موضي / كلنا متضايقن لكن من يسمع



عند البنات


غاده 2 / ماماتي ابي اتسبح بالبركه

غاده 1 / أي والله سميتي

غاده 2 / مدري ليش ماماتي سمتني على اسمك

غاده 1 قامت تسبل بعيونها/ ما يبيلها شطاره ياذكيه لانها تحبني وتبيك تطلعين علي لكن خساره ليس كل مايتمناه المرء يدركه

غاده 2 / بسم الله علي اشبهك كان منتحره من زمان

نجلا / ههههههههه سكتيها غدويه الله يقويك على ام السان

غاده 1 / اقول نجلوه لاتخليني افتح كرشتك وطلع ولدك فديته

هند / غدوويه مافي سباحه وبعدين وش فيكم على غاده هي صادقه مسميه غاده عليها لاني اموت فيها من صغرنا وحنا بوجيه بعض

غاده1 / فديتهم نذرن علي ان جاني ابن الحلال الي للحين ماله نيه يجي اني بسمي بنتي هند

نجلا / من كثر منتي مشفوحه على العرس خاف منك واهون عن الجيه

غاده 1 بمزح / يا معرس اظهر وبان عليك الامان

الكل / ههههههههههههههههههههههه

نجلاء / وش رايكم نشوي

غاده 1 / أي والله نبي نستمتع بشوي بقول لمي تكلم ابوي يجيب عده الشوي من عندهم



عند الرجال

الشياب جالسين برا على كل سوالفهم بالشغل والشركات و الاسهم نواف وجاسم تململو من السوالف بالشغل دخلو بيت الشعر



في بيت الشعر

نواف / جاسم وش رايك فيني وانا اخوك

جاسم / وش عندك على السؤال

نواف / الحين جاوبني

جاسم / انت صديقي من المتوسط لو مافيك خير ما صادقتك صداقتك تنشر بالغالي

نواف وهو يفرك يده من التوتر / تسلم معليك زود

جاسم / وش فيك متوتر قول الي عندك ياخوي انا اعين وعاون

نواف / لو اخطب بيرضون فيني

جاسم / يرضون وهم مغمضين بعد ويحمدون ربهم انك خاطب بنتهم

نواف / وصلنا خير انا جاسم من حبي لك ابي اربط علاقتنا بنسب

جاسم / تخطب مني في من

نواف بقهر / اخطب امك ماقول الا مالت على الغباء

جاسم / ههههههههههههههه بشاور الوالده ان رضت احد يحصل عم مثلك

نواف بعصبيه / وتبن جسوووووووم اتكلم من جدي من اليوم اتصبصب عرق وحضرتك تمزح وتضحك الزبده يشرفني اخطب اختك الي مدري وش اسمها لي زوجه

جاسم / ههههههههههه حلوه تخطب ماتعرف اسم العروس اسمها الجوهره

نواف / انا اتكلم من جدي انا اخطب اختك الجوهره وابيها زوجه لي ماني بمستعجل بالرد

جاسم فرحان بخطبت نواف لاخته لانه يتمنى من زمان ان نواف يتزوج اخته لانه يعرف اخلاقه ولولا الحياء كان اخطبه لخته

جاسم / انا عني موافق واكيد فيصل موافق لانك تعرف قدرك عندي وعنده لازم نشاور البنت والله يقدم الي فيه حيره

نواف / امين



عند الحريم


كانت هند جالسه مع موضي ونوره وام بسام اتركتهم وراحت للمطبخ تشرف على الشغالات وام نواف عند بنتها نجلاء

موضي / نوره هند بنتك

نوره / بنتي برضاعه و اعز من بناتي انا ربي مارزقني ببنات وهي بنتي

موضي / ماشاء الله عليها تشتغل

نوره / ايه تملك شركات الفهد

تطايرت عيون موضي في نفسها هذي هند الفهد الي الكل يتكلم عنها مو باين عليها شكلها صغيره بالعمر وجمال وغنى توقعتها عجوز اكبر مني الفلوس تصغر وتجمل

جت غاده عند هند وموضي مركزه عيونها عليهن

غاده / ماماتي تطلعين معنا برا بنشوي داخل كتمه برا الجو خطير

هند / بطلع بعد شوي انتبهي على نفسك وانا امك

استغربت موضي ان هند لها بنت بالعمر كانهم خوات

موضي / هذي بنتك ياهند

هند / ايه

نوره انقهرت من هند انها قالت بنتي هي معجبه بجاسم من كلام ام نواف كان ودها انه يخطبها لكن بتصرفاتها هذي اطير العرسان

موضي / ماشاء الله يخليها لك الي يشوفكم يقول خوات

هند / تسلمين

جت ام بسام وام نواف جلسن مع موضي قامت نوره مولعه من هند

نوره / هند تعالي معي المطبخ نجهز اغراض العشاء

هند / حاضر

دخلت نوره وهند المطبخ وكانت نوره معصبه

نوره بعصبية / وبعدين معك وش الي قايلته للحرمه

هند مستغربه / وش قلت ما ذكر اني قلت شي غلط

نوره / ان غاده بنتك

هند / وهذا الصدق غاده بنتي

نوره / ليه منتي بمقتنعه ان غاده اختك

هند بجديه / خاله قولي الي يدور براسك بدال ما تلفين و ادورين

نوره / ياهند يا عيوني لما تقولين ان غاده بنتك مراح احد يتقدم يخطبك

هند بعصبيه / وهذا المطلوب كم مره قلت لكم زواج مراح اتزوج ارتاحو وريحوني فكوني من اعاده الكلام

نوره بحب/ لمتى يا هند تبقين بدون زواج غاده بتتزوج وحنا مراح ندوم لك

هند / مراح اتزوج لين اموت انتي عارفه اسبابي لرفضي لزواج

نوره بحنان / يا قلبي انا اعرف اسبابك وتخوفك من الزواج لكن مو كل الرجال راشد شوفي خالك واخوانك ينحطون على الجرح يبرا

هند بضيق/ دخيلك خالتي اذا لامي الله يرحمها غلى بقلبك انسي هالموضوع لانه يضايقني فوق ما تتصورين خالتي اعرفي واقتنعي ان الموت عندي افضل مليون مره من الزوج

نوره باستسلام / وعرفتي تمسكيني بيدي الي توجعني بكيفك الي عقله براسه يعرف خلاصه ياله روحي عند البنات ونسي الكلام الي قلته الله يهديك

هند / الله لايحرمني منك ياحن واطيب قلب

نوره / ولا منك

رجعت نوره عند الحريم وهند بالمطبخ تسوي لها شي تشربه سوت لها كاس حليب بالنسكافيه جلست على كرسي بالمطبخ تشرب الحليب لما خلصت

طلعت تبي تختلي بنفسها ما تبي تقابل البنات بعد كلام نوره لانها تحس بخنقه

كانت لابسه بنطلون جنز ماسك على جسمها وبلوزه حمرا ماسكه وشعرها مسويه ظفيره هنديه وكالعاده بدون مكياج

طالعت بيدها ما لقت سلسالها الالماس هدية خالها يوم تخرجت من الثانويه والسلسال غالي عليها اتصلت على البنات تسالهم عنه قالن لها ماشفنه

هند بنفسها / اكيد انه طايح اليوم بحديقة الزهور هو المكان الي اختليت فيه عن البنات



عند الرجال


جاسم كان نايم ببيت الشعر صحى الا الساعه 7 له حوالي الساعه نايم قام متجه للحمام يغسل وجهه ويغير ثوبه المتعفس من النوم

لبس ترنق رياضي رايق عليه راح يدور على الشباب والشياب مالقهم يمكن طلعو عندهم مشوار

تذكر حديقة الزهور بيروح يشوف مكانها الي كانت جالسه فيه

جاسم بنفسه / خلني اروح للمكان الي شفتها فيه تركت روحي هناك من شفتها وانا ماني مع العالم
اه يا جاسم شوفت بنت العبت فيك لعب كاني اول مره اشوف بنات

وصل للمكان الي كانت هند جالسه فيه وصار يمسح على مكان الزرع الي كان متناثر عليه شعرها كانه يمسح على شعرها

وهو جالس كان ظهره جهة قسم الحريم سمع صوتها وهي تكلم فز قلبه يقول بنفسه / صوتها الظاهرانك انجنيت يا جاسم صرت تتخيل صوتها


عند هند

هند كان تتكلم بالجوال مع خالد متصل عليها يطمنها انه وصل وبكره باليل بيكون موجود

شافت بمكان الزهور واحد معرضها ظهره القفا كانه قفى اخوها محمد مشت شوي شوي وحطت يدها على عيونه انتفض جاسم من حركتها وذاب وداخ من ريحت عطرها

هند / حمود وش قاعد تسوي لحالك اكيد اكرفوك الشياب وجاي هنا تتهرب منهم


جاسم مصدوم / ..............

هند / حمود وش بلاك ساكت

جاسم / ..................

هند فكت يدها من عيونه وجلست على ركبتها مقابلته وجهها قريبن من وجهه

جاسم منصدم من الموقف وحالته حاله وصدمته انها تحسبه اخوها نزل راسه بحيت مايبان شي من وجهه هند خافت ان صاير شي وهي عارفه ان اليوم زيارة خالها بدر مدت يدها لوجهه ورفعته الكل انصدم

جاسم صدمته الجمال والانوثه الي مايقدر يقاومها أي رجال كل شي فيها قمة بالاغراء كانه وده يقوم يضمها يبوسها أي شي يطفي ناره بس مافيه الجراءه يخون الي استضافوه وعيونه التهمت كل تفصيلها لعله يرتوي منها هيهات للعاشق ان يكتفي بل يطمع بالمزيد


وهند صدمتها انه طلع مو محمد اخوها وطلع رجال غريب وتذكرت انها قد شافته وعرفت انه ولد اخو راشد انتفضت من العصبيه

هند من غير شعوره وهي تصارخ / جاااااااااسم وش جابك هنا

جاسم تروع منها كيف عرفته رد وهو يحاول يصير طبيعي

جاسم / تكلميني انا

هند صحت على نفسها وانها جالسه مع رجال غريب مو محرم لها ركضت بسرعه ودخلت داخل


جاسم في نفسه زين قدرت امسك نفسي مدريت اني خفيف ممكن تثيرني أي انثى الحين من بيشيلها من راسي انا نظره من بعيد اذبحتني وهذي ماسكه عيوني واااااااه على مسكتها ليتها مطوله شوي ولا ريحت عطرها ولا جسمها ولا شعرها لو اوصفها ظلمتها ولا فمها يشهي ويدوخ ويذبح والله وذبحتك ياجاسم
انا شلون اقدر اقوم من مكاني رجولي ترجف من الي شفته شكلي مراح ارجع البيت الا مستخف والا انا حرمه تلعب بقلبي لعب

وتيارات مشاعرعنيفة قويه حادة وعميقة مزقت قلب جاسم وحولته لشظايا متطايرة يحاول جاسم يكابر لصدها

ما عاشت من تلعب فيك يا جاسم انت تكره الحريم كلهم موضي خالتك ما منهن امان


وهو واقف بيرجع عند الشباب لفت نظره شي يلمع نزل نفسه يشوفه شاف اسواره بناتيه فيه حرف h كانت طايحه بمكانها اليوم تاكد انها لها اخذ الاسواره وطبع بوسه قويه عليها وكانه يبوس صاحبة الاسوره حطها في بوكه مايبيها تضيع على الاقل لقى شي من ريحتها تصبره عن شوفتها

قطع تفكيره صوت جواله كان عمه راشد

راشد / الو

جاسم / هلا عمي

راشد / انت وينك

جاسم / بالاستراحه

راشد / انا جايكم اوصف المكان

جاسم / وين عزيمة البر

راشد / اجلها لبعدين مرضان شوي

جاسم / سلامته

وصف جاسم لعمه مكان الاستراحه على الساعه ثمان راشد جاء وعبدالرحمن كان طالع



يتبع

بعد ساعه
دخل عبدالرحمن مع خوال عياله جلس اول مجت عينه على راشد كل منهم انصدم بالثاني
راشد خاف من عبد الرحمن وراشد جالس جنبه جاسم

اول ماشافه عبدالرحمن ثار جنونه وذكريات الماضي صارت بين عيونه أكل راشد بنظرات كلها حقد وكره ما تكلم ولا كلمه طلع

الكل استغرب طريقة طلعته من المكان بعد دقائق الا عبدالرحمن داخل وبايده مسدس صوبه بوجه راشد كل الرجال الي بالمجلس خافو ان عبدالرحمن يتهور و يذبحه حاولو يمنعونه لكن شكله مصر على ذبحة راشد

عبدالرحمن / جاي يالخسيس بعد كل سواياك

راشد /............

جاسم منصدم من الموقف ومن سكوت عمه ومن النفضه الي جته لما شاف عبدالرحمن

عبدالرحمن / راشد لاتحسبني نسيت سواياك يالجبان تقرص وتنحاش لكن اليوم موتك بيدي برجع الاولي والتالي

قام محمد مسك جواله واتصل على اخته هند لعل وعسى تقدر تتصرف مع عناد ابوه

محمد / الو هند الحقينا

هند خافت / خير وش صاير

محمد / ابوي بالمجلس رفع مسدس بوجه رجال اسمه راشد كل الي بالمجلس ما قدرو عليه اخاف يتهور ويذبحه

هند تروعت وصارت تنتفض عرفت انه راشد ابوها موجود / انا جايه الحين

هند بسرعه لبست عباتها وصارت تركض لان قسم ارجال بعيد عن قسم الحريم

دخلت عليهم هند بصوت عالي / لاااااااا ياخالي

وقفت بوجه خالها صارت بينه وبين راشد الراجيل انصدمو من دخول الحرمه وش علاقتها بالي يصير

هند بالم ووجع وحزن / حطها بصدري ياخالي ولا تلوث يدك بدم راشد

الكل مفجوعين وجاسم عرف انها هند الي با لشركه وعرف ان عمه عامل مصيبه جاسم خجلان منهم

هند ودموعها تنزل / ياخالي لا تخليني ناكره لجميلك انك تنعدم بسبتي ياخالي لو صار لك شي انا اضيع انت عزوتي انت قوتي انت سندي انت اهلي كلهم انت امي ابوي لا تضيع عمرك علشانه اذا بتقتله اقتلني قبله اهون من اني افقدك يالغالي

والتفتت لراشد ناظرته بحقد وكره ورجعت تناظر خالها والله ولي خلقك وخلق غلاك بقلبي لدفعه ثمن سواياه غالي دخيلك ياروح هند ارمي المسدس عنك لا تلوث يدك بدمه

تاثر عبدالرحمن كثير من كلام هند وخنقته العبره

هند / يـ يـ يبه دخيله لاتقتله

اول ما سمعها تناديه يبه الكلمه الي ياما تمنى هند تقولها له نسى الرياجيل الي بالمجلس رمى المسدس وسحب هند وضمها ضمه قويه وصار يبيكي بصوت عالي وهي تبكي وتنتفض

عبدالرحمن / قلتي لي يبه اه لو تدرين ياهند اش كثر فرحتي

هند وهي تشاهق / قلتها وانا كنت اتهرب من قولها ماكنت اتوقع اني اقولها يالغالي وصارت تبكي
كل الي بالمجلس تاثرو وابو بسام وابو نواف تاثرو من بكاء عبد الرحمن لانهم يعرف واش كثر متعلق بهند

جاسم تاثر من الموقف الي صار قدامه و تاكد ان عمه مسوي مصيبه معهم نفسه يعرف وش مسوي ليه يقولون عنه حقير ونذل وعمه ليه مادافع عن نفسه

و زاد اعجابه بهند وقوتها وجرائتها وتعلقها بعبد الرحمن وتعلق عبدالرحمن فيها

مدت هند يدها على دموع خالها ومسحتها بيدها وسحبته بيده وطلعت معه برا الخيمه وقبل ما تطلع التفتت لجاسم

هند بعصبيه وبقوه وقسوة / ياليت تطلعون برا لانكم ضيوف غير مرغوب فيكم مايجي من وراكم الا الشر

وبعد كلمتها طلعت

نواف ركض لجاسم الي لاحظ عليه الانكسار بسبب الي صار وكمل عليه كلام هند

نواف / اعذرها يا خوك ولا تاخذ بخاطرك المقصود عمك ولا انت مالك ذنب

جاسم وهم منفجع من الموقف وخجلان ماله وجه يتكلم ويجلس بعد الي صار طلع مع عمه بدون ولا كلمه

طلعت هند مع خالها يدها بيده وراحت جهة حديقة الورود

هند / خالي اجلس هنا وسع صدرك حقي من راشد باخذه لكن مراح اورط نفسي بدمه والقتل موحل
انا الي مقهوره راشد ذوقني المر وهو سبب ضعفي

عبدالرحمن / هو الي شفتيه بالشركه

هند / ايه ياخال ماقلت لك هو سبب ضعفي

عبدالرحمن / عقب الي شافه الليله مراح يجي له وجه يقابل الرياجيل

هند / فكنا من سيرته متى بنرجع لبيوتنا

عبدالرحمن / بكره بعد صلاة الجمعه

هند / خالي ترى الخميس الجاي فض عمرك على العشاء ضروري

عبدالرحمن / ليه عازمتني

هند بحب / تستاهل من يعزمك لكن عندي عشاء عمل مع عملاء يبون ممولين لشركتهم

عبدالرحمن / ان شاء الله

هند / خالي ابي اقولك شي بيفرحك

عبدالرحمن / قولي

هند / شريت قصر امي الي سرقه راشد كان حاجز عليه البنك وشريته من البنك

قام وباس راسها عبدالرحمن / بعدي بنتي بردتي قلبي براشد سلمت بطنن حملت فيك ولله وثمرة تربيتي فيك الحين بذا الخبر غيرتي مزاجي الي خربه شوفت النذل راشد

هند / الحمد لله اني فرحتك

عبدالرحمن / أي والله فرحتيني انك رجعتي المال المسروق لاهله

وقف / هند تاخرت على الرياجيل انتبهي على نفسك

دخل عبد الرحمن مجلس ارجال تغيرت نفسيته بعد شراء هند للقصر دخل عليهم يضحك ويسولف

ابو بسام / كانك مبدلينك منت الي من شوي

ابو نواف / هذا سحر من اسحار هند

عبدالرحمن / هههههههههه وش تبون مني اقوم اكوفنكم محلكم علشان تنبسطون

ابو نواف / صاير تخوف اهم شي ان محمد شال المسدس واخفاه ولا كان ذبحتنا ما تنتفاهم انا شباب مابي اضيع عمري بصير معك مسالم

الكل / هههههههههههههههههههههههه



في سيارة جاسم

طلع من الاستراحه كلم خالته وقال لها تطلع في السياره جالسين ساكتين جاسم منقهر من عمه

ويفكر في نفسه / اكيد مسوي بلوه كبيره مع هند هذي والا ليش عبد الرحمن بغى يثور فيه بالمسدس لازم اعرف السر الي مخبيه علينا عمي والله ما صار لي وجه اوريه لنواف بعد الي صار اكيد نواف يعرف بس استحي يمكن البلوى الي مسويها عمي تقطع الوجه اكيد خالتي موضي تعرف السالفه لازم بكره اسئلها لازم اعرف

وصلهم البيتهم نزلهم جاسم ماله خلق يقابل عمه بعد الي صار لانه مايضمن اعصابه يخاف ينفجر بعمه

كمل طريقه لبيت امه دخل البيت مافي احد دخل غرفته دخل الحمام اخذ شور لعل وعسى يطفي قهره وحيرته

حط راسه على المخده مستغرب من قوتها كيف تتعامل مع الرجال بقوه تصرفاتها رجوليه ما تميل ابد لصنف لحريم قوتها وشراستها شخصيتها القويه العنيده المسيطره الي تخوف الرجال

ليش عند عمي تضعف وتنهار ياترى ياعمي وش مسوي لها انا متاكد انه شي كبير الي تخليها تبكي وتنهار ويجيها انهيار عصبي حرمه حديديه تنهار بسبتك ياعمي بنجن اذا ماعرفته متى يجي الصبح وتفك خالتي حيرتي

يوم جاء بينام مر طيف حبيبته قدامه خفق قلبه وبتسم من انتي يالي حطمتي قلبي وذوبتيه الاكيد اخت محمد بس منهي وش اسمها طمعان انك تتزوجها عقب الي صار مستحيل تتزوجها وهم طاردينا اليوم بسبب عمي وهو بافكاره من التعب نام



عند الحريم بالاستراحه


دخلت هند عند الحريم وهي منهار بعد الموقف الي صار وهي تكابر عند خالها جلست بمكان منعزل وصارت تشاهق من البكاء دخلت عليها نوره خافت لما شافتها تبكي

نوره بخوف / هند وش فيك يوجعك شي

هند من كثر البكاء ماتقدر تتكلم / هزت راسها بلا

راحت نوره المطبخ جابت كاس ماء غسلت وجها وشربتها

نوره بحزن / وغلات امك عندك تقولين

هند بوجع / راشد كان هنا

تروعت نوره / وش جابه هنا متى جاء وش يبي

هند / مدري بس خالي بغى يقتله رفع المسدس بوجهه وكلمني محمد ولحقت عليه قبل لا يتهور بدمه

نوره بصراخ / وشوووو عبد الرحمن رفع المسدس بوجه راشد

هند / ايه وخالي مره متاثر حاولت اغير جووه لكن راشد عكر مزاجه اول مره اشوف خالي يبكي شفت وش سوى فينا راشد

نوره تقطع قليها على زوجها وتعرف دموع الرجال غاليه ما ينزلها الا القهر والي سواه راشد بساره وهند فجر القهر بعبد الرحمن

هند / خاله لا تقولين اني قلت لك انا ماقلت لك الا علشان يصير عندك علم لو عصب عليك ولا شي تعذرينه لانك عرفتي السبب

نوره بحزن / هذا الي جانا من ورى راشد

هند بتغير من الحزن / خاله شخبار العشاء بموت من الجوع

نوره / من اليوم البنات يشون شكلهن اكلن العشاء ونسنا

هند / الظاهر الرجال بياكلون من الشوي

نوره / لا مراح يكفيهم لانه كثرو جو اخواني بعد ما زارو بدر

هند / بشري وش صار لما زاروه

نوره / جو من الزياره متاثرين ولا اخذت اخبارهم

هند / اجل كملنا عليهم بالفلم الي بسبت راشد لانهم كانو موجودين لما صارت المشكله بروح عند البنات

نوره متنكده من الكلام الي قالته هند دخلت عند الحريم

وهند راحت عند البنات الي كانن يشون ويضحكن

نجلاء / وينك هند من اليوم ما جلسنا معك

هند / انشغلت شخبار عشانا ليكون اكلتنه

غاده صديقة هند ملاحظه اثار البكي على وجه هند سحبتها على جنب

غاده / هند وش فيك انتي باكيه لا تقولين لا لاني اعرف انك باكيه ليش

هند / سالفه صارت وانتهت بسلام

غاده / قولي شنهي مراح اتركك لين اتقولين لو اجلس لصبح

هند / قالت كل الي صار لغاده ونبهتها ماتقول لاحد

غاده / كل ذا صار ولا درينا الله يعينك ويصبرك ي وربي بيعوضك على صبرك الحمدلله لحقتي على عمي ابو خالد لا يتورط بدم راشد

هند / الحمد لله خلاص قلت لك خلينا نروح للبنات

راحن للبنات وجلسن سوالف ضحك وتنكيت من غاده لين خلص الشوي جهزن السفره عند الحريم وحطن الشوي والسلطات والمقبلات مع الخبز والببسي

تعشن والحريم الكبار نامن والبنات سهرن سوالف ولعب لين الساعه ثنتين كلهن دخلن غرفه وحده وبسطن فرش على الارض فراش هند بالوسط بين غاده اختها وغاده صديقتها وحاضنه غاده اختها

ام نواف وام بسام ونوره ونجلاء نايمه بغرفه ثانيه وغلاء نايمه بحضن امها



اليوم الثاني بالاستراحه

عن الرجال

صحو على اذان الفجر صلو الشباب رجعو ينامون الشياب فرشو فرشه برا والجو خيال بعد صلاة الفجر جلسو يسولفون

عبد الرحمن يكلم ابو نواف

عبدالرحمن / وش صار بصفقه الي تسربت وخسرتها

ابو نواف / القهر يابو خالد ان فيه موظف خاين بشركتي يسرب معلومات لشركات المنافسه

عبدالرحمن / الله يكفينا الشر صارت الذمه تنشرى بفلوس تلقى شارينه الشركات المنافسه لتهريب المعلومات من شركتك

ابو نواف / على كذا ياخوك بفلس لان الصفقه الي خسرتها كبيره لو بفقد صفقات من هالوزن بتخسر شركتي سمعتها

ابو بسام / مافي حل الا ان تكشف الموظف الخائن وتطرده

ابو نواف / شلو اعرفه كاني ادور ابره بكومة قش

ابو بسام / سهله يبو نواف

ابو نواف / الحقني ياخوك

ابو بسام / ابشر شوف الي دايما تناقشهم بصفقات كل مره اخذ واحد منهم وعطه معلومه مغلوطه ولا اوصيك كثف المراقبه على الموظقين حط كمرات مراقبه بالمكاتب صدقني بسبوع بينكشف

ابو نواف / والله فكره شورك وهداية الله

ابو بسام / نبي على هالجلسه قهوه وفطور تتصل يا بو نواف على ام نواف ولا بتتصل يجبونها

عبدالرحمن / وش لك تتصل فيهم وتقومنهن من نومهن وعده القهوه عندنا الفطور نقوم واحد من الشباب يجيب فطور لنا وللحريم

ابو نواف / والله انك رحوم مع الحريم

عبدالرحمن / وليه ما نرحمهن وهن جابن لنا العيال وماقصرن بحقوقنا

ابو بسام / ابو نواف صدق يويلك لو تسمعتك ام نواف تشيشنا على الحريم

ابو نواف / الله وكبر ماقلنا شي واكلتوني شكلهم معينينكم من انصار حقوق المراه

ابوبسام وعبدالرحمن / ههههههههههه



عند جاسم

جاسم صلى الفجر وبعد الصلاه ركب سيارته بطريقة لبيت عمه وصل البيت فتح الباب بالمفتاح الي معه دخل لقى خالته موضي بالصاله انبسط لماشافها لحالها لقاها فرصه يسالها عن هند وعبد الرحمن مدام عمه للحين ماجاء من الصلاه

جاسم / صباح الخير

موضي / صباح النور وينك مانمت امس هنا

جاسم / نمت في بيتنا

موضي / امكك واخوانك مسافرين وش مجلسك هناك لحالك

جاسم / كنت متضايق

موضي / عسى خير وليش ما تضايق وحنا امس مستانسين بالطلعه

استانس ان خالته سهلة عليه مهمة السؤال

جاسم / خاله ابي اسئلك سؤال وابيك تقولين الصدق

خافت موضي من جديت جاسم قالت / اسئل وليه بكذب

جاسم / تعرفين واحد اسمه عبد الرحمن الفهد بينه وبين عمي مشكله كبيره بسبب بنت اسمها هند تصير بنت اخو عبد الرحمن

صعقت موضي شلون الماضي ظهر لكن مستحيل تقول الصدق لانها بتطلع بعيونهم مجرمه

جاوبت عليه وباين عليها الخوف والارتباك الي ما غاب عن جاسم / وش يعرفني فيه مو كل شي يقوله لي عمك وبذات الي يخص اشغاله

جاسم عرف ان خالته تكذب مستحيل يعرف منها شي ولا من عمه حس بالياس

قام واقف بيطلع لغرفته ماله خلق يشوفهم حس انه عايش بين مجرمين مراح يرتاح لين يعرف لكن كيف وهم مستحيل يقولون

جاسم في نفسه / والحل يا جاسم كيف بتعرف وتبرد نارك ان كان لهم حق عندنا انا بوقف بوجه عمي وارده لهم انا ما حب الظلم مستحيل اوقف مع الظالم لو كان عمي يارب انك تساعدني

طلع لغرفته وهو محمل من الهموم الي تهد جبال دخل غرفته اتصل باخوه فيصل
يرن جوال فيصل من ثالث رنه رد

جاسم / الو فيصل

فيصل / هلا جاسم كيفك وش مصحيك ها لوقت ياخوك

جاسم بضيق / اه يا فيصل الهم والضيق كابس على صدري

فيصل بخوف / سلامتك من الاه ياخوي قول وش مضايقك خوفتني عليك ومشكلتي بعيد

جاسم / الشي كبير يافيصل ما ينقال بالتلفون

فيصل / الحين بنرجع

جاسم / وجداتك بتنكسر فرحتهن

فيصل / لا ابشرك بيجن معنا قدرت فيهن امي بيجلسن اسبوع عندنا وعليك رجعتهن

جاسم / لا تتاخر علي يا خوك محتاج تفك حيرتي

فيصل / ابشر يا خوك انتبه لنفسك يله بنتجهز لرجعه

جاسم / الله يحفضك انتبه لطريقك



في الديره


سكر فيصل من جاسم وهو يغلي من خوفه على اخوه واضح من صوته ان الشي مو سهل يعرف اخوه وحافظه

طلع فيصل لصاله لقى امه مع جداته والجوهره توها قايمه

فيصل / يمه ممكن تجين ابيك بشغله

قامت ام جاسم مع ولدها ودخلت المطبخ

ام جاسم / خير يا فيصل

فيصل / جهزي اغراضكم بنمشي الحين ضروري

ام جاسم / ليه

فيصل / واحد من الربع تعبان وطلبني الشغل عندهم طيران اليوم بعد العصر ولازم اكون بدري برياض علشان يمدي اتجهز لسفره

ام جاسم / خلاص وانا امك نفطر ونكون جاهزين

فيصل / فديتك يا لغاليه حاولو ما طولون وتخلصون بسرعه

ام جاسم / ان شاء الله يوليدي




يتبع

الاستراحه

عند الحريم

صحتام بسام من نومها بسبب حركات بنتها غلا الي نايمه بحضنها بسبب ترفسها

قامتراحت للمطبخ تجهز الفطور علشان تصحي الحريم لقت ام نواف سابقتها للمطبخ وجهزت كل شي
ام نواف رحمت ام بسام لان الشغل امس كله عليها

ام بسام / صباح الخير

ام نواف / صباح النور وش مصحيك امس تعبناك وقلت اليوم اريحك

ام بسام / لا تعب ولا شي الي يشوفك يقول كل يوم متجمعين

ام نواف / والله انك صادقهماصرنا مثل اول نجتمع كل سبوع كبرو عيالنا وكثرت اشغالهم

ام بسام / أيوالله الا وينها نوره

ام نواف / مدري يمكن عند ابو خالد



عند الرجال

عند نوره وعبدالرحمن


اول ماصحت قلبها ماكلها على زوجها لان البارح طول الليل تحاتيه ومعورها قلبها من الي صاربينه وبين راشد

اول ما قامت اتصلت على عبدالرحمن وقالت تبي تشوفه لانهامشتاقه له ومن يومين ماجلست معه


نوره / حبيبي وينك مشتاقه لك لو ماطلبتاشوفك ماطلبت

عبدالرحمن / تسلمين يالغاليه البارح صار موقف بغيت ارتكبجريمه

نوره حطت نفسها ما تدري عن الي صار تبي يطلع الي بقلبه

نوره / سلامتك وش صاير

عبدالرحمن / قال كل الي صار

نوره / الحمدلله اليمرت على خير والحمدلله تدخلت هند ولا كان تهورت وحرمتنا منك وجلست تبكي ترى واللهيا عبد الرحمن لو صار لك شي يمكن اموت او استخف تكفى يا لغالي حافظ على نفسك علشاني

عبدالرحمن مسح دموعها / ليه البكي يا لغاليه يا رفيقة دربي يا نور دنيتي ياام عيالي ما صار شي كل شي انتهاء

رمت نوره نفسها على صدره وتمسكت بخصره

نوره / جعلني ما ذوق حزنك وجعل يومي قبل يومك



عندالبنات


قامت هند من النوم وكل تفكيرها بخالها راحت ادور عليه شافتههو ونوره جالسين وهو ضامها

هند / احم احم يا عيني على غزل الشياب

نوره ارفعت نفسها عن حضن عبد الرحمن وهي مستحيه

عبدالرحمن / شياببعينك الا شباب واحلى شباب عليك اوقات مدري كيف جايه ما خليتينا نتهنا يحبك لتخريب

استحت نوره وولع وجهها احمر


هند بمزح / خالي شوف وجه خالتي صارطماطه


عبدالرحمن يطالع بنوره بيرفع ضغطها / وش الي ذبح قلب خالك الا ذاالخدود الطماطه

هند / ههههههه حرام عليك خالتي ذابت شكلها بيغمى عليها اهمن الحب وعمايله

نوره مستحيه وبعصبيه / هنددددددددد خلاص

هند / برجع للبنات مابي اصير عزوله

عبدالرحمن / احسن بعد خلينا ناخذ راحتنا

هند / لا تخلوني استنذل معكم وارسل لكم غاده عاد ان شافتكم بتلزقفيكم

عبدالرحمن / لا والي يعافيك كلش ولا غاده مراح نسلم منلسانها


راحت هند عند البنات علشان تقومهن وعلشان يفطرن ويجلسن يسولفن معبعض معاد بقى وقت وكلن بيرجع لبيته




عند جاسم

رجعبيت امه ينتظرهم هناك على الساعه وحده الظهر كان جاسم منسدح على الكنب والتفكيرذابحه وقلبه معذبه على عشقه الي اندفن اول ما نولد جالس على غداه امس بالاستراحهماكل شي وباين على شكله التعب والضيق وهو على حاله دخلت ام جاسم وفيصل والجوهرهوجداته

جاسم لما شاف جداته فز وراح لهن وباس روسهن وراس امه الجوهره سلمتعلى اخوها وطلعت فوق لغرفتها بتكمل نومها

جاسم بحب / حيا لله من جانا تومنور المكان

الجده ام راشد / الله يحيك ويبقيك يوليدي

الجده ام موضي / شلونك يوليدي وجهك ماعجبني تعبان يوجعك شي

جاسم / بخير الله يبقيك مافيني الا العافيه كان راسي يوجعني مدام شفتكم بطيب

الجده ام راشد / دومبخير الله يفرحني فيك وشوف عيالك مالين هالبيت

ام جاسم / جاسم وش جابكوالبيت مافيه احد عمك خالتك فيهم شي

جاسم / جاي استقبلكم وخالتي وعميمعليهم خلاف

فيصل منتبه لحالت جاسم وباين عليه الهم

فيصل / جاسمالله يعافيك ممكن توصلني المطار وغمز له

جاسم عرف ان فيصل يبيه يشكي له

جاسم / طيب

طلعو من البيت ركبو السياره وتوجهو لمطعم

فيصل / قول ما طقيت مشوار ساعات الا علشان تشكي الي مضايقك

جاسم / تسلم يا خويالمشكله بسبت عمك

فيصل / قول انا اسمعك

جاسم / انا قلت لك عن سالفتهند الي بشركه وموقفها مع عمك

فيصل / ايه كمل

جاسم / امس بعزيمهالاستراحه وبالصدفه والقدر ان هند الفهد وعمها فيه

فيصل متحمس سكت يبي جاسميكمل

جاسم / وكنت معهم بدون عمي وكانو ناس قمه بالذوق والاحترام ومنالقراده عزمت عمي وجاء تخيل اول ماشافه عم هند رفع المسدس بوجه عمك ناوي يذبحه

فيصل مصدوم / قول التفاصيل لا تختصر كيف وشلون وعمك صار له شي

جاسم / حكى لفيصل كل شي بالتفصيل

فيصل من الصدمه /...............

جاسم / تكلم وش فيك ساكت

فيصل / الله يعينك كيف تحملت الموقف واضح ان عمك مسويبلوه مع اهند ليكون

جاسم / ليكون شنو

فيصل / مغتصبها

جاسم / فكرت فيها لو مغتصبها كان ما طلع من عندهم حي ولا وقفت بوسطهم بقوتها وجرائتها ولاهمها اكبر شنب

فيصل / وقتك تتغزل ببنت الفهد لازم نعرف وش مهبب عمك لان اليسواه بيلحقنا

جاسم / أي والله

فيصل / مالك الا خالتي موضي اسئلها

جاسم / سئلتها متاكد انها تعرف واضح انها تكذب قالت ماتدري

فيصل / لا حول من الي بيقول لنا وش رايك تروح لهند لمكتبها وتسالها

جاسم / ناويعلي ما شفتها يوم طردتنا ان جيتها يمكن تذبحني

فيصل / اجل انسى

جاسم بحب وهيام / فيصل شفت عندهم حوريه وش حوريه الا ملاك وربي تذبح القلببشوفتها اول ما شفتها كانت مع اخوها محمد والثانيه يويلي على الثانيه تحسب انياخوها سكرت عيوني بيدها لا ومسكت راسي ورفعته يويلي يوم رفعته وجت عيني بعينها وربيبغيت اتهور بس ربك ستر

فيصل / ههههه يعني طحت ومحد سمى عليك زين ما تهورتكان انت المذبوح

جاسم / انا شاك انها غاده بنت هند

فيصل / غاده كبرالجوهره 19 فرق بالعمر بينكم اكثر من 15 سنه

جاسم / لا ماتوقع الي شفتهاعمرها 19 الي شفتها قمه بالانوثه اتوقع بالعشرينات

فيصل / شيلها من راسكمدام عمك راشد

جاسم / يا ليت يا خوي بس ما قدر كل ما حاول انساها القانيمشدود اكثر لها

فيصل / الله يعينك

جاسم / فيه موضوع بشاورك فيه علىاني موافق عليه

فيصل / قول

جاسم / نواف خطب اختك الجوهره

فيصل فرح بالخبر لانه يحب نواف وله معزه بقلبه

فيصل / نواف ما يرفضيا خوك لولا الحياء خطبته للجوهره

جاسم / هذا كلامي باقي راي الجوهره

فيصل / حاول تقنعها اذا ارفضته هي الخسرانه

جاسم / بحاول وانت لاتقصر

فيصل / ان شاء الله

في الاستراحه

عند الرجال

ابو بسام / خالد متى قال لكم بيجي

عبدالرحمن / قال اليوم ماحدد الوقت

ابو بسام / الله يجيبهم بسلامه

ابو نواف / متى نرجع لبيوتنا

عبدالرحمن / هههههه مشتاق لعجوزك

ابو بسام / يحليلك يابو نواف منت بقادر تصبر

ابو نواف / ايه مشتاق لها عندكم مانع ولا تقولون انكم منتم مشتاقين لعجايزكم

عبدالرحمن / الله يخليهن لنا

ابو بسام / امين

عبدالرحمن / الرجعه بعد الغداء الغداء علي موصي فيه

ابو يسام / كثر الله خيرك

ابو نواف / امين

دخل محمد ونواف عليهم

محمد ونواف / السلام

الكل / وعليكم السلام

ابو نواف / وينكم من افطرتو ماشفناكم

محمد / طلعنا نتمشى ونطلق رجولنا

نواف / من جينا هنا بس اكل ونوم قلنا نسوي رياضه صباحيه

ابو نواف / والله انك صادق يوليدي

محمد / يبه شفت هند اليوم كيفها عقب البارح

عبدالرحمن / شفتها تعرف اختك وانا ابوك تبين عكس الي داخلها انا حاس ان داخلها بركان لو انفجر دمرها

ابو بسام / البنت هذي من صغرها والهم ملاحقها يوم قلنا نست طلع راشد من جديد

ابو نواف / مع اني اجهل الي سواه راشد لكن مهما كان ابوها يابو خالد لا تقوي بنته عليه وتسبب عقوق الوالدين

عبدالرحمن وهو معصب / وش عقوق الوالدين هو متبري منها وراميها ولا سال عنها وتقول ابوها سواياه في بنته سوايا كافر وحط ببالك هي كارهته وحاقده عليه من فعايله فيها وفي امها قبلها بعمري ماشفت هند تكره احد كثر ابوها

ابو بسام / الله يكون بعونها

عبدالرحمن / هند ماشفتها ضعيفها الا قدام راشد دموعها اخر مره شفتها بموت امها ظهرت بظهور راشد جاها انهيار عصبي بسبته لا بارك الله فيه

ابو بسام / ليكون الي جاها بشركه

عبدالرحمن / ايه

ابو بسام / وش جابه

عبد الرحمن / قال عن سبب جيت راشد

ابو بسام / له وجه بعد الي سواه

عبدالرحمن / والله فرحت قلبي امس لما قالت لي احلى خبر

ابو بسام / عساه خير

عبدالرحمن / شرت قصر ساره

ابو بسام / كفو والله هذي هند الله يرحم بطن حملتها ويدن ربتها

ابو نواف مثل الاطرش بزفه خلصو الغداء وكلن رجع بيته



في بيت عبد الرحمن


وصل خالد من السفر على الساعه 12 الظهر كان تعبان وصل بسام لبيته وبعدها رجع لبيته

اول ماوصل طلع لغرفته حط راسه ونام

على الساعه اربع العصر وصل عبد الرحمن واهله شافو سيارة خالد عرفو انه وصل

هند ماتقدر تصبر على مايقوم مشتاقه تحس شي ناقصها لاغاب عنها

على طول طلعت فوق ودخلت غرفته

هند قربت من سرير خالد طبعت بوسه على خده حس فيها فتح عيونه وابتسم

خالد / انا قايل مستحيل تنظريني لين اقوم

هند / أيه مشتاقه لك كثير يالغالي

خالد / وانتي اكثر بشري وش اخبارك

هند بحزن / اخباري ما تسر ياخوي ما كملت كلامها الا دمعت عيونها

فز خالد من سريره مفجوع على هند واضح عليها الهم

خالد / بدخل الحمام اغسل وجهي ماني بمطول بطلع بسرعه حلفتك ما تتحركين

دخل الحمام وبسرعه طلع و الهواجس ذابحته ذبح

خالد بحب وحنان / افتحي قلبك لاخوك يقلب اخوك انا عونك لاضاقت دنياك وربي ارمي نفسي بالنار وانا فرحان ولا اكتوي بدموعك

هند ضمته وصاحت بوجع / خالد راشد طلع من جديد بحياتي ظهور راشد متعبني لما اشوفه اذكر افعاله راشد بيكون سبب موتي

رفعها خالد وهو موجوع من كلامها طالع بوجهه المتورم من الصياح

خالد / راشد الي قابلتيه بالمكتب

هند / ايه ولحقنا للاستراحه

خالد معصب / كيف وشلون

هند / قالت له كل الي صار وبين كل كلمه تشهق من البكي

خالد / كل هذا صار وانا غايب يا خساره يا ليت كنت موجود كان سويت الي منعتي ابوي يسويه وريحتك من العذاب الي عايشته

هند / فديتك ياخوي الي مرضيته على خالي مستحيل ارضاه عليك

خالد / كل عمري فدوه لك يالغاليه

خالد بيغير جو على هند وبيفتح قلبه لها بسالفت غاده

خالد بتوتر / هنوده اخوك يحب

هند بفرح / عارفه ومن زمان وعارفه حبيبتك بعد

خالد يبتسم / كاشفتني وش رايك

هند / ناسي اني احس فيك وانك توئمي والله ياخوي غاده مافي منها وهي تبادلك الحب

فز قلبه من كلام هند خالد بجديه / وش دراك انها تحبني


هند تبتسم / ادري ومتاكده بعد لا وازيدك من الشعر بيت عشق مو حب

فز وباس راس هند على هالكلام الي رد الحياة لقلبه

خالد / تتوقعين توافق علي

هند تبتسم / يالخبل اقول تعشقك اكيد بتوافق هي تكتوي بحبك

خالد بقلق / وش دراك انها تحبني يمكن تتوهمين

هند بتاكيد / مثل ما انا متاكده انك تحبها متاكده انها تحبك لاتنسى انها صديقتي وكاشفتها مثل ما انا كاشفتك

خالد بستعجال / اجل بفاتح ابوي وامي

هند بحب / ترى هذا يوم المنا لخالي ولابو بسام نفسهم يثبتون علاقتهم مع بعض بنسب كانو يبون يثبتونه فيني مع بسام بس ضيعت املهم البركه فيك
متاكده لما تقول لخالي بينبسط زين ما يشيلك على راسه ويدور فيك من فرحته

خالد / ههههههههههههه لهدرجه

هند / واكثر

خالد بفرح / اجل خير البر عاجله خليني اقوله ابسطه بعد الي صار وضيق خلقه بالاستراحه

هند / ايه

طلعت هند من غرفة خالد نزلت تحت دخلت غرفتها لقت غاده نايمه

خالد دخل الحمام اخذ شور ولبس ملابسه وطلع نزل تحت طلب من الشغاله كبتشينو

خذا الكاس وطلع بالصاله شربه وقرر يطلع لغرف امه وابوه يناقشهم بموضوعه مافيه صبر ينتظر

قام بيطلع الا يسمع صوت ابوه وامه على الدرج
دخل عبد الرحمن ونوره الصاله استقبلهم خالد وباس روسهم

عبدالرحمن / متى جيت يابوك

خالد / على الساعه 12

نوره / تغديت وانا امك

خالد / ايه تغديت مع بسام انا ابيكم بموضوع

عبد الرحمن ونوره جلسو وجلس خالد قدامهم

خالد / يبه قررت اخطب

عبدالرحمن بفرح / الساعه المباركه يبوك

نوره / تختار ولا نختارلك

خالد / لا اخترت

عبدالرحمن / من اخترت

خالد / بنت عمي ابو بسام
عبدالرحمن ونوره فرحو من اختيار خالد وكانو طول عمرهم يتمنونها له

عبدالرحمن / يا زين ما خترت الله يفرح قلبك مثل مافرحت قلبي

نوره / تكلم ابو بسام ولا انا اكلم ام بسام

عبدالرحمن / لا كلمي ام بسام نبي راي البنت ان وافقت تقدمنا اخاف من ابو بسام يغصب عليها لاني اعرف يتمنى نسبنا مثل ما تمنى نسبه

نوره / خير البر عاجله اليوم ازور ام بسام وان شاء الله ماجي الا بالموافقه

خالد / ان شاء الله لاوصيك يالغاليه امدحي فيني تراني ولدك

عبدالرحمن / هههههههه مايحتاج امك تمدحك تراهم يعرفونك اكثر منا

نوره / باذن الله ان غاده تكون من نصيبك لا تحاتي



في بيت ابو نواف


لما طلعو من الاستراحه اصرت عليهم نجلاء يوصلونها لبيتها لانها عارفه ان بسام موجود وهي مشتاقه له موت اول مره من تزوج يسافر ويتركها

وصلها نواف لبيتها ورجع لبيتهم اول مادخل لقى امه وابو جالسين بالصاله يسولفون

نواف / زين انكم متجمعين عندي لكم موضوع مهم

ابو نواف / خير وش الموضوع

نواف / يبه بعد اذنك انا خطبت

ابو نواف عصب / خطبت واخر من يدري انا

نواف / وسع صدرك يالغالي انا كلمت اخوها اجس النبض وبيكم تتقدمون رسمي

ام نواف / من هي بنته وشلون عرفتها

نواف / لايروح تفكيرك بعيد حتى اسمها ماعرفه

ابو نواف / اجل شلون خطبتها

نواف / يبه انا شاري اخوها وشاري نسبه اخوها جاسم صديقي وانت تعرفه ومعجب باخلاقه

ابو نواف / زين ماختر والله ان جاسم والنعم وربي لو ان عندي بنت تمنيتها لها

نواف / طيب متى بتتقدمون تخطبونها الي

ابو نواف / حدد الوقت الي يناسبكم ونروح نخطبها

نواف / اجل بكلم جاسم وشوف الوقت الي يناسبهم لزياره




في بيت بسام


دخلت نجلاء بيتها ودخلت غرفتها شافت بسام نايم واضح عليها التعب
دخلت الحمام خذت شور ولبست قميص نوم احمر يوصل لركبه مفتوح من الجوانب تعطر بعطرها المضل

رفعت الحاف ودخل بسريرها ونامت بقرب بسام
ودفنت وجهها بصدره وهي متلهفه ومشتاقه له حس فيها وضمها اكثر لصدره وهو نايم وكملو نومهم




في بيت راشد


وصل جاسم جداته لبيت عمه بعد مادخلن جداته البيت وصلهن داخل وطلع على طول لانه يكره استقبالهم لجداته يستقبلونهن ببرود وكانهن غير مرغوب فيهن

موضي كارهه وجودهن وتضايقت اكثر انهن بينامن عندها سلمت عليهم ببرود

وراشد من سالفة الاستراحه وهو مو طبيعي كاره عمره وماله خلق لاحد

ام راشد / شلونك يوليد

راشد برود / بخير يمه

ام راشد بزعل / يا دفع البلى ما تفكر تمر تطمن على امك

راشد من غير اهتمام / مشاغل يمه

ام راشد بعتب / الشغل مايشغلك عن امك

راشد سكت ماله خلق يجادل امه

ام موضي بزعل / وينك يا موضي ما كان عندك ام تسالين عنها وتزورينها

موضي ببرود / عارفه انك بخير تجيني اخبارك من جاسم

ام موضي بقهر / وش بيضرك لزرتيني

موضي ببرود / اهم شي انك عندي وشوفك بخير ماله داعي العتاب والزعل

هزت ام موضي راسها من قساوة بنتها




في بيت ام جاسم



جالسه ام جاسم والجوهره وفيصل بالصاله والجدات في بيت راشد بيامن عنده الليلة
دخل جاسم بعد موصل جداته للبيت دق جواله الا المتصل نواف

جاسم / ياهلا ومرحبا

نواف / الهلي مايولي كيفك

جاسم / والله ماني بخير بعد الي صار بالاستراحه

نواف / الله يعين شكلهم حاقدين على عمك

جاسم برجاء / طالبك يا خوي ما تدري وش سبب الحقد والله كرهت عمي بسبتهم وانا مدري عن السالفه

نواف / الي عرفته ان هند بنت عمك وانها تكرهه وتتمنى موته

جاسم / شلون بنته مستحيل عمي عقيم والكل يدري انه عقيم شلون طلعت بنته شكلك غلطان

نواف / مدري يمكن فاهم غلط بس تراها ناويتن بعمك نيه شينه لانها شرت قصره

جاسم بعصبيه / وش ناويه عليه وصلت انها بتطردهم من بيتهم والله انا الي بوقف بوجهها

نواف / فكنا منهم انا مكلم بموضوعنا

جاسم / الاهل ماجو الا اليوم ما كلمتهم

نواف / نبي نزوركم ونخطب رسمي شوف الوقت المناسب

جاسم / بعد اسبوع ان شاء الله

نواف / السبت الجاي

جاسم / على خير ان شاء الله

نواف / يله اشوفك على خير فمان الله

جاسم / فمان الله

لما دخل الصاله وشافهم متجمعين قرر يفااتحهم بالموضوع جلس جنب الجوهر والتفت عليها

جاسم بحب / الجوهره فيه واحد خطبك

الجوهره كانت تشرب عصير وشرقت

ام جاسم بعصبيه / الله يهديك روعت اختك احد يقول الموضوع كذا

جاسم / يمه تراه نواف صديقي

ام جاسم / الشورلاختك انا عني موافقه

الجوهره / ............

فيصل / الولد اخلاق ويشتغل دكتور جراح للقلب صديق اخوك جاسم واخلاقه من اخلاقه اذا عليك اعتراض على اخلاق جاسم

الجوهره / جاسم انا وراي سنه واتخرج والزواج بيشغلني عن دراستي وانت تعرف الطب مو سهل

جاسم / نواف مستعد بالي تبين ولا تنسين انه طبيب ويعرف هالشي

الجوهره / انا مبدئيا موافقه لكن لازم اصلي صلاة استخاره والخيره بالي يختاره الله

جاسم / اجل حاولي لا طولين علينا لانه بعد اسبوع جاين بيتقدمون رسمي

الجوهره / ان شاء الله





في بيت ابو بسام


في بيت ابو بسام جالسين يتقهون قهوة العصر الا دق التلفون ردت غلا

غلاء / ماما خالتي ام خالد على التلفون تبيك ضروري

قامت ام بسام وردت على التلفون

نوره / السلام

ام بسام / وعليكم السلام كيفك وكيف العيال

نوره / كلنا بخير نسال عندكم اليوم فاضيه بجيك ابيك بموضوع ضروري

ام جاسم / لو مشغوله افضي نفسي علشانك تعالي المغرب

نوره / ما تقصرين يام بسام خلاص انتضريني بعد المغرب




في بيت بسام


قامو من النوم ونزلو تحت وكانت نجلاء مجهزه القهوه والحلى

نجلاء بحب / بسومتي ما شتقت الي

بسام بحب / الا ذبحني الشوق ياعيون بسومتك

نجلاء / ما توقع كثري الله يخليك لاعاد تسافر وتخليني حياتي من غيرك ظلام

طالع فيها بسام بعيون كلها عشق وغرام وهيام

بسام بشق / وانتي من غيرك حياتي دمار ربي لا يحرمني منك وباس جبينها





في بيت ابو بسام


بعد المغرب جت نوره على الموعد وكانت ام بسام بنتظارها على نار خايفه وقلقانه من الموضوع الي جايه فيه نوره

دخلها لصاله قهوتها ونوره ساكته الي سبب الرعب لها

ام بسام بقلق / قولي الي عندك وقولي موضوعك

نوره بجديه / من غير مقدمات ولا بينا هالحركات ولدي خالد يبي بنتك غاده

ام بسام بفرح كبير / الساعه المباركه والله

نوره / يهمني راي غاده ويا ليت تردون علي الحين ترى خالد على نار وانا وعدته اجي والرد معي واتمنى تكون الموافقه خالد ولدي وتعرفونه ما يحتاج تسالون عنه

ام بسام / خالد ولدنا مثل ماغاده بنتكم انتظري بروح اسئلها

طلعت ام بسام لغرفة غاده لقتها على الاب توب

قربت من بنتها وقومتها وجلستها على السرير

غاده بخوف / خير يمه شكل عندك موضوع قوليه

ام بسام / خالتك نوره تحت جايه تخطبك لخالد وتبي ردك الحين تقول خالد على نار ينتظر الرد

نزلت راسها من الحياء ووجها وولع من الحراره

غاده / يمه الصراحه انا موافقه وخالد نعرفه مو غريب عنا واشور شوركم

ام بسام باست غاده وضمتها بحب ام بسام / الله يكملك بعقلك خالد ماينرد بنزل اطمن امه الي جالسه على نار

غاده / يمه بس مابي زواج لين اخلص

ام بسام / بقول لها ماضن انهم بيرفضون


نوره جالسه بالصاله ذبحها الانتظار وهي خايفه من رد غاده

نزلت ام بسام لنوره وشافتها متوتره

ام بسام بفرح / ابشرك وافقت روحي طمني ولدك لايحرق البيت عليكم

نوره بفرح وراحه / الله يبشرك بالخير والله يام بسام ما تدرين اش كثر فرحتي بالموافقه

ام بسام / لكن غاده ماتبي زواج الا بعد ماتخلص دراستها

نوره / يصير خير يملكون وان تخرجت سوينا الزواج

ام بسام / هذا شور الرياجيل

طلعت نوره من بيت ابو بسام وهي فرحانه الي كانت تحلم فيه وتتمناه لولدها صار







بيت عبدالرحمن


خالد جالس على نار وهند وغاده جالسين عنده

هند بطمنه / يابن الحلال طمن نفسك الموافقه ضامنتها لك

خالد / اقول هنوده يحلوك ساكته امي تاخرت

غاده بتقهره / ههههههههههههههه اكيد رفضوك و متفشله لا تجي بدري تقولك تنتظرك تنام وتجي

خالد بعصبيه / غدوووويه يا ليت تنقلعين لغرفتك صايره بومه ما تتفاولين بخير

هند / هههههههه حالتك مستعصيه خالد اذا وافقت وش تعطيني

خالد / الي تبين

هند / ا شهدي يا غاده مو يجحدني

غاده / ماماتي انا معك

هند / ولا يهمك انتي مع ماماتك

سمع خالد صوت الباب وسمعو صوت نوره تلولش

نوره / لوووووووووش

فز خالد وركض لامه وضمها

خالد / وافقو

نوره / اجل ليه الولش

خالد / فديتك ياغلى ام قولي وش تبين ثمن البشاره عيوني لك

هند / غاده ما تلاحظين انه جحدني

غاده بتنرفزه / الا اشوف ماماتي وش رايك تكلمين غاده وتخربين عليه

هند / رايك اسويها

خالد / فكينا من شرك يا لوسواس الخناس هند بغديها بكره بعد الشركه على حسابي واي مشوار تبيه من عيوني اسويه

هند / تسلم يالغالي فرحتك بالخبر هي بشارتي

خالد / تسلمين مدري ليه ما طلعت لك ها لعله

غاده بتقهره / ما عله غير غادتك ولا وش عامي عيونها توافق عليك قلو الرياجيلرياجال

خذا خالد كرتون الكلنكس وحذفها فيه

خالد / انقلعي لا ارتكب فيك جريمه

غاده / ههههههههههه يحلوك معصب يا خلود

خالد / خلود بعينك يالبزره

غاده / خالتو ابيك بموضوع ضروري ممكن

قامت نوره ومشت مع غاده لغرفة الجلوس

غاده / خالتو صديقتي الجوهره عزمتني على عشاء وانتي تعرفين راي ماماتي

نوره / قلتي لها

غاده / لا ابيك تساعديني انا مابي اروح الحالي ابيك تروحين معي

نوره / متى العزيمه

غاده / الاربعاء الجاي ابيك تتعرفين على امها

نوره / ان شاء الله بقنعها وبقول لها اني بكون معك وامك ما ترفض اذا بزورهم معك

غاده / قامت وباست راس نوره تسلمين ياخلتو

قامت نوره ومسكت يد غاده وطلعت برى الغرفه دخلن الصاله كانت هند جالسه بالصاله تنتظرهم
تركتهم غاده ودخلت غرفته تبي خالتها تفتح الموضوع مع هند

نوره / هنوده ناس متوسطين فيني علشان اكلمك بموضوع طلبتك لا ترديني

هند / ماعاش من يردك يالغالية

نوره / تسلمين غاده صديقتها عازمتها وخايفة ترفضين وطلبت مني اروح معها

هند بجديه / خاله تعرفين راي بجمعات البنات اخاف عليها تتعرف على شله خربانه وتضيع

نوره / انا معها والله يحميها ويحفظها ترى تسكيرك عليها ومنعك انها تطلع مو حل وانتي تعرفين من مربيه غاده عاقله وهي الي قالت ماتبي تروح لحالها

هند / خالتو متى العزيمه

نوره / الاربعاء

هند / خلاص روحي بشريها عن الموافقه وقولي لها اني ماوافقت الا علشانك وان شفتي صديقتها مو مضبوطه اطلعو على طول

نوره بحب / الله يعلي شانك الي ي كانك تتكلمين عن بنت ام سنتين ان شاء الله مراح يصير الا كل خير

طلعت نوره من الصاله ودخلت غرفة هند شافت غاده جالسه على اعصابها خايفة من رفض هند

نوره / غاده عندك لبس للعزيمه ولا نروح لسوق

ركضت غاده ورمت نفسها بحضن نوره

غاده بحب / ايوه يا خالتو عندي مو من كثر طلعاتي اشتري وخزن انتي الي عندك ابيك احلى وحده بكشخ فيك عند صديقتي

نوره بمزح / عندي وابشري بطلع احلى وحده

غاده / انتي حلوه من غير ما تكشخين ولا ليش ما خذه عقل خالو

ضربتها نوره على راسها نوره / صحيح بنات معاد يستحن

غاده / ههههههه أي عورتيني

نوره / تستاهلين ياله بطلع نامي وراك جامعه


طلعت نوره لغرفتها لقت عبدالرحمن منسدح ينتظرها

عبدالرحمن / بشري وش صار معك في بيت ابو بسام

نوره / كل خير البنت وافقت ولدك من فرحته بالموافقه قال الي تبين اسويه لك

عبدالرحمن بحب / وانا بعد اقول لك الي تبينه بسويه لك ما تدرين اش كثر كنت انتظر هالنسب من زمان

هند / ابي سلامتك يالغالي


يتبع

اليوم الثاني في بيت عبدالرحمن

قامت هند كالعاده بدري اخذت شور قومت غاده وطلعت لغرفة خالد ونزلو تحت افطرو وركبو السياره وصلو غاده لجامعتها وكملو طريقهم لشركه

دخلت لمكتبها ودخل خالد لمكتبه وهو فرحان بموافقة غاده حبيبت عمره



في مكتب هند



دخلت السكرتيره عندها


السكرتيره / استاذه فيه شكاوي على موظف هنا بالشركه

هند بجديه / وش نوع الشكاوي ومن الموظف

السكرتيره / الغياب والتاخير والخروج بدري قبل خروج الموظفين الموظف سعد

هند / موجود الحين

السكرتيره / مدري

هند / اطلبيه وقولي له اني طالبته يحضر عندي

طلعت السكرتير وبعد نص ساعه دخل الموظف بعد ماجلس برا ينتظر هند تتحجب وتنادي خالد لانها ما تختلي بالموظفين

طلبت من السكرتيره تسمح له بدخول عليها سعد جلس على الكرسي المقابل لخالد

هند بجديه / استاذ سعد جتني شكاوي عن تغيبك بدون اذن وخروجك وتاخرك ممكن تقول لي السبب

سعد بحزن / غصب عني والله مو برضاي لو تلاحظين ان ما هملت الا من كم شهر وانا من الموظفين الاكفاء وسيرتي تثبت لك عندي ظروف اجبرتني

هند باصرار / ممكن تقول ظروفك يمكن نقدر نساعدك اذا ماكانت شخصيه

سعد وهو خانق عبرته / الله يساعدني ولدي من كم شهر طلع فيه الخبيث لقينا علاجه برا ومطلوب مبلغ كبير لعلاجه وطلعاتي وغيابي بسبب تعبه واضطر اطلع اوديه للمستشفى

هند حزنت عليه ورحمته / طيب انت ما تدري ان شركتنا مسئوله عن علاج الموظف وعايلته وكل التكاليف عليها

سعد مستغرب / لا ما دري

هند / استاذ سعد عندك اجازه مفتوحه وطيارتي الخاصه تحت امرك تنقل ولدك للمستشفى الي تبي والتكاليف بتتحول على حسابك مصاريف العلاج والسكن الى الترفيه لو اخذت العايله


سعد بفرح / الله يفتحها بوجهك وربي شلتي عن صدري هم الله يرزقك ويكثر خيرك ويبارك بعمرك

هند / امين يله لا تتاخر متى بتبدا باجراءات السفر

ابتسم سعد / الحين ما صدقت انها تنفرج

طلع سعد وخالد طول الجلسه ساكت مستغرب من تصرف هند

خالد / من متى الشركه مسئوله عن علاج الموظفين ومشاكلهم

هند / من اليوم مدام ربي عطانا خلنا نساعد

فرح خالد من تصرف هند خالد / الله يقويك

طلع خالد لمكتبه نادت هند السكرتيره

هند / سوزي عندك رقم جاسم الي من فتره كلمك

السكرتيره / ايه

طيب / هاتي الرقم




في بيت راشد


جاسم نام عند عمه ما يبي يترك جداته الحالهن يتضايقن لانهن مهمشات من راشد وموضي

وهو يسولف مع جداته دق جواله برقم غريب
مارد عليه دق الرقم مره ثانيه يوم عرف ان المتصل مصر رد

هند / الو

جاسم استغرب من الصوت الانثوي

جاسم / هلا

هند / الاخ جاسم

جاسم / ايه نعم أي خدمه

هند / معك هند الفهد

جاسم منصدم من مكالمتها الغريبه الغير متوقعه


قام وطلع بعيد عند جداته وكمل المكالمه
جاسم بعصبيه / خير وش سر المكالمه لا تقولين مكلمه بتكملين اهانتك وتجريحك

هند بجديه وبثقة / اخ جاسم متاكده ان نفسك تعرف علاقتي بعمك والسبب لكل الي صار بينا بكشف لك كل شي لكن بشرط

جاسم من داخله متحمس كثير لمعرفة السبب

جاسم متظاهر البرود/ خير وش شرطك

هند بقوة / العايله كلها تكون موجود ابوك عماتك أي قريب من طرف راشد

جاسم بسخريه / خير اجتماع الامم المتحده

هند / المهم انا جايه بيت راشد الثلاثاء الساعه وحده يا ليت الي قلته يصير

جاسم بعصبيه / الاوامر اصدريها بشركتك مو عندي

هند / مو مشكله مع السلامه

سكرت الخط ما نتظرت رد جاسم

جاسم مبسوط وفرحان ان الاسرار الي معذبته بتنكشف وفي نفس الوقت خايف
ماهتم بتسكيرها الخط بوجهه الي مستغربه ليش طالبتهم كلهم يجتمعون

جاسم في نفسه / يبعدك يا الثلاثاء بجلس على اعصابي لين الموعد

رجع جاسم لجده ولا حب يتركهن اكثر عند راشد وهو يشوف الحزن والضيقه مرسومه على وجيهن اخذهن معه لبيتهم




في بيت ام جاسم


الساعه 10 دخل جاسم وجداته البيت ولقى امه وفيصل والجوهره بالصاله يتقهون

جاسم / معزومين كلكم ببيت عمي يوم الثلاثاء الساعه وحده لبظهر على شرف هند الفهد طالبتكم بالاسم تكونون موجودين

فيصل منصدم / وش عندها

ام جاسم / منهي ذي

الجوهره / بتجي غاده معها لو جت بغيب عن الجامعه

جاسم بحزم / قالو لك مسيار الحرمه تقول عندها كلام بتقوله لنا وشارطه ما تقوله الا بوجودكم ومن ضمنكم راشد وموضي

ام جاسم / وش عندها اصلن ما نعرفها ولا بينا كلام

جاسم / اصبري كل شي بالثلاثاء يطلع

فيصل طلع ولحقه جاسم

جاسم بقلق/ فيصل بنت الفهد بترمي قنبله الله يستر لانها قالت لي بتكشف علاقتها بعمي

فيصل بقلق اكبر/ الله يستر ماني بمرتاح خايف من الكلام الي بتقوله

جاسم بقهر / دريت انها شرت قصر عمي

فيصل بعصبيه / على كيفها تشتريه وش ناويه عليه تطردهم من بيتهم بترضاه لعمك ياجاسم انا بوقف بوجهها

جاسم / محدن راضي كل شي يعتمد على الي بتقوله يوم الثلاثاء

جاسم تذكر هروب عمه من مقابلته يومه عندهم

جاسم / تدري ان عمي من سالفة الاسترحه يتهرب مايبي يقابلني هذ يدل ان فيه شي كبير واكبر من الي متوقعينه

فيصل / تعرفني ماملك اعصابي يمكن اذبحها ان قلت ادبها تعرف لما اعصب ما تفرق لو كانت حرمه

جاسم / لكل حادث حديث يله بطلع انام

فيصل / انا بطلع ماجلست مع جدادتي




في بيت ابو نواف


دخل نواف على اهله في الصاله وقال لهم موعد خطبته بتكون السبت الجاي الي بعد سبوع



في بيت عبدالرحمن

كلم عبدالرحمن ابو بسام وقاله عن خطبتهم لغاده فرح ابو بسام كثير وام بسام قالت له عن موافقت غاده وهذي كانت امنيه يتمناه من زمان انه وعبدالرحمن يتناسبون لانهم اكثر من اخوان وان خالد بمعزة بسام ما ينرد حددوا لملكه بعد شهر

خالد لما عرف انهم حددو الملكة قلبه يرقص من فرح اخيرا بيتوج حبهم بزواج



ليلة الثلاثاء

بيت ام جاسم


جاسم مع فيصل في غرفتهم متوترين خايفين من الموعد الي بتنكشف امور يجهلونها

جاسم / فيصل النوم طار من عيوني

فيصل / والي يسمعك بكره اصعب من يوم نتيجة ثالث ثانوي

جاسم / ماني مرتاح احس بخوف اول مره احس فيه

فيصل / والي يسمعك يقول قلبي طبول من الخوف

جاسم معصب / وانت ماعندك الا هالكلمة والي يسمعك

فيصل / وش تبيني اقول لك وبنت الفهد بكره بترمي قنبلتها يمكن القنبله توصل لنا

جاسم / الله يستر لا تنسى لازم الساعه وحده موجودين

فيصل / وانا قادر انساه شكلي من الفجر ببيت عمك انتظرها

جاسم / امي وجداتي بيكونون فيه والله خايف على جداتي من المصيبه الي بتقولها بنت الفهد
اخاف ما يتحملن

فيصل / لازم يحضرن هي طلبت كل الاهل




في بيت عبدالرحمن

هند بغرفتها سهرانه تفكر باللقاء بتقدر تتحمله من غير ما تنهار
ومن بيكون موجود غير جاسم لازم الحقائق تظهر وتنكشف حقارت راشد

طلعت من غرفتها بتتاكد اذا احد صاحي
ما شافت احد الكل نايم طلعت فوق بتشوف خالد
دخلت غرفته كان نايم اول ما حس بفتحت الباب حس انها هند يوم شافته نايم بتسكر الباب

رفع راسه خالد / هند ادخلي

هند / صاحي و اذا نايم كمل نومك

خالد / تعالي ليه سهرانه

دخلت الغرفه وجلست على سريره

هند بقلق وتوتر / بكره عندي موعد ببيت راشد وعايلته

خالد بعصبيه / انتي مجنونه وش لك فيه

هند بوجع / لازم اداوي جرواحي معاد تنفع المسكنات

خالد باصرار / بروح معك

هند بعصبيه / لا لتخليني اندم اني قلت لك

خالد / بتروحين لحالك

هند / لا باخذ الحارسات والشغاله معي لاني ابيهم بشغله

خالد بخوف / والله ماني بمرتاح لروحتك طيعيني وغيري رايك وتركي عنك الموعد

هند / فات وقت التراجع حددت موعد وتعرفني عند كلمتي

خالد / انتبهي على نفسك وان صار شي اتصلي علي وانا طياران عندك

هند / ان شاء الله حلفتك محد يدري عن الي دار بينا لا مك ولا ابوك ولا غاده

خالد / تامرين امر

هند / يله كمل نومك ورانا يوم شاق الله يعينا

خالد / امين

طلعت من غرفته ونزلت تحت لغرفتها دخلت و انسدحت جنب غاده تتقلب مو راضي النوم يجيها